頂角吐司(直接法) - 麵包機+焗爐

由於麵團比較濕所以隨意卷起放入模內.

等左成晚終於出爐, 有無攪錯四邊都痴, 真係你痴我又痴.....

又黎方包網友  tammy 幫我找來符合我這個方包模的麵團粉量, 我的方包模正正方方 9.5 x 9.5 x 9.5cm 應該用 300g 的麵團, 今我跟足份量磅好麵團再入模, 應該大約有模子的三份一左右. 因為今次麵團比較濕又不想加手粉, 隨意摺了便放入模做第二次發酵, 當然是發到差不多到蓋頂啦.

出爐樣子差勁.... 我決家唔再試溫度, 佢都係要我恨恨咁燒佢先得...

再度登場中種頂角吐司 - 焗爐

包包出爐顏色淺了.

已切開密已經好了一點.....

跟住常一樣用了中種光火腿芝士包今次聽取網友的建議改用低一點溫度, 不過很像有點出事的感覺. 焗溫大約 200-210 我發現我個爐的溫度有飄, 不過放入去以後沒有再將溫度調較了, 時間仍然是 30 分鐘麵團的重量增至 350g 看看出來效果如何.

好了等阿等出來包面淺了色, 但是有點沾不知道是否包包太大份呢? 還有一點就是包包上色出現不平均沒有上次深色的好. 這樣焗爐下次可以鎖定在 220 度應該又會唔同了. 另外焗爐底部的溫度好像是比爐頂的高, 大家睇下底部的顏色深好多......

香濃芝士蛋糕 - 焗爐

想起做芝士蛋糕好耐, 但是未去烘焙店買材料所以一直得個睇字. 好了終於買好材料打算做. 今天跟家人飲茶回家後已差不多兩點, 今日天氣時雨時晴已不想再出外, 好番看一下的蛋糕及餅乾書看看做那一個芝士蛋糕, 正想從雪櫃拿出材料便出事, 早上準備到街市買菜時還想著要買蛋, 誰知到了街市後想著要買什麼餸時就出事. 雞蛋
基本上是大部份西點會用得上的食材, 我實在太大意了家裡怎麼可能會沒有雞蛋. 好在老公肯落街幫我買, 才會有這芝士蛋糕的出現. 不知為何將材料全部放入攪拌其間我突然有罪惡感, 感覺食完芝士蛋糕會好肥. 不過無有怕好耐..... 好耐..... 好耐..... 才做一次, 食完先再講啦.... 味道非常好食時還有檸檬味道感覺沒有那麼膩.

香濃芝士蛋糕 (18cm 盤) 用食物處器

餅底 : 麥餅 (家裡就手有, 原食譜是用蘇打餅) 90g + 牛油 40g

cream chesse 250g

糖 80g

sour light cream 90g

蛋 2 隻

鮮忌廉 150ml

檸檬汁 1 大匙

香草油 2-3 滴

低筋麵粉 1 大匙

先將麥餅壓碎成粉再加入已溶牛油快手攪勻, 跟住放入面已放烘焙紙的蛋糕模內壓實及壓平備用.

將 cream chesse 放入食物處理器 (可打蛋器代替) 打成 cream 狀再加入糖攪勻, 再順序將以上材攪拌至軟滑, 倒入蛋糕盤內 180 度焗 60 分鐘, 如見到蛋糕面開始膨脹可將焗溫佭低一點以前表面裂開, 同時將時間廷長. 完成後要連焗盤放涼後才可脫模及撕掉烘焙紙再放入雪櫃保存.

光波沙薑雞 - 光波萬能煮食鍋 (光波爐)

第一次光完雞腿還未熟, 所以之後要再切開腿位再光多次

切好上扮到好正咁....

好耐無用光波光全雞, 好啦.... 又試下跟機食譜先, 非常祈待最後還是失望, 光波焗全雞還是有點未熟透, 未知是否雞大隻還是時間不足又或是不能光全雞呢? 算了, 不過再去思索了.

