2009年3月31日星期二

高溶點芝士包 - 麵包機 + 光波萬能煮食鍋 (光波爐)



光波焗.....


同場加影同焗爐焗.....

bk 網友熱話中的高溶點芝士, 反正今日要做包包, 今晚放工即刻去荃灣買, 我只係比平時回家的時間多了半小時同只花多了 $1.4 車費. 雖然
路情有點轉接, 因為官塘返工落荃灣再返元朗, 但係我只係用多了一點時間同小小車錢都值得. 一自己想試二唔使咁多 bk 媽咪搭路買了一些不是心目中要買的東西. 

好我確認係安佳的 processed chedder cheese 係高溶點芝士, 千萬不要買卡夫那隻係會溶架, 那種是不對做不到不溶的效果. 現在有點後悔買 200g, 應該買 2kg 買買用.... 因為今次我除了做 6 包包, 仲有一個係大小小的放蛋糕盤留明天做. 已經用了 4/5.....

試食後包包係軟熟, 而芝士味道都好好, 正!!

食譜跟上次麵種及用其中一套麵團做.

光波爐 200 度高架反轉放入包包再放烘碟 15 分鐘即成.

2009年3月29日星期日

自製蘋果脆片 - 光波萬能煮食鍋 (光波爐)




見到網友店小耳做了這個自制蘋果脆片好吸引, 自己食又得比阿肥食又得 (我隻傻狗). 剛好屋企餘下一個蘋果仔, 好就用佢黎試一試先.


自家制的食物, 真係食得安心又放心, 唔會放一些食了對身體有害的添加劑. 講起用光波制造乾果, 我馬上唸起另一位網友 tammy 及火石話的食物烘乾機好正, 可以自家制乾果又健康又安全.  如果光波都可以做到, 咁就更好一來慳錢, 二來慳地方. 光波爐呀! 光波爐呀! 你係咪真係好似你個名咁萬能架??

試食後真係脆架喎...... 得左......

特別嗚謝 : 網友店小耳的食譜

自制蘋果脆片 - 光波萬能煮食鍋 (光波爐)

蘋果仔一個

切薄片浸鹽水一陣

光波爐放二層用低架及高架, 接焗乾制更改時間及溫度至 100 度 30 分鐘, 開蓋再將高低架的蘋果轉換位置, 轉用120 度 30 分鐘出爐後放涼一點有部份厚身小小的還帶點濕..... 所以再光多十分鐘.....

P.S. 網友 TAMMY 建議生果唔好用咁高溫度烘..... 40-50 度已經足夠, 所以下次再試時會將溫度要低 d 時間就要加長.

洋蔥芝士包 (麵種做) - 麵包機



個樣得得地......


入面都唔錯......


早兩日 bk 網友 tammy 同 dincat 講起什麼老麵, 麵種, 仲有一種液種, 攪到心郁郁想做一個麵種睇吓又係點.

這個是一個新嘗試, 除了用麵種做之外, 我聽話地跟 tammy 講抄了洋蔥材做包. 還有.... 還有.....就是因為 jojomama 講高溶點芝士, 我真係未聽過在網上也找不到高溶芝士的資料, 不過家裡有芝士對芝士怪的我及囡囡就算做得不好, 只要有芝士味就唔怕一樣可以佢 ko.......  再睇番包裝原來都係高溶點芝士....

昨天已經將麵種做好再加主麵團部份搓好放入雪櫃發酵, 今天早上取出回至室溫, 再加油蔥及芝士粒放入麵包機攪多一次做成的. 外表好似得得地, 唔知入面又得唔得呢???

試食後發現抄過的洋蔥同山崎的唔同, 這個包的洋蔥味甜..... 洋蔥味不太濃.....

洋蔥芝士包 (麵種做) - 麵包機

麵種 : (常見食譜是加入 100g 這裡可以分三次用)

高筋麵粉 200g

溫水 120g

酵母 3g

鹽 3g

糖 3g

所有材料搓好發最小 2 小時完成

主麵團今次用了跟 雞尾包食譜 做.

