2009年7月31日星期五

新玩具 - 壓麵機



終於都買了這部壓麵機, SIZE 我度包裝紙盒 8" x 8" x 6.5"(高) 未計裝起手攪部份


用 1 度壓了四五次跟住而家用了二度壓, 雖然有小小豆皮不過都似 d 樣



這個用了 5 度壓, 壓得不錯表面滑滑的..... 唸起做饅頭好方便.



玩到無嘢好玩用左 9 度壓到薄一薄咁.... 不過唔知點解兩邊會有痕....


終極洗完機的麵條

這個壓麵機其實很久很久很久..... 以前在百貨公司老公見到時已經叫我買, 不過當時我覺得買了又不太懂得用, 又沒有太大信心用這個東東整麵條, 而且印象當時的賣價好像超過五百大元的來佬貨, 所以沒有考慮.

昨天見網友召藥師提起百貨公司有平價用具執, 還有提起這個壓麵機, 本來昨天已經想去睇一睇, 但是家裡臨時有要事要辦, 所以推遲了一天去. 這機本來有一大一小的 size 選擇, 不過今天去到時只有細機, 想一想家裡只有三個人, 何況好大機會只是做二人份, 所以細機應該都可以.

售貨員講解得好詳盡, 講了兩次部機一定唔可以用水洗, 因為如果麵團痴了落部機度再加上到就郁都唔郁得變左費物. 用麵粉或麵團放入去碌即可.  所以今日的試機可以說是洗機加上練習一下如何攪麵皮.....

乾洗大法 :
- 先用水加麵粉做成一個不痴手的麵團用作乾洗機用.
- 將麵團放在壓麵皮部份由 1 開始操作, 唔同度數都要重覆 4-5 次.
- 壓麵團的時候盡量用盡壓麵機的空間, 才可以清楚到每一個角落.
- 到了切麵條部同樣放麵皮攪呀攪呀, 如果覺得未夠可以麵條壓成團再重覆壓麵皮的動作後, 再切麵條.

P.S. :
1. 記得唔部機只能用麵粉及麵團乾洗, 不可濕水否則要買過部新的.
2. 麵團一定唔可以濕, 以不痴手為合才可放壓麵機操作.




同場加影 YOUTUBE 搵到同款壓麵機示範片



又黎 YOUTUBE 搵到 JAMIE OLIVER 整意粉



2009年7月26日星期日

又黎品品包 (香蔥火腿包) - 食物處理器 + 焗爐


又黎囡囡的至愛的品品包 (香蔥火腿包)

同樣今次亦是用食物處理器

今次有理無理全部水份加入

搓呀... 搓呀.... 搓, 出黎 ok 有小許濕

所整型時很難.... 太軟.... 原本是做六個包

可惜排時不夠位

最後放棄了一個包沒有做型

分成兩份包入餡料入爐.

2009年7月25日星期六

升中

不經不覺, 囡囡就升中啦..... 總覺得我比其他家長沒有太緊張. 當然每個家長都希望仔女可以升到 band 1 英中, 你問我有無這樣的想法, 我的答案 - 有.... 不過事實係囡囡的數學科常常好似過山車一樣成績, 一直令到我頭痛. 常常都聽到老師跟我說, 如果囡囡數學可以開曉咁就好囉..... 不知道囡囡何時可遇上一個好的數學老師幫她一把可以幫她打通任篤二脈就好.  話說回來, 見到很多家長的表現各有不同, 而我囡囡就派了第三志願, 這所中學是囡囡指定要揀選的, 囡囡當初揀的原因是因為這所中學是有很多的課外活動.

