吞拿魚包 - 麵包機 + 光波萬能煮食鍋 (光波爐)

出爐啦...... 表面的花唧得太幼唔係咁清楚......

再睇下入面勁多餡.....

今日又試下網友的方法用麵包機另一個程式搓三次份看看效果如何?? 之前一直用 kenwood 麵包的程式 (8) 搓粉+發酵, 或到了三十分鐘便停機唔發酵, 而家改了程式 (9) 意粉狀麵團, 但係程式只工作十四分鐘, 所以根據網友提供的資料試下搓三次. 出爐後摸上手同平時出爐已經感覺唔同, 係非常軟淋淋的感覺, 放涼小許後馬上試食. 好軟而且我包了好多餡.... 問囡囡食後感覺, 她說 : "我唔係幾鐘意食熟的吞拿魚餡 (其實她意思是...... 鐘意食魚生那種), 不過而家凍食暖暖地包好食, (我 : 會唔會太多餡) 唔會自己整架嗎梗係要多 d 啦." 我只焗了兩個出爐, 本來唸住同一個同囡囡兩份, 留一個比老公, 點知我食了半個覺得好味再同囡囡分埋餘下的一個.

吞拿魚包 - 麵包機 + 光波萬能煮食鍋 (光波爐)

麵團跟 "火腿蔥包" 分割麵團為 6 分

吞拿魚餡 : 水浸吞拿魚一罐 (大) 隔去水份, 加胡椒粉或黑胡椒粉及沙律醬攪勻留意沙律醬不可落太多, 否則會太濕好難包餡料

包起餡料後掃上蛋汁面表唧上沙律醬

光波爐低架+加高圈 180 度 15 分鐘