餡料 : 中型洋蔥半個 (用小許牛油抄至啡色), 高溶點芝士車士打芝士粒 80g 昨天做好麵種, (也可預先一日做起放雪櫃留第二日做,記得要回至室溫), 再將主麵團部份加入用人手將材料混合, 再放入 kenwood 麵包機按程式 (9) 搓 3 次或至有薄膜, 做起放入雪櫃發酵, 第二天取出麵團回至室溫, 再放入麵包機按程式 (1) 中溫烘焙, 在麵包機第一之嘟嘟叫的時候放入洋蔥攪勻後一小時再取出麵團及攪拌棍(麵包機不用關上)放氣, 將麵團拉長加入舖上芝士粒卷起, 再放回麵團, 為了成品切時美觀一點所以不需要放回攪拌棍. 這樣等待麵團焗好即可.

2009年3月28日星期六

南乳雞翼 - 光波萬能煮食鍋 (光波爐)




上次餘下的南乳今次只是光之前搽在雞翼上, 但是做出來的味道同預先醃的差不多. 不過有 d 過光火所以邊邊燶了. 下次光的時候要將時
間縮短.

南乳雞翼 - 光波萬能煮食鍋 (光波爐)

雞翼數件

南乳適量

醃料 : 生抽, 糖, 生粉醃半小時以上

光之前再將南乳搽上

光波爐高架 250 度 8 分鐘反面 4 分鐘

中種麥包之朱古力餡 - 麵包機




同樣都係用 中種麥包 的麵團做

只不過包了
朱古力粒入去

今次近鏡睇下豆皮包包幾多豆皮

當然係我放過入雪櫃的後果........

入左雪櫃又唔夠時回溫就入爐係咁上下.

2009年3月27日星期五

扁扁的牛油蛋糕 - 麵包機




扁扁咁同攪攪棍一樣高.....



入面都好軟熟 ok.....

早兩日同 bk 網友講起話麵包機可以用黎做蛋糕, 好啦... 我又發作, 試下做一個出黎. 點解咁扁因為一個無留意, 跟住食譜放入麵包機, 麵包機開動了一半才記起, 粉的份量只有 100g 我應該做一倍或倍半份量會好好多. 剛剛偷食左小小都軟身.....

P.S. : 囡囡食過話好好食, 有 d 似街賣的凍餅感覺, 唔知可以唔可以將芝士餅的材料放入麵包機整呢?

扁扁的牛油蛋糕 - kenwood 麵包機做

牛油 100g (坐溶)

糖 100g

低筋麵粉 100g

泡打粉 一茶匙

椰子香油 2-3 滴 (原食譜為雲呢嗱香油)

將所有材料放入 kenwood 麵包機按程式 (7) 即可.

2009年3月26日星期四

核桃麥包 - 麵包機 + 光波萬能煮食鍋 (光波爐)



扭下花臣先......


細細個的包包..... 有點像熱狗包

前天想做麥包, 於是在網路上扒下文, 希望有新思維. 看到有中種的麥包食譜, 雖然覺得中種食譜好像比較要多花一點時間. 不過對於大忙人的我來講, 都只不過是已將材料混合好再放雪櫃發酵. 只要我預好時間一樣可以配合到包包沽清時仍然可以有包包出爐.

不過這個譜在做中種的時間發現很像同平時的有所不同, 我有小小懷疑食譜的分量是錯, 因為攪中種麵團會是很濕潤的, 但是這個譜出來是好像在比起做直接法一樣還要乾根本搓不出麵團來仍有小部份粉不能成麵團, 所以我自己加了水分..... 好了混合好中種部份進行發酵.

今次用了網友靚媽的冬天通宵發酵的理論進行發酵, 見前天天氣又涼了一點又有雨, 姑且一試....不過都有點擔心過度發酵會變酸.留意我家的廚房無開窗是關上的, 用另一個盤放了水喉水坐麵團鋼盤. 其怪的事發生了, 昨天早上中種部份發得好好, 而且一點酸味都沒有, 不過這做法只能在冬天做, 夏天真係唔好試. 之後將主麵團部份搓好再放雪櫃發酵, 因為日間溫度始終都比較高小小. 晚上再進行整型, 一部份又試通宵室溫發酵, 一部份放雪櫃發酵留待明天焗.