認識我的網友很多都知我家住元朗, 而囡囡所指定的學校就在天水圍. 哥哥聽到後即時跟我說說 "要小心 D 喎" 應該是怕囡囡學壞. 不過經過了註冊及考分班試後了解到學校的教育方針, 比我感覺是放心晒. 而且學校報稱今年所派的學生全部是 band 1 / 2, 感覺學校不太差. 我開始明白為何這間學校會有這麼多活動, 而且午飯只可外出用膳, 只能夠訂飯, 自己帶飯又或是家長送飯. 這些一齊都是不想課餘時
間學生在街上流溜, 學校多課外活動等小朋友投入了後喜歡返學, 學校可以比到不一樣的生活, 自然小了上街的時間. 而且學校的科技發展項目發展得不錯, 同時獲得多個獎項. 大家不需要問我囡囡派了那間中學, 自己上網查一查邊間天水圍中學獲得 d 科技獎就係個間.

七月十日 (註冊日)

註冊日有兩天我選了第二天才去辦理, 一來可以被開第一天多人要輪候太多的時間, 二來自己要上班所以盡可能請小一點假, 因為之後還要請假不想請太多假. 這天我是第一次接觸到這間學校, 但是囡囡在未選校前已經由小學安排參觀這所中學, 已經知學校的學習環境及設施還有她喜愛的多完化課外活動.

帶齊所有註冊用的文件, 入場時取了一個號碼後, 囡囡跟其他小朋友一齊被帶到別處填寫一張個人資料的表格, 而家長分成小組帶到一處用佈告板圍成的一個空間, 有一位訓輔組的老師講解一下學校今個學年學校已預備好有兩班開設以全英文教學的數學科及綜合科學, 並派了一張通告讓家長選擇小朋友是想用英文還是中文. 不過填了不等於可以入讀以英文教的兩科, 必須通過評估測驗, 所以現楷段不用買數學及綜合科學的書. 還有今年開始所有中一生放學校後星期一至五還要額外多上一節英文堂. 感覺囡囡會很辛苦返學要上咁多課還要另外加時再賽, 好在囡囡的英文課還算得上不錯, 應該可以應付到. 交完表後一齊到訓輔組聽老師教訓.... 不是是聽老師講解學校對學生的服飾要求等等. 之後就訂校服. 尚好當天我跟囡囡早到人亦不太多. 好順利十點多已完成所以情序.

七月十四日 (升中分班試+家長會)

是全港升讀中一的學生必須參與的分班試, 話雖如此除了用作學生分班外, 也直接影響來年度升中的學生所派學校, 所以常常會聽到學校跟小朋友要比心機考好這個試除了影響自己分班外, 同時會影響下屆的師弟師妹派位. 這天我當然是陪囡囡到這間學校, 囡囡考試而我到新翼禮堂參了家長會.

這天來到學校參與家長會對學校了解很多很多, 知道派了這所中學時曾到學校網站一遊, 知道學校是不讓學生在外午膳, 我覺得這個安排是比家長一個安心. 相信大家對天水圍的感覺都不太好, 怎至會覺得好得人驚怕學壞. 所以學校是非常著重家校合作, 所以規條是很多的. 例如 : 學生一個月內唔可以交唔齊功課或書本四次要揀名除留堂外還要記小過, 留堂不會在當天留會比通告家長知道幾時留, 與此同時學校會知道學校有兩次紀錄欠功課會由書記致電通知家長, 好等家長知道小朋友出了問題亦可防止小朋友為免被家長教訓而假冒家長簽名了事. 服飾不合格同樣是四次機會揀名又係一個小過 (很嚴喎).

七月十五至二十日 (半日班的銜接課程)

學校安排好了學生除星期日外五天的半日班銜接課程, 有齊中英數通識數學及綜合科學, 而之前提有英文部份的所有學生都需要上, 每日所教的課目好似中文每天是由不同的老師上 (估計是所有教中一的老師教) 到了課程的後兩天還要做評估考試.

七月三十,八月六日,十三日,二十日 (考試日)

學校己安排了考試比小朋友做, 作天是銜接課程的最後一天, 學校已交了下星期需要考的資料, 著學生回家後好好溫習準備考試.

八月二十三日 (家長日及分班結果公佈)

這天會知道囡囡是讀那一班及是否可以讀到以全英文教的數學及綜合科學, 到是才可以買齊所有書本. 希望到時囡囡可以讀到這班.