光波沙薑雞 - 光波萬能煮食鍋 (光波爐)

冰鮮三黃雞一隻

醃料 : 鹽及沙薑粉

將雞洗淨後隔去水份, 再搽上鹽及沙薑粉表面及肚內, 醃最一小時以上. 入爐前用錫紙包好.

光波爐低加 250 度雞空向上 20 分鐘, 反面再光 10 分鐘仍未熟最後切開雞腿部份再光多 10 分.

新登場中種頂角吐司(方包) - 麵包機 + 焗爐

細細個好的式, 大小見香料樽, 尺寸不足 10cm x10cm

內部組織看起來不夠密下次

可以再放多一點麵

團應該會好一點

 不過竟然第一次便做到頂角, 有點意外的驚喜.

登.... 登..... 登......又有新玩具放在後面的吐司模, 第一次見到真身的的式式很可愛哦, 細細個好得意. 亦都係我理想中的方包模. 出面的長型方包模做出的方包不是成正方型的而且比較大, 不過適合我一日清的想法. 而且做好的方包剛好放到片裝芝士片合我心意, 可以切開六片, 耐不耐都想食一下方包多一點變化.

聽說這個方包模的二位主人都只係用過幾次, 好現在到我手希望我可以將它發揚光大. 剛好昨天已預先準備好低溫發酵的麵團今日做包, 反正已把它接回家當然很心急立即要玩下新玩具先.

麵團是 中種火腿芝士包 底, 我用了搓好麵團 250g 壓平卷起放入麵包模放入焗爐以低溫發酵麵團至升高差不多到蓋頂. 大火 230 度恨恨的焗它 30 分鐘. 出來時顏色幾深, 下次可以試下 220 度, 而麵團部份番查烘焙店差不多大小的模寫著容量為 400g 下次可以大膽一點放 400g 試一下.

中種洋蔥包 - 麵包機 + 焗爐

原本一早計劃好今天到烘焙店入一做芝士餅的貨, 可是今天的大雨改變了的計劃, 唯有到超市入貨, 好在每件想買的材料都在做特價如果沒有特價的話我是不會買, 差不多到收銀時發現買漏了洋蔥, 但係要回入口處那麼很遠, 所以又再一次睇下放香料那裡有沒有洋蔥粉之類. 因為在老外香料入面有蒜、洋莞茜應該有洋蔥粉的, 上一
次找不到今次又再搵一下, 真的有哦! 好買下它吧. 今日做了兩堤包, 一款是方包, 一款是這個洋蔥包, 包底還是這個中種芝士火腿包洋蔥粉加了兩茶匙, 出來味道已經近似山崎麵的洋蔥包味道不過味道還未夠香, 可能要加多一點粉量. 味道尚算滿意. 160 度焗 40 分鐘

直接法轉中種

沒有任何包包或光波食品的日子 (一日咁多啦), 係度又發表一下茂論, 是因為一班 bk 網友令我重回做包日子, 由於人數眾多為免有錯漏所以名字欠奉, 係度要再一次多謝咁多位 bk 媽咪的激勵及引發我的好奇心 - 多謝你地.

再做包包的日子都有不小辛酸及血淚史, 辛酸的
是由剛開始做初期用直接法, 當時天氣冷要用上幾小時的時間做, 不斷等待發酵整型到焗起, 真係好辛苦. 可以咁講每包都是辛辛苦苦才可以完成, 到不斷搵有關低溫發酵的資料, 不斷試做終能找到一個方便自己的方法. 我告訴你我做的包包需要二至三日才能完成, 但是對於要返工又要早起做早餐的我來說, 好讓女兒可以每天能有早餐食的心, 相信每位做媽咪的一定會明白.

