2007年2月27日星期二

檸檬蒸烏頭


從來都沒有做過檸檬蒸烏頭, 街市只有一檔賣元朗魚場養的烏頭, 所以買了一條試下味道如何。 味道真是不錯細條都要二十六元, 大條的要三十多元與大陸貨差十
元左右, 而且大陸貨比較細條。 買烏頭時檔口會跟一個檸檬, 其實一個檸檬全部切碎放在烏頭上面蒸已經好足夠, 但是有些人只買一條細的也要求多要一個檸檬, 未知是否有其他用途。

檸檬蒸烏頭\

烏頭 一條
醃檸檬 一個 (切碎) (買魚時檔口附送)
豆豉 小許 (切碎)
生抽
蔥絲 小許
鹽 小許

烏頭洗淨抹乾加鹽略醃, 將豆豉及檸檬放在魚面, 水滾後放入魚大火蒸 10 分鐘, 將魚加入生抽及蔥絲在魚面, 將滾油淋上魚面即成。

2007年2月25日星期日

CHESSE CAKE


前兩天已經想做個芝士蛋糕出來, 但是總有一些事要忙都做不到出來, 今天總於做了出來。 本來今天還想做其他的西式的點心, 但係阿爸阿媽來我家, 所以又係什麼
事都做不到。 又要待下星期六或日才可以再做了。這個芝士蛋糕加入了檸檬汁食起來有陣陣的檸檬清香而且不會有膩口的感覺, 食時不自覺就會一件接一件不能停口。 但係芝士蛋糕係好食得太多會好肥, 所以不能夠常常做否則你想唔肥都唔得。

CHEESE CAKE (18 cm模)

CREAM CHEESE 200G (室溫回溫)

糖 30G

蛋黃 3 個

SOUR CREAM 90G

牛奶 2 大匙

檸檬汁 1 大匙

香草油 2-3 滴

低筋麵粉 2 大匙

蛋白霜 : 蛋白 4 個、糖 60G

將 CREAM CHEESE 放入鋼盤攪成泥再加入糖充分攪拌再一個一個蛋黃加入攪拌。 再將 SOUR CREAM、牛奶、檸檬汁、香草油攪拌。 將麵粉過篩後加入攪拌備用。

做蛋白霜部份 : 取另一個鋼盤要非常乾淨及沒有任何油份, 將蛋白放入攪至呈白色再將分三之加入打發至撈起的角成立體為止。 預熱焗爐 150 度並且在盤中放水至焗盤一半高度

將 1/5 的蛋白霜放入 CREAM CHEESE 糊內輕手用刮刀以切拌方式攪拌, 再弟次將蛋白霜加入, 同樣以切拌方式攪拌記緊要輕手否則蛋白霜的氣泡走掉蛋糕會唔夠鬆軟。  將已攪拌好的麵糊放入已墊焗爐紙的 18 寸模內再放入焗盤中, 以 150 度焗 60 分鐘。

***如焗盤在中途沒有水要再加熱水在焗盤中, 另要留意如發現蛋糕開始有列紋可用鍚紙蓋著頂部以免列開及過燶。

2007年2月24日星期六

蒜蓉豆豉蒸排骨 - 高速煲


每年放農曆年假都是一樣, 將平常的生活都會攪亂的。 晚睡遲起, 飯餐的時間也變得不定時。 十一、二點才起床食一個所謂的早餐又或者不食直接去飲茶, 飲完茶都已經是二點多的時間。 除了去拜年外, 就是隨便在街上走走又或者是回家睇電視、上

2007年2月21日星期三

香煎香草羊扒


簡簡單單隨便用廚房的醃料醃一下都非常好味, 原本不是想做這菜色, 只因為今天相熟的肉檔仍未開市, 所以在凍肉店買了些羊扒。 最初想用焗爐焗, 但因為買回來
時已經是切開一片片, 所以用了煎的方法。
如果過年沒有外遊, 就是到親戚朋友家中拜年, 或者是在家中等待親朋戚友到訪。 尚好香港現在大部份食店及商舖很快就會開市很像很快就回復正常, 大家又可以利用假期時間行街購物又或是唱 k 睇戲等....