2009年7月21日星期二

特大芝麻包 - 食物處理器 + 焗爐




今次又係用食物處理搓包

閒呀?? 無辦法啦.... 大家都知我係咁

一定要做到才罷休

今次非常懶將麵團切開八份算了

其實應該可以分十至十二份

成隻手掌咁大我唸食一個已夠飽了.

食譜及做法可以在我的 blog 內找到

只是搓包由食物處理器負責

同樣是在鋼盤混合了材料(除牛油外)

放入食物處理器打十秒左右加已回家溫的牛油搓 2 分鐘多 d

不過要過 3 分鐘即有薄膜

因為麵團份量多

用了 175 夠了 25 分鐘才出爐.

甜餐包 - 食物處理器 + 焗爐



用低溫發酵仍舊有豆皮, 用了雞尾包的包底表面沒有刷上任何東東....

咬啖先......


繼續用食物處理器搓的包包

方法用對了越搓得多從中留意一下變化

例如落多小水? 幾時加牛油? 加牛油後搓幾耐? 

試多一點很快會用到得心應手.... 

大膽一點用食物處理器搓耐小小不超過 3 分鐘為限. 

下一步打算試做中種..... 

不知道會成功? 大家耐心等待一下.....


2009年7月20日星期一

怎樣用食物處理搓麵團做麵包




首先在鋼盤將材料(牛油除外) 混合好, 有一點碎碎不成型亦可.



將麵團放入食物處理器打大約十秒後, 加入放軟的牛油, 再開機打



搓 2- 3 分鐘到見到麵團有捲起軸上飛起的時候亦差不多可以收手.... 雖然搓完麵團會有點熱, 但不用怕, 只要不打超過 3 分鐘, 麵團不會變得太過熱而熱死酵母, 仍然可以發酵沒有問題.


相信大家當初買食物處理器都是因為它的其中一個功能 - 搓麵團,而用過搓粉的都知, 將所有材料放入一開機打之後, 一定會發現有部份材料已捲入軸芯內. 不單止材料小了, 清洗時更是討厭極了. 之後相信大家再試多一兩次後會放棄及將它打入冷宮. 也被網友 tammy 改了一個更貼切的名就是 "食物激鬼器".

搓麵團這個課題要好好研究, 如果不是跟網友大家提起為了將麵包機搓粉的時間縮短預先將材料混合一起才放麵包機打, 我亦不會想到食物處理器可以這樣搓粉.

未試打前上網找一找資料, 看一看有否已有網友已經研究到用食物處理器打麵團. 可惜真係不多, 只有的做法是打幾十秒要等一等的做法... 我跟住試做一來膜仍然是做得未合我要求, 二來打下停下好像有點煩.

心口掛住個勇字的我開始試, 不斷試由不夠大膽一直打麵團及加牛油時間不對.... 試了幾次, 已掌握到搓麵團的技巧. 今次因為要影相不能拍短片, 可能大家可能仍未了解是怎樣做, 下次再拍片給大家睇.

錯有錯著的鳥結糖



雪凍過後出奇地可以入口




放涼特切開.....

大家都知我一向心口都掛個勇字, 失敗了會再做再試直到成功為止. 這個鳥結糖做法非常簡單, 一煮一撈放涼食得, 簡單易做, 不過事後功夫就真係麻煩.

等我詳細咁講一講點解出問題, 剛剛做了賽後檢討, 導致多方面失敗. 第一用栗膠, 真係名副其實的膠非常痴一定要好熱才易於控制. 第二煮粟膠時又掛住打蛋白, 忘記熄火所以粟膠已有 d 煮成糖膠的感覺. 第三果位係是昨晚已經焗好的, 所以凍冰冰加入粟膠入面令到粟膠凍了開始變硬. 令到終極混合時不好攪, 倒入焗盤時有部份已經冷卻痴在鋼盤上. 需要加上煮溶才可以洗盤. 令外不知道是否本身已經做得差, 撕入爐蓆時中間有點撕裂. 所以如果大家要試的話我想不要跟原食譜用焗爐紙, 好可能撕的時間會殘留紙碎在鳥結糖上, 另外因為我以前家中果仁一包好像好多, 但係原來仍然未夠多, 發現時已經太遲了. 沒有辦法只好頂硬上照做.