夠軟熟不過麥包味唔係好夠, 下次再做時將全麥粉粉量加大....

核桃麥包 - 麵包機 + 光波萬能煮食鍋 (光波爐)

中種部份:

高筋粉 254G

水 225G

糖 30G

酵母 1 茶匙

主麵團

全麥麵粉 70G

水 25G

鹽 1 茶匙

麵團搓至成型後才加入

牛油 50G

碎核桃 30G

晚上將中種部份混合及進行通宵發酵至二倍大, 之後再加入主麵團混合, 再放入 kenwood 麵包機按程式 9 搓麵團大約重覆 2-3 次見麵團有薄膜即可, 搓第二次時可加入牛油及碎核桃. 再進行發酵至二倍大, 取出拍扁麵團放氣, 分割成 8 份靜止十分鐘, 整型後再進行第二次發酵至二倍大, 即可入爐

光波爐 200 度高架返轉放入包包, 上面再加烘酵光 15 分鐘即成.

2009年3月23日星期一

法式中種洋蔥包 - 麵包機 - 光波萬能煮食鍋 (光波爐)


個樣好似好得下.....


睇下入面都錯喎......
一直都很喜歡食山崎的洋包, 但係越賣越貴. 而家有麵包機幫手可以試下自己做, 但是在網上搵食譜都很難, 只見到食為貓有咁就試一試效果先.

昨日總於一嘗所願做了這個洋蔥包, 係我的理念入面山崎的洋蔥包是沒有炒過, 而包包入面食到的洋蔥是小之又小的, 所以都有點疑惑是如何做出香味十足的洋蔥包呢? 見阿貓的食譜是要炒一炒洋蔥, 但是又覺得山崎的包包是沒有炒過. 好我又係度亂黎, 決意做一次無有炒洋蔥的洋蔥包.

今日食仍然好軟身, 同埋味道都唔錯幾好味, 有我喜歡的洋蔥包味道. 我又係度唸會唔會山崎的洋蔥包係將洋蔥榨汁代替水份呢?? 莫非又要我發揮小宇宙先得......

法式中種洋蔥包 - 麵包機 - 光波萬能煮食鍋 (光波爐)

中種 :

高筋粉 90g

酵母 2g

水 120g

糖 1/2 茶匙

主麵團 :

高筋粉 180g

低筋粉 60g

水 120g

酵母 4g

鹽 4g

糖 2g

牛油 30g (搓到包包咁上下先至加)

洋蔥半個 : 切砰後太濕放光波爐按焗乾出來仍比較濕所以再焗多次.

先將中種部份攪勻發酵至 2 倍大, 將主麵團混合再將加入中種麵團, 放入 kenwood 麵包機按程式 (9) 搓 3 次, 進行第一次發酵至 2 倍大, 取出放氣將麵團弟三份醒十分鐘後, 將麵團輾平成長型再加入洋蔥砰後卷起, 再進行第二次發酵至二倍大即可入爐.

光波爐 200 度預熱 3 分鐘加高圈+高架反轉放入包包玩層層疊疊焗 20 分鐘

2009年3月22日星期日

朱古力包 (用召藥師新法做) - 麵包機 + 光波萬能煮食鍋 (光波爐)



之前見網友 tammy 做朱古力包包, 前幾日去烘焙材料店走了一圈買了全麥麵粉準備做專, 見到有可可粉賣. 所以買了一罐回家, 我跟罐指示沖了一杯
朱古力奶飲, 味道好好, 好過係超市買的吉x利, 可可味香濃, 早知買大罐裝.

跟昨天的一樣麵團, 只是加入三茶匙的可可粉, 放雪櫃今早焗又變左一陣風的包包, 同埋隨包附送包面表面豆皮, 數量有限.

軟熟提子包包 (跟召藥師新法做) - 麵包機 + 光波萬能煮食鍋(光波爐)



好似蛋糕咁款....

跟召藥師做的油水麵糊
     (有小小似湯種的做法)
      搓好粉放入這東東....


用蛋糕模要玩層層疊疊
先至可以光包包.....