好啦.... 還是直入今天我想講的直接法轉中種法, 中種做的包是怎樣大家都知, 可以保存二三日仍然軟熟, 而一般在網上或坊間買的書找到中種法水份偏多, 對做型麵包來說有點困難, 對初學做包包的朋友來說非常困難, 如果整型時加太多手粉或搽油在手上, 現代人好像聽到"油"這個字就會怕怕. 所以我又不斷在找一個方法做可以將原有的直接法轉做中種, 過程又好似好覆雜, 什麼比例才對. 好了終於比我找到 7:3 比例是最好, 而坊的書也有舉例中種的比例是這樣, 好了經我多番測試後有這樣以下的比例, 以後大家做包包時可以回自己喜愛的食譜試一試轉做中種.

我自己的做法比例將原有的直接法食譜轉中種

                            中種             主麵團

高筋麵粉             70%              30%

糖                        100%               0          (有很多食譜會分二份)

蛋                        100%

水                           70%               30%

酵母                     100%

奶粉                     100%

鹽                                                 100%

牛油                                             100% (後下) 



當中的份量見過有食譜是全數材料中種 70% 主麵團 30% 對於我這個懶人實在有點煩氣, 懶人做法不用記那麼多東西好了. 又或是可以將有水份一次過放在中種部份混合, 我自己個人喜好水份還是留一點到最後自行決家是否全數用.....

題外話有人會問網上都可以搵到食譜是否仍然需要買一本做包包的書回家呢? 可以咁講每個人的領悟能力不一樣, 而且如果對做包包的情況不是太清楚建議買一本書家. 那麼選什麼麵包書好呢? 初學者我建議買書的作者是師博級人馬編制, 例如是酒店或係導師出身的, 因為他們都是經過正統學習有些還會到法國、意大利等歐洲國家的烹飪學校學習. 內容方面以簡單基本大家平是都會買的包包為主, 而且有清楚每一個步驟做法及提示. 買回家後先將全書閱讀一次, 特別留意是制作麵團的做法及情序. 遇到不明白的地方可以上網搵幫手, 之後選一款最簡單的包包試一下, 萬一失敗了都是損失小小的材料而已. 真的失敗了不要放棄, 人必須要經過失敗才會成功.

小小心得, 希望幫到大家...... 多謝捧場!!

中種芝士條 - 麵包機 + 光波萬能煮食鍋 (光波爐)

本來無唸住今日再焗包

但係今日囡囡返家後已經將今日預留的包食掉

所以將我的存貨焗好包底是用中種火腿芝士包

只是搓成長條型面表加芝士即可.

中種芝士火腿包 - 麵包機+光波萬能煮食鍋

包包出焗有一點過火

今次改用烘碟包底有小小色不再是白雪雪.....

今次做包過程又發現了一些特別事, 就是用烘碟包底有小小著色, 不過只是很小很小色. 我仍然一如過用低溫發酵方便忙碌的我做包, 今次又有發現了一件事就是過往整型後會用保鮮紙包好放雪櫃, 但是今次突然想用密實袋試下可不可以.... 原來是可行的, 只要你的盤子不是太過大入好即可, 比起用保鮮紙還要好, 密實袋用後可以清洗循環再用, 不失為一個好方法. 今日用了跟平光波爐不一樣的方法焗包, 出來有一點過火. 下一次可試低一點的溫度.

中種芝士火腿包 - 麵包機+光波萬能煮食鍋

                                     中種                   主麵團

高筋麵粉                  210 g                         90g

糖                                45g

奶粉                              9g

酵母                            一茶匙

溫水                           150g                          45g

牛油                                                             40g

蛋                                 一隻 (約 45g)

鹽                                                                    1 茶匙

餡料 : 火腿

表面裝飾 : 芝士碎

先將中種部份混合後放入雪櫃低溫發酵一天, 再加入主麵團部份(牛油除外)放入 kenwood 麵包機按程式 (9) 打一之, 再加入牛油再用程式 (9) 打麵團至出現薄膜即可, 進行第一次發酵同樣可以放入雪櫃發至兩倍大為止(今次我沒有低溫發), 取出麵團拍扁, 再分成 8 份滾圓靜止十分鐘. 將麵團壓成正方型或長方型卷入火腿片再進行第二次發酵可放入雪櫃以低溫發酵, 焗前取出放室溫十分後同廚房紙印一印包麵的水份, 之後放入已預熱的光波爐(250度 4 分鐘)熄機, 將包包放入焗裡讓包包可以加快回溫. 大約十分鐘左右包面搽上蛋汁再加上芝士碎.