不過又一次發現了仍然 OK.... 如果只放涼食可能天氣熱有 D 痴, 但是放雪櫃雪凍後食又可以不會太痴..... 好好食..... 下次真係不要客氣, 多落一點果仁. 囡囡試食後話好味.... 喜歡糖趙趙下好好食.

今次是跟專業糕點制作做, 分量因為應了所買的粟膠份量減小了.

粟膠 400g

糖 315g

牛油 40g

蛋白 1 隻

果仁 200g (原食譜份量比較多2/3)

粟膠加 3/4 糖及牛油煮到 120 度, 同時蛋白加 1/2 打至起勾, 將煮好的粟膠加入打好的蛋白攪勻, 再加入已焗的果仁 (約用 150 度焗 15-20 分鐘) 攪勻.

放在已墊入爐蓆上後再在上面加放一張用木棍壓平放涼後切開.

2009年7月11日星期六

提子包 - 食物處理器 + 焗爐






上次做 椰檳 時一留起做提子包

同樣一個包底

因為用了食物處理器搓麵團

所以搓粉份量增多了

所以好像包包無從前的做得那麼密.

2009年7月8日星期三

椰茸檳(低溫發酵) - 食物處理器 + 焗爐



出爐啦.......



今次用食物處理器打得唔錯.... 大家睇唔睇快膜呀??


嗯...... 包包好軟熟呀.....

整咩包好呢?? 原本想做雞尾包, 到做餡的時候忽然想食椰檳, 好... 改一改餡先. 已經堅持用食物處理器去搓... 當然又要再放入我的網誌內做個記錄. 自從將食物處理從見天日後, 慢慢開始試搓, 搓呀... 搓呀....不消三分鐘就攪定. 今次搓得唔錯, 可借自己一個人得一對手, 拉得膜黎又影唔到, 得一隻手又要就住快膜又要就住部相機, 仲要睇下位燈光, 拗晒腰咁去影好辛苦.

食譜跟之前做過的 椰茸檳 一樣, 放入已預熱焗爐 180 度焗 18 分鐘.

2009年7月4日星期六

pizza - 食物處理器 + 焗爐




手快快加了一半芝士時才想起未影餡料

出爐啦......嘩...... 好味呀!!

原本今晚是打算煮飯食, 但係下午茶食芝士餅個肚已經無位, 囡囡又唔想食飯想起做個 pizza 起碼都可以花多小小時間做, 又可以推遲晚餐的時間. 想做的時間發現沒有茄汁, 跟囡囡說沒有茄汁改做其他. 囡囡就自告奮勇落街幫我買. 好.... 當然好啦.... 一來囡囡幫手去買, 二來係時間放囡囡自己去街買東西, 反正超市就在家對面, 三來囡囡是要去換現在大熱的小丸子點頭文具.

食譜還用做開的 pizza (可以在我 blog 搜尋一下), 今次用食物處理器搓包又有新的點子, 一如以往混合了麵團再將之撕一個個放食物處理器及一齊加入牛油, 開機搓呀... 搓.... 我沒有理機器在開動, 因為今次太個產廚房有點亂順道執一執. 跟手熄機..... 嘩..... 有新發現平常我是搓了一會才放牛油, 今次一同放出奇地好順滑. 雖然麵團帶點熱, 但又無痴手. 好下次又再試一試.

餡料有青椒、波蘿、沙樂美腸、火腿, 當然唔小得可以拉絲的 Mozzarella 芝士.