前一天係召藥師的  blog 內見到有新法去做包包, 我當然要試下, 黃昏時搓包發酵, 晚上焗起包包放涼, 今早食的時候覺得包包仲好軟身都唔錯...... 召藥師多謝你.

油水麵糊 :

牛油 20g

水 50g 麵粉

25g

水及牛油慢火滾起後加入麵粉攪勻熄火搓一搓即可, 放涼低過 60 度可加入麵團搓包, 但麵團部份的牛油可以不加或喜歡牛油香味可以加 10g. 做法跟平時一樣, 這個油水麵糊適合加在 250-300g 的麵粉分量用.....

光波爐 210 度預熱 3 分鐘高架反轉上面玩層層疊疊再放烘酵及加高圈, 210 度焗 15 分鐘.

2009年3月20日星期五

疑似菠蘿包+芝士餡包 - 麵包機 + 光波萬能煮食鍋


今早急急忙忙無睇食譜做了疑似菠蘿包的皮, 只係將墨西哥油加很小很小的梳打粉, 而且雪得唔夠硬, 所以個菠蘿皮肉肉酸酸咁放係包面, 不過
出爐後菠蘿皮是脆一掂就跌晒出黎.

出爐後又因為包包太軟其中一個出現了極速收縮的現象就係下面中間的一個.  今日的包包可能有點發過頭鬆到好似街買的一陣風包包, 食譜同迫死人之香蔥火腿包一樣. 包包真係一個複雜, 日日都有唔同情況出現. 亦是做包包的樂趣.

2009年3月19日星期四

京燒雞扒 - 光波萬能煮食鍋 (光波爐)



早前在報紙睇到這個食譜是用焗爐做, 我當然會用這個食譜用
光波光下佢啦..... 雖然我會跟足食譜的醃料, 味道真係唔錯. 好好味....

京燒雞扒 - 光波萬能煮食鍋 (光波爐)

雞扒 2 件

醃料 : 生抽, 糖, 味噌, 酒

光波低架 250 度 8 分鐘反面再光 3 分鐘即成.

迫死人之香蔥火腿包 - 麵包機+光波萬能煮食鍋 (光波爐)



嘩..... 迫死人咩..... 囡囡喜愛的品品包被迫到唔知似咩.... 睇黎下次做的時候真係要再比多一點空間它. 好似好耐無整過品品包啦..... 所以昨日 "的起心肝" 做一下.... 另外我又發現左呢個方法唔錯, 所以介紹下比大家, 就是用挺身(質料
好一點的)的鍚紙糕盤做終極發酵再入爐, 之後可以洗朝淨再, 比起同 non-stick 的盤黎還好. 感覺焗完痴盤情度低. 這個方法是上次做包時無盤裝, 而這錫是以前用作蒸糕用, 但是要攞比人出街是會令到盤變型, 所以我蒸糕時已改變用入微波爐的膠盒.

我會整型後加蓋 (糕盤有膠蓋) 封好入雪櫃, 第二天早上除蓋後放一陣再入爐, 用後洗淨再重用, 直到糕盤不能再用時再掉..... 感覺比較環保唔需要再用保鮮紙及鍚紙.

另外昨日有網友研究包包面有豆皮的成因, 我今早起床後取出包包放了一陣梳洗後見包包終極發酵好像不夠, 所以將光波爐開至 250 度空機 4 分鐘後(方法由 tammy2008提供), 熄機將包包放入(沒有蓋任何東西)將光波爐蓋好, 再了10分鐘即發好.

迫死人之香蔥火腿包 - 麵包機+光波萬能煮食鍋 (光波爐)

高麵粉 300G

糖 45G

奶粉 9G

酵母 一茶匙

水 150G

牛油 40G

全蛋一個

鹽 一茶匙

餡料 : 蔥(切碎唔要蔥白只要綠色部份) + 火腿 + 小許鹽 + 麻油

將所有材料放鋼盤混合後, 再放入 kenwood 麵包機按程式( 9 ) 搓粉, 完後再重覆二次至有薄膜, 將麵團用保鮮紙包好進行第一次放雪櫃低溫發酵至二倍大, 完成後取出回溫後拍扁放氣分 12 分滾圓醒十分鐘用保鮮紙蓋住, 將 2 份麵團壓再連接成長方型, 再將餡料平均放在麵團上, 將麵團卷起後將麵團切開三份 (不要切斷好似切脆肉鮸魚咁) 之後將中間部份拉起整型至品字. 再進行第二低溫發酵至二倍大. 表面掃上蛋汁及芝麻作裝飾.

