麵包機初體驗之白麵包 (無奶成份)

托左番屋企搵左靚位放好佢先.......

急不及待打開黎睇吓佢點攪麵團

發酵緊的樣.......

登登登....... 登...... 三小時之後就爐啦.....

放涼左半小時之後切開, 入面仲未凍晒只好放係度.....

係親子王國入面由豆漿機討論, 到麵包機再到光波爐,
原先係唸住換豆漿機, 因為本身部豆漿機仍然健左, 所以最終經運輸部總經理(老公托佢嘢回家總要經過你手) 同意下將麵包機買下來. 原本可以送貨, 但係我已經忍唔住要即刻將佢帶返屋企, 所以要運輸部總經理代勞, 唔該晒.
係
我左唸又唸再問吉仔售貨員後決定帶 Kenwood 回家, 回家後立即洗一洗個桶就開始左整麵包, 原本想試下跟機食譜, 但是全部都要加鮮奶,
我家已經好久沒有買鮮奶, 想起 BK 媽咪話龜仔的食譜無用鮮奶的, 所以即刻上網搵, 好在我個寬頻仲未死可以上到.
開機後我們出街食飯
慰勞一下運輸部總經理, 飯後回家麵包機依然工作中. 一邊看電視一邊等待之中麵包機已經發出陣陣香味, 老公忍唔住對我講 "頂.....
好鬼死香攪到我好肚餓" (大家要記住我們食完飯不久). 囡囡就更加心急, 不停入廚房偷窺麵包機如何做包包.
等啊... 等啊...麵包機終於在叫香噴噴的麵包終於完成. 我放涼小小切開試食, 和街買的麵包比較起來效果差唔多. 老公偷偷入廚房撕了一小片食, 跟住同我講唔夠咸, 係無錯, 因為我無跟食譜磅鹽份量, 只是我隨意加入.
囡囡見到爸爸偷食, 但係包皮就比街買回來的好食. 囡囡以後食方包最憎食包皮, 但係今次做出來囡囡竟然話好食. 正明左我無買左部機.