香煎香草羊扒

羊扒 5 件
鹽 小許
香草 小許
混合香草 小許
黑胡椒 小許

先將羊扒解凍及清洗後, 吸乾水份, 在羊扒表面灑上鹽、黑胡椒、香草及混合香草醃半小時, 起油鑊用大將羊扒煎香兩面即成。 小心留意不要煎得太熟否則會好韌。

2007年2月18日星期日

電飯煲焗雞飯


每次過年都是忙足幾天直到位三十晚, 因為老公還要開工沒有在家食飯, 而且昨天忙了一整天在趕時間的情況下做了這個焗雞飯, 方便快捷又好味。 都有小小煲仔飯的
感覺, 先將雞件預先醃好, 如果沒有的話可以只用鹽醃咸半小時也可, 洗好米後要留意落水的份量, 要比平時小, 因為雞件焗的時間會出水, 所以要減小水份飯熟時就會剛好不會變成爛飯。 想有小小飯焦就要多焗一會兒, 或將飯煲制再按多一次即可。 做好焗雞飯後再炒碟菜即可以開飯啦.......

電飯煲焗雞飯

嘉美雞件 數件
醃料 : 生抽、糖、油、粟粉
米 按照自家食量
水 平時煮飯的水份再減小許

先將雞醃至小半小時, 洗好米後落水比平時煮飯減小許, 電飯煲按制, 留意煮到有飯眼 (即差不多收水有一個個小洞時) 將雞放飯面焗到煲制跳起即可, 想有飯焦可以再按一次制即可。

2007年2月14日星期三

冬菇蒸雞 - 高速煲


其實蒸雞的冬菇應選用北菇, 蒸出來才會香, 不過這冬菇是在街市的相熟檔口買的, 是日本貨雖然不是大隻但是蒸出來除了香氣十足之外, 冬菇本身都非常厚肉, 食起來相當之好味。 要掌握得到時間才可以做到嫩滑的冬菇煮雞, 蒸雞和蒸肉餅一樣每次出來效果都

2007年2月13日星期二

蘿白糕 (高速煲做)


剛做完年糕後再做蘿白糕, 每年過農曆新年就是這麼忙, 又要清潔家居又要做年糕及蘿白糕。 如果沒有做蒸糕很像不似過年一樣, 自家制的東西真好味, 材料十
足喜歡放什麼材料都可以加進去。 而且蘿白味十足, 不似得街外買回來的食粉多過蘿白, 其實蘿白都是很便宜的東西多一點又可阻呢?? 有時蘿白會有一些苦澀味, 所以大家記得煮蘿白時一定要加糖煮就唔會有苦澀味。

蘿白糕 (高速煲做)

8" 高身鍚紙模 (份量可做三個)

蘿白 六斤 (刨絲)

臘腸 3 條

潤腸 3 條

瑤柱 10 粒 (浸軟留起浸瑤柱的水備用)

粘米粉一包

薑片 適量

清然味雞粉 1 匙

糖 小許

鹽 小許

酒 小許

胡椒粉 小許

先將蘿白刨絲備用, 臘腸及潤腸切細粒, 瑤柱撕成絲, 起油鑊爆香雙腸取出, 再落爆薑片加入瑤柱爆香後加入浸瑤柱水、小許酒、鹽及糖兜勻後收乾小許水份取出. 將蘿白絲落鑊連蘿白水一起煮熟再加入小許鹽及糖調味, 再加入雙腸及瑤柱兜勻後息火後待放涼小許後慢慢加入粘米粉攪勻後放份已抹油的鍚紙盤, 隨水入高速煲發出吱吱聲後轉小火 20 分鐘即成。

** 如用普通煲大火蒸 45-50 分鐘

椰汁年糕 (高速煲做)


就快到農曆新年做了個椰汁年糕, 最近這兩年才開始自己做年糕及蘿白糕過, 一來自己想食, 二來做給阿爸阿媽食, 佢地試過都話好味。 記得第一次做年糕時失敗了, 以為是煮好糖水後立即加入糯米粉, 結果係點就是攪到變左一埋垃圾出來。 後來才知道

2007年2月11日星期日

瑤柱扒豆苗


豆苗配瑤柱真係好美味, 唔需要太多花巧的功夫就可以完成。 豆苗很像是一道比較清的一個菜色, 食豆苗時使我想起豆苗餃也是非常好味的一個點心。 瑤柱除了配
瓜菜之外, 也可以配蒸蛋同樣美味。 我和囡囡也是很喜歡吃瑤柱, 見到瑤柱就要將它消化掉才安心。
瑤柱扒豆苗
瑤柱 5-6 粒 (預先浸軟)
豆苗 半斤
薑 數片
豪油 適量
生抽 小許
糖 小許
鹽 小許
起油鑊爆香薑片後將豆苗炒熟上碟, 再另起油鑊爆薑片後加入瑤柱爆香後加入浸瑤柱的水再加豪油、生抽、糖及鹽調味加小許粟粉獻淋上豆苗即成。