光波爐高架反轉放入包包再加烘盤光波 200 度 15 分鐘

2009年3月18日星期三

另類金沙骨 - 光波萬能煮食鍋 (光波爐)





究竟點另類法? 食得最多都係應該用叉燒醬, 或者係糖醋之類,
我又忽發其想, 用別的醬料試下醃, 其實都有小小似網友 tammy 做法...... 我用了香辣豆豉醬, 有很小辣味, 我囡囡不嬲只能食小小小小小辣的人都話好好味. 今次又被我亂撞成功. 哈哈!!

另類金沙骨 - 光波萬能煮食鍋 (光波爐)

金沙骨

醃料 : 生抽, 老抽, 糖, 香辣豆豉醬, 叉燒醬, 蔥, 薑, 蒜茸

光波爐高架 250 度 8 分鐘反面再 4 分鐘



2009年3月17日星期二

光波比目魚 - 光波萬能煮食鍋 (光波爐)



今終於用光波爐光魚.... 未試過, 大家見到嗎?? 有一光碎左, 因為這件是非常大件. 入面的水份同油份仍然存在, 所以一挾便四散...... 不過皮就 d
脆好似炸魚皮的感覺, 特別是細件的那一件, 個皮脆脆地幾好食.

光波高架 250 度 8 分鐘反面 4 分鐘

芝士包包 - 麵包機 + 光波萬能煮食鍋 (光波爐)



原意是做一個包面剪開後有花花的較果, 可能是麵團本身比較軟身, 所以焗時再脹大令到麵團只是撐開沒有了我想要的較果, 有點兒失望. 我想如
果是用直接法應該可以出到我想要的效果. 食譜仍然是跟 中種甜麵團 做麵團. 上面搽蛋汁後再灑上芝士碎.

光波爐高架反轉放入包包上面加烘碟 200 度 15 分鐘即成.

2009年3月15日星期日

雞尾包 - 麵包機 + 光波萬能煮食鍋 (光波爐)








今日又做肚雞尾包, 不過包包是用了上次做 中種甜麵包 做麵團, 這麵團做出的包包好軟熟, 另一個問題是材料全部家裡有, 不需要再去買, 合懶過
鬼的我用. 餡料就可以參考 疑似雞尾包 內的雞尾包餡及麥西哥油做.....

出爐試食得一個字可以講..... 正!! 軟熟又好食....

光波爐高架返轉放入麵包再加烘碟在上面光波 200 度 20 分鐘........

2009年3月14日星期六

變種排包 - 麵包機 + 光波萬能煮食鍋 (光波爐)


出爐唔錯.... 都幾軟, 不過可能第二次發酵仲未夠大, 
感覺高度仍未夠, 大約只有 3 cm 高.


同場加影扭花包包.... 因為無位放所以再搓長一點扭埋一齊, 囡囡見到未發酵前的樣, 叫佢做個 "篤屎" 去左邊???

有網友點扭個花, 除左上次受傷比左比肉手大家睇, 好啦.....而家為網友出鏡一次啦.....

原本有很多網友都喜歡食排包, 想要搵這個食譜, 我用了我的腦袋記低材料及做法, 另外今次因為忘記了要用奶, 但是家裡的已用完所以用了上次餘下的淡忌廉, 看看做出效果會否如上次軟棉棉的包一樣軟熟. 成品出爐試食後感覺第二次發酵唔係好夠. 所以包包不是太鬆, 不過就夠軟.

高粉 225g

糖 60g

牛油 45g

暖奶 110g  <------ 家裡沒有用上次做完網友介紹軟棉棉包包的淡忌廉做

蛋 25g

吉士粉 7g <------ 沒有改了用奶粉, 無知道是否合適

酵母 4g

搓好麵團後分 8 分不用滾圈型, 將麵團拉開將左右兩邊向中間拉埋,

醒十分鐘將每條麵團用手掌壓扁至長方型由上向下圈至長條尾部要壓爛收口, 一條條排好盤 (見上圖) 發至 3 倍大.