光波爐底架烘碟 160 度 20 分鐘出焗有點過火 (可以試下溫度 150 度看看效果如何)

紅豆飲品 - 豆漿機

這杯灰灰黑黑的點解叫紅豆飲品

 因為用威馬豆漿機做

是一邊攪拌好隔渣後才煮熱

所以根本是沒

有沙可言

也沒有加入豆漿

所以為免誤會叫飲品好了

加糖飲有點以紅豆沙但係係無沙

不過有傑身的感覺.... 

都幾得意.

光波燒肉 - 光波萬能煮食鍋 (光波爐)

終於整左光波燒肉.... 今次只買了一條長的豬腩肉, 所以光的時候用竹籤串起方便處理. 用光波整的燒肉同焗爐做出來一樣咁脆卜卜哦...... 不過下次都係買大件一點切得買方比較好.

光波燒肉 - 光波萬能煮食鍋 (光波爐)

腩肉一條

醃料 : 鹽, 沙薑粉(原本是用五香粉但係剛用完所以用佢), 胡椒粉

先將腩肉出一出水, 再用豬插在表皮上插滿孔(插完表皮會非常柔軟), 再上醃料及風乾幾小時.

光波爐加高圈低架 200 度光 30 分鐘先光底部,  反面 250 度 15 分鐘或至表皮爆脆即可.

急凍中種小茴香麵包 - 麵包機 + 光波萬能煮食鍋 (光波爐)

登..... 登..... 登..... 急凍包包出場啦.....

早前見網友用煎碟包底有色, 今次特意用了烘碟真係有色喎.

內部入面的組織.... 好像不太鬆, 不過因為是中種關係所以仍然軟熟, 不過表皮有點像法包.

今日又攪下新意思, 首先係一將平常用的食譜 再加二茶匙小茴香粉轉做中種都係 7:3 比例, 粉量小的就在中種部份放晒. 做法跟平常的一樣做了中種發好再加主麵團部份混合好放入麵包機內搓粉 kenwood 麵包機程式 9 搓一次, 之加牛油今次改了試下第二次用程式 8 打半小時停機查看薄膜是否 ok.... 未滿意再用 9 打多次 ok....

另外我做了二個包包跟網友 jojomama 的提意第二酵好之後放入冰格急凍, 試下第二日取出即入爐以 200 度火焗睇下情況如何. 好又發揮我的冒險精神試下先.....

首先 200 度底架開始焗, 焗了 5 分鐘包包兩邊已經上了深色, 所以我放入高架再放一碟擋擋. 之後最尾的 5 分鐘取出高架及將溫度改回 160 度.... 總只焗了 20 分鐘.

效果是包包入焗前及入焗後大小是一樣沒有變大, 正常情況下包包應該會再變大一點的, 外皮比硬有點像法包由於是中種的關係所以包包仍舊是軟熟.

後記 21/4 今早用光波焗埋另一半包包低架廚寶加蓋 200 度 15 分鐘, 這個沒有急凍..... 由於放雪櫃底溫發所以包面滿佈豆皮.... 還有好像有點過火.

用廚寶上到色.

看看入面好像有點發過頭......

菠蘿乾 - 光波萬能煮食鍋 (光波爐)

烘乾了兩個菠蘿仔得一袋細細袋......