2007年2月10日星期六

薑汁撞奶




薑汁撞奶原來都可以很容易做到, 有兩個方法都可以做到, 一個是跟傳統方法做比較難掌握到, 另一個可以話是很容易做到但比較懶的方法。 另一個成功與否的原因就是
牛奶, 因為薑汁撞奶的牛奶應該是用水牛奶來撞, 但是香港沒有的, 所以只能用維記的高丐低脂奶。 但是我每次只高丐低脂奶就會超級肚痛, 所以只能用全脂奶, 但以我用十字解奶。另外有網友試過用蒙牛都能夠成功做到。 不過都是用維記的高丐低脂奶凝固得較好。

薑汁撞奶

維記高丐低脂奶 一盒

薑汁 一至二匙

糖 適量

傳統做法

先將一個碗蒸熱備用, 將奶煮熱至煲邊開始起泡泡後息火加糖, 例進另一個小煲來回十次使其降溫, 在碗內放入薑汁 (如預先磨好薑汁備用一定要將薑汁攪拌才可放進碗內, 因為薑汁有白色汁沉底此白色汁用作凝固奶所以一定要攪勻) 再將牛奶沖進碗內待 3 分鐘即會自動凝固成為薑汁撞奶。

用微波爐做法

將牛奶叮一分三十秒到一分四十秒左右加糖攪勻, 將薑汁攪勻放入碗中再直接沖牛奶入碗內, 待 3 分鐘後凝固成為薑汁撞奶。

*** 因為每部微波爐的熱力有所不同, 所以在時間上需要自行測試。

2007年2月9日星期五

韓式泡菜


辣辣泡菜邊個食, 我唔食你要食, 早兩日睇電視見到介紹自家醃泡菜方法, 所以試下自己做, 都唔係好難。 做出來都唔錯, 口味都是自己喜歡的, 不過就要好似平時自己煮
餸時一樣要試味, 否則做出來未必是自己喜歡的。 昨晚試食後真的做得不錯, 大家可以試。
韓式泡菜
日本旺菜 半個(小型)(吉之島買日本直入)
醃料 :
鹽 一大匙
醋 四大匙
糖 六大匙
辣椒粉 一大匙
將旺菜洗淨隔乾水份, 切開四份, 先將醃料攪勻後, 每份菜都要每片葉搽上醃料後, 再放入乾淨的器皿後用保鮮紙封好後再加蓋即成。
** 喜歡爽口的可以醃三天, 如果喜歡淋身醃七天。
** 另外可以加入蒜頭、紅蘿蔔及蔥一起醃制
** 上列之醃料分量可以自行按個人喜好增減

2007年2月5日星期一

豆豉鯪魚炒飯


要做一個粒粒不明的炒飯不是太難, 相信大家都知炒飯一定要用隔夜飯炒, 因為經過一晚冷藏後飯的水份會被抽乾做出來的炒飯才會乾身, 其次火力要全程用大火
才可以容易把飯粒炒散。 而另一個可以幫助炒散飯粒的方式就是先將冷飯用手預先弄散, 這樣就可輕鬆地把飯炒散。 只要記住這幾點, 就可以做出粒粒分明的炒飯。
豆豉鯪魚炒飯
豆豉鯪魚 半礶
冷飯 二碗
雞蛋 二隻打散
鹽 小許
糖 小許
先燒熱鑊後落豆豉鯪魚連入面的油, 爆香後落冷飯攪兜後再加入雞蛋攪勻, 不斷兜炒後見有比較的白煙即表示飯已經開始蒸發水份, 這時間加鹽及糖再攪勻, 將飯完全炒散即可起鑊。

2007年2月1日星期四

吊片蝦醬蒸肉餅 - 高速煲


蒸肉餅又黎啦! 一個只需花小小功夫就可以好好味的餸菜, 肉餅是經常在我家出現, 因為好味又下飯。 蒸肉餅可以加入不同口味的配料例如 : 梅菜、乾濕貨的魷