2006年10月31日星期二

南乳炆蓮耦排骨


蓮耦平時就只會想到煲湯, 同阿蘇教做的蓮耦夾, 忽然想到炆蓮耦所以就做起這道南乳炆蓮耦排骨, 這個菜一開始煮的時間整個廚房就已經充斥著南乳的香味, 未

2006年10月30日星期一

吞拿魚包

 

吞拿魚包是我的至愛, 一直都很想做這包, 但是囡囡是不喜歡食, 所以我將麵糰分成二份, 一份做回囡囡至愛的芝士包包, 另一份就做了我的至愛吞拿魚包。本

2006年10月29日星期日

香草/紅茶曲奇


很久也沒有做曲奇, 所以今天做了這個香草曲奇, 我的試食專家 - 囡囡, 她的評語是好味, 但我的感覺是甜了少許及有小許硬身, 可能是牛油及糖未能充份打勻, 下

2006年10月28日星期六

蝦醬蒸腩肉


今晚的另一道菜蝦醬蒸腩肉, 不是常常食的一個可以好好送飯的菜, 沒有其他餸食二至三件都可以將一整碗飯食完。 蝦醬配搭腩肉比較起用魷魚來得更出色

節瓜粉絲蝦米



今晚做了兩道菜色, 其中一道是節瓜粉絲蝦米, 記得自小家裡常常出現的一道菜, 特別是粉絲吸收了節瓜的清甜味及蝦米的香氣, 好食到唔停得口, 要煮到粉絲吸乾所有水份不是一件易事, 如果粉絲用熱水浸很快粉絲吸收所有水份後, 再煮時已經不能吸
收到, 如用凍水浸在煮的過程中仍然可以吸收湯汁, 不過自己點煮仍然不夠爸爸煮得那麼好吃。

節瓜粉絲蝦米 

細節瓜一個
粉絲一包細
薑數片
蝦米十多粒

先將蝦米, 粉絲預早浸軟, 起油鑊爆香薑片蝦米 (浸蝦米水留用) 取出。
再起鑊落節瓜兜勻再小許鹽, 加粉絲及水要到材料一樣高, 再加蝦米加蓋, 中途可查節瓜淋未及看水份是否足夠, 試味不要太咸。等所有水份收乾即成美我的至愛節瓜粉絲蝦米。

2006年10月26日星期四

爆谷


常常都會做這個自家制的爆谷, 只要掌握到時間得宜即可食到美味的爆谷。 發的時間只係數分鐘, 這個小點都是囡囡的至愛, 講起來囡囡都係一個為食貓, 差不多所有放得入口的食物佢都會全部食晒。 而且囡囡的消化力都幾驚人, 放假在家就會食不停, 幸
好囡囡食唔肥否則就大件事。

爆谷 (一碟的份量)
爆谷豆 (用一隻手攞起的份量)
油 / 牛油
糖適量
用一個煲仔大火落油 (如用牛油需要用少許油已免牛油揮發掉) 落爆谷豆, 加蓋待聽到有爆開的聲音時就可以拿起煲仔搖動及轉細火, 待爆開聲減少時可息火再搖多幾次, 沒有聲即可打開蓋, 加糖再開火兜下爆谷待糖溶掉即可 (也可以將爆谷取出, 將糖熱溶焦糖再加爆谷兜勻) 即可成為美味的爆谷。

2006年10月25日星期三

蕃茄炒蛋


一個簡單的蕃茄炒蛋, 最適合在很忙又沒有時間準備的一道方便菜色, 又有營養又很味。這個菜色是囡囡其中一道最喜愛食的菜之一。 所以這道菜是經常會

2006年10月24日星期二

香蕉雪芳蛋糕


一位網友召藥師提供食譜這個香蕉雪芳蛋糕, 謝謝!! 以往曾經試過多個香蕉蛋糕的食譜, 做出來的時候總是不成功, 最常出現的就是外表過已成焦黑及內裡難以熟透, 但這個食譜就非常好, 好鬆軟好好味..... 今次能夠做這麼好味的蛋糕真係很感謝召藥師,
雖然而家蛋糕表面比較黑, 但是真係好好食, 連囡囡都話正!!

香蕉雪芳蛋糕
蛋黃5隻、蛋白5隻、砂糖30g+70g、低筋麵粉100g、牛油 65g (原食譜為沙拉油)、粟粉10g、香蕉茸140g、發粉1/4茶匙、牛奶35g    

1. 蛋黃和30g砂糖一同打發,依序加入沙拉油、香蕉泥、牛奶拌勻。
2. 蛋白與70g砂糖打發至濕性或中乾性發泡。
3. 把低筋麵粉、粟粉、發粉一同過篩,備用。
4. 將麵粉加入蛋黃糊中拌勻,再加蛋白輕手混合,到入中空模,用325F(165度c左右)焗40分鐘,出爐倒扣放涼。