特意研究整到三層仲好貪心升高左個高.... 底部放一碟再放烘碟跟住入面有個高身餸架頂住一個低架, 再放高架, 又再放多個低架上面.... 咁就可以

令模擬到食物烘乾機的發熱部份與食物幾咁親近. 50 度按焗乾制, 水份還多時就插筷子開小小蓋.

菠蘿切 2mm 厚光了二個小時的模樣, 及後有網友 tammy 話可以用 60 度, 之後就一直用 60 度光.

因為已乾了小許食物縮小了, 所以將最低層抽起放到面層及中層再烘多三小時左右 ok.

味道一般可能是本身菠蘿唔夠甜, 又或者是切得太薄都未定.

光波 pizza vs 焗爐 pizza

這個係用焗爐焗的.....

而這個是用光波焗.....

見到網友用光波焗  pizza 話做到脆底...... 我都好喜歡食 pizza 又試下先光波係點. 唔知點解都係做唔到脆底, 可能我擀得唔夠薄.....

pizza

1. 高根麵粉 70g

2. 普通麵粉或底根 130g

3. 鹽 3g

4. 糖 3g

5. 溫水 110g

6. 酵母 一茶匙

7. 牛油 20g

8. 茄汁 / 千島沙律醬

9. 餡料 : 可自由配搭, 只要自己喜歡

10. Mozzarella 芝士碎

先將 1-6 混合搓勻再加 7 搓至有膜跟做麵包方法一樣發酵, 第一次發酵完成後將麵團拍扁拉至圈型, 搽上 8 再發酵 30 分鐘加上 9 最後放上 10.

焗爐 230 度 15-20 分鐘

光波爐底架烘碟 230 度 15-20 分鐘

懶人蒜蓉包 - 麵包機 + 平底鑊

麵包還是自己做用了低溫發酵的包底不過沒有玩咩 72 小時

只係早上返工前混合好材料放雪櫃發酵晚上回家已發好

之後再做整型又再放雪櫃發酵到早上入焗爐

本來只是整烘多士

突然想食蒜蓉包又不想切蒜頭

好就在廚房就手地將蒜鹽灑在已烘好加了牛油的包上

好在因為包包是甜包底所以出來都不過好咸

如果是咸包底的話....... 可能會好咸.

白吐司 - 食物處理器 + 焗爐

包包出爐個樣都無錯......

這個是另一半的麵團今晚焗好, 睇下組織都唔錯.

為了食物處理器重生, 所以用食物處理器打麵團看看效果如何. 食譜仍然跟舊的 芝麻卷 做. 今日爸爸媽媽會來我家, 所以會留比他們帶走, 今次要等佢地試食後才知感覺如何.

食物處理器打麵團, 打了二次分半鐘左右, 免強有薄膜, 後來再跟網友研究可以跟雪媽的做法, 打廿秒停一停再打, 以免機身太熱令麵團過早發酵.

今次用焗爐焗 160 焗 45 分鐘, 我家的焗爐溫度比較高, 我上網搵過用麵包模的做法及溫度應為 180 度 40 分鐘, 所以我特意將溫度調低焗看看效果.

另外發現一件事, 平常用低溫發酵總會有豆皮, 今次取出麵團仍舊用有溫度的光波爐再放入發酵多一會. 焗出的包包只有小部份是有豆皮.

這部機比網友 tammy 叫佢做食物激鬼食真係無錯, 當初買佢係因為見到佢話可以搓麵團先買. 整體部機係好好, 整蛋糕打蛋白  cream  係相當好, 但係打麵團就真係激鬼氣啦.... 哈哈!!

肉骨茶 - 高速煲

想想懷念很久以前曾經到馬來西亞旅行時其中一個早餐 - 肉骨茶, 記得導遊講過肉骨茶是馬來西亞人的早點. 話說是以前中國人到南洋打工做
苦力賺錢, 人在外地又無湯水, 中國人最重湯水補身補充體力, 於是就煲了這個肉骨茶, 至於點解叫肉骨茶可能因為用了大量骨頭煮成? 呢點就不太清楚. 但是這個味道對我來說真是記憶尤新.