光波爐 200 度 9 分鐘感覺唔夠熱轉大火 210 度 7 分鐘

2009年3月13日星期五

軟棉棉的腸仔包及芝士包 - 麵包機 + 光波萬能煮食鍋 (光波爐)


前晚做軟棉棉包還有一齊做了兩款包包, 有腸仔包及芝士餡的包, 當然同樣軟棉棉, 因為用低溫發酵所以可以全多一次...... 包好餡即入雪櫃同時注
意調低雪櫃溫到至 2 度, 這樣可以減慢包包發酵的速度..... 咁做就可以日日有新鮮出爐的包包食......

食譜可參考之前做的

軟棉棉的核桃包及朱古力粒包包 - 麵包機 + 光波萬能煮食鍋 (光波爐) 


2009年3月12日星期四

軟棉棉的核桃包及朱古力粒包包 - 麵包機 + 光波萬能煮食鍋 (光波爐)



今日用光波光得好靚無燶到.......




睇下入面的組織 OK 嗎???

今日終於嘗到用網友阿 wing 的包包食譜做的麵包, 真係又軟又香又好味. 另外今日用光波焗包也試到一個好方法包面出來也靚靚...... 原來用淡忌廉出來的包包是那麼柔軟, 而且包包的成份是沒有牛油當是打個和...... 不過用淡忌廉成本又高了...... 想要好的美食就附出高成本了.....

軟棉棉的核桃包及朱古力粒包包 - 麵包機 + 光波萬能煮食鍋 (光波爐)

中種麵團

酵母 2G

鮮奶 75G

高筋麵粉 250G (要過篩)

蛋白 19G

淡忌廉 100G

糖 6G

主麵團

蛋白 16G

糖 31G

鹽 3G

酵母 半茶匙

餡料 : 入焗爐朱古力 / 核桃

先將中種麵團部份放入鋼盤混合後加保鮮紙封好發酵至 2.5 倍後再加入主麵團混合後, 放份入麵包機 kenwood 程式 (9) 只搓麵團, 共搓三次後再進行第一次發酵到 2.5 倍大, 取出拍扁排氣分割數份滾圓後, 加保鮮紙靜止十分鐘後再進行整形, 包入自己喜歡的餡料, 再進行第二次發酵到 2.5 倍大即可入爐.

光波爐加高圈+高架反轉放份包包再將烘碟放上面, 按蛋糕制 (190度 11 分鐘) 於最後一分至分半鐘時取出烘碟光表面至上色即可.

2009年3月10日星期二

餐肉包 - 麵包機 + 光波萬能煮食鍋(光波爐)



這個是用上做 中種甜麵包 時的麵團包起再放雪櫃低溫發酵的..... 懶過鬼, 表面無做任何裝飾. 不過下次都唔會考慮再用餐肉做餡, 因為餐肉很多
油出, 令到包包入面油油地.....

光波爐低架+加高圈 170 度 15 分鐘轉 180 度 5 分鐘

2009年3月9日星期一

扮南乳吊燒雞 - 光波萬能煮食鍋 (光波爐)



又掛住做其他嘢無睇火.... 攪到......

睇下光完之後餘下後得人驚的雞油..... 
你咪以為光完之後隻會乾憎憎喎
話比你地知仲有很多肉汁架.

上次燒鴨引來 bk 網友的一輪震撼後, 小妹又一力作的扮南乳吊燒雞出場, 唔知呢次是否同樣引來一陣驚喜呢? 光緊的時候已經滿室飄香. 很的時候肉汁豐富. 好可怕的事發生了我同個囡食晒隻雞(不過我有帶飯做明天的午餐已留起).

扮南乳吊燒雞 - 光波萬能煮食鍋 (光波爐)

冰鮮三黃雞一隻 (細)

醃料 : 五香粉 (因為無所以改了用沙薑粉), 糖, 豉油

南乳一磚

老抽

拌食汁料 : 一搽匙南乳醬, 水, 麻油, 糖 (攪勻放飯面蒸)

先將雞洗淨抹乾水, 將醃料連塗滿外面及肚內, 再將 1/3 或 1/2 (按雞大小需要)的南乳壓扁塗滿雞身外面及肚內, 醃三小時以上.