******************************************
-我用中細蛋整,所以要6隻先得。
-蛋白打至倒轉唔會倒下,熄左打蛋器後可拉到蛋白尖有少少彎下至尖尖不倒都得。
-140g約兩隻大香蕉,唔夠140g可用奶代其餘份量。
-我用打蛋器打勻麵粉+蛋黃糊,然後用手動打蛋器先將1/3蛋白加入麵粉糊中拌勻,再將麵粉糊倒入2/3蛋白中再輕手用手動打蛋器拌勻(易過用刮刀,刮刀留番最後倒麵糊入模用)。
-我用錫紙杯,所以先用170度10分鐘,再用150度15-20分鐘,中途面已金黃色可蓋錫紙係面,想知熟唔熟可用牙簽插入蛋糕中,冇麵糊沾住或生蛋味就得。


2006年10月23日星期一

肉桂麵包




好香的肉桂麵包, 做麵包的時候突然想食肉桂麵包, 用甜麵糰 (另外我把糖的份量加多少少) 加上少許肉桂粉做出來, 焗的時候已經香氣四溢, 今次做了少量, 希望下次

2006年10月21日星期六

西洋菜陳腎湯 - 高速煲


今晚用個新的高速煲煲了一個西洋菜陳腎湯, 以前唔識用陳腎去煲這個湯, 所以常常都覺得煲湯好像欠缺了些什麼. 現在終於知道了。 湯的味道真係唔同晒好好味,
除了青紅蘿白湯之外, 這個湯也是我老公的至愛之一, 他可以一個人飲五至六碗。
emoticon


材料 :

西洋菜        1 斤

陳腎            2-3 個

蜜棗            2 個

南北杏         適量

豬骨             1 條

做法 :

豬骨出水, 再煲水至滾放入所有材料, 待水再滾後發出吱吱聲, 轉細火三十分鐘即成。

2006年10月20日星期五

囡囡旅行便當


今日係囡囡學校秋季旅行的日子, 所以今天一早六點起床為囡囡做了個秋季旅行的便當, 只係一些很簡單的食物, 有瑞士汁雞翼及生菜、火腿旦三文冶及芝腿飛碟

2006年10月18日星期三

牛肉漢堡


很久沒有做過漢堡, 買了些牛柳突然想食漢堡, 平時只會用普通牛肉做, 今次第一次用了牛柳食起來比較滑不會鞋口。 最近這一年用來炒的牛肉都是用牛柳, 因為食起來出較淋及滑, 但係價錢以 $10牛柳同普通牛肉比較牛柳細普通牛肉大約五分二左
, 因為不是常做牛肉的菜色, 所以貴少少都無所謂.

牛肉漢堡食譜 :

牛柳 $10
洋蔥半個
麵包糠適量
醃料 : 生抽、糖、生粉、油適量

牛柳手啄啄碎, 加入醃料攪拌, 再加入洋蔥碎及麵包糠攪拌至有少少起膠, 將肉餅撻幾下等佢有彈性後入雪櫃半小時.
雪好後分成如兵兵波一樣大小, 再壓上麵包糠厚薄隨意, 可以炸或用煎 pan多少少油半煎炸…… 食時可點上番茄汁更加美味.

** 如用油炸在起鑊前大火 30 秒可迫多餘油份出來.

2006年10月16日星期一

蘿白牛腩 - 高速煲



很久以前已經想煮這個蘿白牛腩, 以前不懂得選擇蘿白, 後來與一位網友傾談後才知道選購蘿白時要揀外表白淨及少根, 食起來才會無渣. 今次做這個牛腩時我無用

2006年10月15日星期日

玉桂捲





之前捲焗好完全唔似樣, 今日再整終於做到個似樣的玉桂捲, 雖然外觀仲未係最靚, 但係都叫做見得下人.....

做麵包的滿足感


終於成功左連囡囡都話好食, 以前成日都整得唔好, 而家得左......

間斷地去試做麵包, 終於今日可以整到連囡囡都話好食. 還要求我為她整包包帶返學校食. 個份滿足感真係很難形容, 最總要係有人欣賞你的作品.

基本甜麵糰做法

高筋麵粉 500g
新鮮酵母 15g
糖 100g
鹽 5g
雞蛋 1 隻
鮮奶 240g
(原食譜為奶粉 10g + 冰水 260g)
牛油 50g



基本麵糰做法 :
先將所有乾的材料攪勻, 再加雞蛋及鮮奶 (鮮奶要留起一小部份, 因為天氣及麵粉的乾濕度各有不同, 故留起少部份奶作調節之用) 攪拌成麵糰, 最後再加入牛油再將麵糰搓揉, 這個時候會比較黐手, 不繼搓及撻麵糰, 令麵糰繳到光滑及不黐手. 用手將麵糰撐開呈薄膜狀即可.?將麵糰放入器皿加保鮮紙進行發酵 (可以放入微波爐再加一杯熱水關上門不用開爐, 可以營做溫暖的地方幫助發酵) 時間大約 1 - 2 小時或麵糰發大至2-3 倍).