因為肉骨茶每日只做早市, 沽清後明天請早, 還記得當天早上要特別早起床好像是五點多. 除了肉骨茶還會配上米線, 一口湯一口米線是一個絕配.

在香港每次見到有肉骨茶便想尋回那份香味,記得有一次係超市買了一隻試誰知道辣到會噴火, 今次找來味道算是近似在馬來西亞食過的, 而且胡椒味不太強烈. 在惠康買到的叫 come in, 有興趣的話可以一試. 跟包裝袋的指示放入湯包及所需要的材料便可, 簡單方便值得一試.

改良中種紅豆麥包 - 麵包機+光波萬能煮食鍋(光波爐)

出爐啦.... 今次無自動解體, 可能全部塞入去下次還是放小一兩個比較好, 太迫發酵時不斷往上升高, 加蓋已經到頂.

入面還是會上到色.

很多人不喜歡食麥包, 可能是街買的不好食, 但是自家制的麥包連囡囡都話好食過街買, 當然啦.... 我會落多一點麥粉, 街的賣的不提也罷. 今日又用了前兩天自制的紅豆做餡. 好像有點怪麥包配紅豆餡. 唔知出來的味道如何呢?

我又係度攪攪陣將直接法的麥包改為做中種, 入面的配方我又改了. 最初還是想加提子做餡, 後來想起做了紅豆餡為有用了紅豆餡. 有時不知道自己在想什麼, 材料錯配, 做了甜包放咸的餡, 做了咸包又放入甜餡, 大家話我是否一個傻人呢?

改良中種紅豆麥包 - 麵包機+光波萬能煮食鍋(光波爐)

中種部份                              主麵團

高筋麵粉 120g                        30g

全麥麵粉 100g                        50g

糖 20g

鹽                                                8g

酵母 3g

水 200g                                     60g

牛油 40g (在第二次搓時才加入麵團) 室溫

先將中種部份混合好發酵 (可以放雪櫃發酵) 至兩倍大, 再加入主麵團放入 kenwood 麵包機按程式 (9) 搓二次至三次至起膜即可. 再進行第一次發酵至兩倍大(可以放雪櫃發酵) 取出拍扁放氣, 再分割 8 等分, 包入紅豆餡, 再放入廚寶進行至第二次發酵(可以放雪櫃發酵) 第二天焗.

由於今次將所有麵團一次過放入廚寶所以, 發好時已經頂到廚寶頂, 所以用了加高圈

光波爐低架加高圈, 放入已加蓋廚寶, 190 度 25 分鐘

食物處理器

個攪拌壺唔用可以收起.

搓下麵團先.....

這部食物處理器已經買好幾年, 回想起買它的時候老公及我都各自有想法. 老公見到有 33 種功能又可以刨蘿白, 那麼過年時有蘿白糕食又唔需要用人手那麼辛苦. 而我見到有搓麵團的功能已被它深深吸引了. 不過最大最大的一個原因是價錢, 有一次無意中見到連銷店有間特賣場, 大平賣當時這部機在內, 價錢是半價六百多, 老公話 : "咁平好買啦, 第時唔係這個價錢唔買架啦" 好啦...... 就咁就帶了它回家.

起初非常勤力用, 試下這個功能試下那個功能. 打蛋白快到不消幾分鐘已經打好非常好用. 又可以榨甘荀汁, 橙汁, 碎肉, 切片(非常薄 1mm) ...... 太多功能有部份一是忘記了. 但是到頭來長睡在廚房櫃底, 因為廚房沒有空位放, 導致又裝又拆太煩, 慢慢成了只有過年前在家中亮相一次的刨蘿白絲功具. 最近又見 bk 網友了買 mixer, 其實這個東東在我未買食物處理器前已經有意思買. 當時開始學做包包, 一來 mixer 價錢也不便宜, 對於初學者而言好像太大投資, 萬一三分鐘熱度過去咁..... 又為冷官增添一為新成員.