預熱焗爐 230 度 20 分鐘

麥包花 - 食物處理器 + 光波爐/焗爐




又黎見麥包花


同場加影麥包同麵包模, 已經發到上頂, 但係頂唔到角有小小失敗感

今日好似好多產整完一個失敗的芝士蛋糕後, 又黎麥包花+頂唔到角的麥包, 食譜都是以前做過的麥包. 不同之處是用食物處理器搓包, 最近用食物處理器搓包開始好似掌握到技巧, 不過還是要反復測試才可以確實知道應該如何搓才可以做到想要的效果.

麥包花係用光波爐的廚寶及用光波爐 180 度 20 分鐘

麥包焗爐 210 度 30 分鐘, 多手再加時 230 度 5 分鐘

失敗之作日式芝士蛋糕 (用片裝芝士做) - 食物處理器 + 焗爐




一睇就知佢的死因, 個爐的溫度攪到我......



出爐後有下陷情況, 可能係散熱時門隙大了, 因為用了竹筷子攝住, 下次用竹籤好



睇下我個食物處理打蛋白啦....





咪打得好靚呢??

見網友做芝士蛋糕, 好不容易等到星期六開工做, 順便拍條短片比大家睇一睇用食物處理打蛋白的情況. 打出黎真係快靚正, 大家睇下打至完全企身還見到打出的紋理仍未消失哦. 今次跟為食貓的食譜做, 工作多了的是要將片裝芝士煮溶. 另外食譜沒有跟足, 因為原食譜的模比家裡的小, 所以自行將材料加多 20%.

其實整餅比起整包較容易, 因為唔需要等發酵, 做包閒閒地都要花二三小時才可以完成, 但係整餅就不同, 打好材料都係半小時至一小時 (做腳計應該都可以) 左右跟住入爐, 焗餅的食譜都是焗半小時至一個小時左右.

今次又比焗爐玩我...... 高溫時高 20 度, 低溫時剛好係個啱唔啱溫度之間, 我調高佢又高過龍, 我調低佢的時候又唔夠熱.... 激死!!

焗爐呀!! 焗爐!! 你幾時先至唔玩我呀!!

下次要大膽 d 早段時間高小小溫度 170 度焗佢等佢升高, 中段時間調至回 160 度應該可以了.

失敗之作日式芝士蛋糕 (用片裝芝士做) - 食物處理器 + 焗爐 (7" 模)

麵粉 36g

木薯粉 12g (原食譜為粟粉家裡沒有粟粉只有木薯粉)

蛋 3 隻

糖 40g

片裝芝士 2.5 片

淡忌廉 60g

牛油 36g

1. 預熱焗爐 160 度焗盤放熱水

2. 蛋白 + 糖 20g 打至企身

3. 蛋黃 + 糖 20g 打至淡黃色

4. 粉類過篩

5. 芝士 + 淡忌廉 + 牛油坐熱水煮溶, 煮好後熄火備用 (仍然放煲內不需要取, 否則會變硬)

將 2 + 3 攪拌後再慢慢逐小逐小篩入  4 攪拌 (要輕手) 攪拌好後

將小小混合好的蛋漿攪入 5 至稀小小 (這樣做比較容易拌入太傑身很難拌入蛋漿內) 再將 5 加入蛋漿至拌勻.

模內加入烘焙紙後再倒入蛋漿入焗 30 分鐘 (如中途焗盤無水請添加)

2009年7月3日星期五

一包兩味之洋蔥頂角方包 + 芝士洋蔥包 - 食物處理器+焗爐


頂角方包


同場加影一包兩味芝士洋蔥包


咬啖睇下入面

今次用了芝麻包的包底做, 兩倍分量約 400G 的麵粉, 洋蔥粉只加了一大湯匙, 同平時一樣用預先混合了麵團再放入食物處器搓包, 今次控制了水比較好同大膽地連打了約 3 分鐘, 搓出的膜比以前好, 可借我的小小攝影師不在家, 一個人實在好難又拉膜又影相, 可借!

用食物處理器搓包, 包包彈力十足!