醃好後取出將雞表的南乳抹掉, 再塗小連老抽增加色澤, 用雞剪開一半入爐

光波爐低架+加高圈 250度 20 分鐘(肚內向上) 反面 10 分鐘或顏色 ok 即成.

如反面後因為雞表面高低不一可以放匙更頂高低位.

脆肉牛柳串 - 光波萬能煮食鍋 (光波爐)



之前見網友 tammy 做過牛柳串, 一直都想做試一試牛柳串, 但是很多網友都用光波爐做的新菜式,  見到一個又想試, 最後是什麼都沒有做.
好啦.... 總於的起心肝買左牛柳先試做, 又想起有網友將瓜類用光波做, 好就今次一次過試兩樣..... 肉類當然無問題, 而瓜光完出黎都唔錯.

脆肉牛柳串 - 光波萬能煮食鍋 (光波爐)

牛柳 切大粒

脆肉瓜切粒與牛柳粒大小相同 - 同小許鹽及油拌勻

牛柳粒醃料 : 豉油, 糖, 黑胡椒碎, 生粉及小許油

所有材料醃好, 用竹籤串起牛柳粒及脆肉瓜

光波爐高架 250 度 7 分鐘掃上蜜糖反面同樣上蜜糖再光 2 分鐘

2009年3月8日星期日

中種甜麵包 - 麵包機 + 光波萬能煮食鍋(光波爐)



跟網友的新提意用  kenwood 麵包機程式 (9) 
只搓麵團總共搓了三次結果出現了薄膜


為了睇清楚個包入面的組織, 所以無包餡
隨意整將三粒麵團放入蛋糕模內焗.


睇下入面好棉細也都相當柔軟真係唔錯.

最近幾日太家都係度研究是否機神搓包好過其他機款, 不斷問網友有機神的阿 wing 搓幾多次先至有薄膜, 根據阿 wing 所講第一次已經有不過唔靚, 阿 wing 話自己好高要求要做到很靚先至收手, 所以她整出的包包是好正, 無論外型或是內涵都係一樣. 我對於機神的崇拜有一點狂, 每到有機神出現的地方, 我事必要朝聖一番才可安然離去. 自己已經部麵包機實在不應再多想, 好啦唯有想一下如何可以做到有機神的效果先.

經 jojomama 所講她是這個程 (9) 的一樣可以做到, 起初都有點疑問, 因為說明書所講的程式 (8) 是用作搓麵粉及發酵後麵團用作做型麵包, 而程式 (9) 是作意粉狀麵團意思應該是用作做意粉. 不過以我揭而不捨同要知真相的精神, 當然又要試下啦. 終於証實可以打到有薄膜, 不過唔知係很高要求的阿 wing 黎講合唔合呢? 要等她評一評.

另外今次在 Cookery Family 找來一個中種食譜, 原來是想跟阿 wing 的食譜, 不過未買材料無法跟住做. 只好用這個食譜當是試新的食譜好了.

中種甜麵包 - 麵包機 + 光波萬能煮食鍋(光波爐) 此食譜分量加大了1/2倍

中種部份

高筋麵粉 263g

酵母 1-1/2 茶匙

糖 170g

水 170g

主麵團部份

高筋麵粉 75g

低筋麵粉 50g

鹽 1 茶匙

糖 67g

牛油 50g

全蛋 1 隻 (約 50g)

奶粉 24g

水 50g

先將中種部份材料混合再發酵至二倍大, 再加入主麵團的材料混合後放入麵包機搓粉按 kenwood 麵包機程式 (9) 搓粉三次見有薄膜即可放入已塗油的鋼盤內加保鮮紙進行第一次發酵至 2-2.5 倍後取出, 拍打麵團排氣分割數分滾圓醒十分鐘再進行整型, 再進行第二次發酵發至 2 - 2.5 倍大再進行發酵.

光波爐低架+加高圈 180 度焗 15 分鐘