試搓麵團, 記忘了用冰水攪, 麵團出來有點熱, 今次係做 pizza 所以高粉成份不多,  亦拉不出膜來.

帶子黑椒牛柳伴雜菜餅 - 光波萬能煮食鍋(光波爐)

係咪好有西餐 feel 呢? 雖然今日是假期, 但係老公一樣要開工仲要返夜班所以得我同囡囡食晚飯, 好啦..... 屋企有牛柳就扮下嘢食西餐同囡囡撐
枱腳先. 話比大家知主菜其實是這個雜菜餅, 在大昌買的味道不錯, 我同囡囡都喜歡食. 喜歡食不是因為它是炸物, 而是味道好好. 不過都非常貴, 特價都要 $27.9 只有六件, 食的時候有點不捨得.

帶子黑椒牛柳伴雜菜餅 - 光波萬能煮食鍋(光波爐)

急凍帶子

雜菜餅

牛柳 (小小鹽及黑胡椒)

西蘭花 (用油鹽水煮熟)

做法 :

1. 急凍帶及雜菜餅面表搽油光波爐高架 250 度光 10 分鐘, 見帶子 ok 可先反面, 之後將雜菜餅反面光多 5 分鐘, 如帶子已 ok 可先請出.


2. 牛柳表面搽油光波爐高架煎碟 250 度 2 分鐘反面 2 分鐘即可.

自製有機紅豆餡 - 高速煲+光波萬能煮食鍋(光波爐)

自家制的食物好像已經慢慢成為我生活的一部份, 從前無咁講究而家因為你 (囡囡) 我為左你健康........真係什麼事都做得出, 哈哈. 相信每位媽媽都想將最好的東西留給自己的仔女, 大家的表達方式會有所不同. 有人會覺得有錢便可以買下
很多的東西去比仔女享用, 又人又會覺得自己不捨得食不捨得用但是只要仔女開口就會馬上二話不說便送到仔女的面前.

也許我是喜歡 DIY 自己動手做一些食物比囡囡享用, 我總覺得小朋友是喜歡媽媽親手做的東西, 這些是比到小朋友童年的一些回憶, 又或是我也受我媽媽的影響, 小時候也食了不小由媽媽親手泡制的食物. 或許到囡囡變成別人的媽媽時會想起我為她做的總總, 而囡囡又受到我的感染會做美味的食物給自己仔女享用, 一代傳一代很有意思哦. 真正的原因又或是現今社會有太多添加了不適合人類食用的東西吧! 好啦.... 不用再作太多思索了, 總之我願意做又有人欣賞已經足夠.

今日又做了我的第一次, 要攪定你啦.....紅豆餡. 在網路上找過一些資料, 紅豆餡有好幾個做法, 當然太麻煩的對於我這個懶人真係未必會試, 但是如果是簡單又方便的話做做又何妨呢? 今次找來的是一個疑似日式的紅豆餡做法..... 方法也很簡單, 只要煮好紅豆隔去水份再加糖壓爛即可, 如果想食時滑一點可以加小許油混合.

自制有機紅豆餡 - 高速煲

有機紅豆 150g

糖 100g + 2 茶匙

紅豆浸 4-5 小時後加入高速煲內, 加水離紅豆一寸至寸半高, 大火煲起水滾後加高速煲蓋, 棍棍升起後轉細火, 十五分鐘後熄火, 待自然排氣.

取出紅豆隔去水份, 放入部份紅豆在篩內, 用飯殼壓爛紅豆及隔渣加入糖混合, 甜味可隨個人口味加減.

再將紅豆餡放碟上放入光波爐高架, 按焗乾制 90 度 30 分鐘 (每 10 分鐘將餡攪拌一次, 到 20 分鐘後每 5 分鐘攪一次) 光至乾身可以搓成團即可