2009年8月29日星期六

玉桂香草豬扒 - 光波萬能煮食鍋 (光波爐)


光到香噴噴....




醃料 : 豉油, 糖, 香草, 玉桂, 油醃半小時以上.


很似好耐都無光波出品, 好今日就黎個光波豬扒啦...... 用光波不用做蒙古大汗真好, 光一光快靚正. 今次用上雪藏豬扒不太厚, 家裡總有一些雪藏冷肉以備不時之需.

高架 250 度光 5 分鐘, 再反面 4 分鐘即可... 如肉厚的話請自行調節時間.

老朋友飯局

昨晚跟幾個可以叫老朋友來個飯局, 不知不覺已經相識十多年的事. 由同事變成朋友到大家, 雖然大家很忙, 不過仍然保持著每位朋友生日食飯的傳統. 開心不過的事每次除了交換近況外, 還會傾吓小為人知的個人故事, 當中除了做同事時的故事, 還會有一些離開後的去向.
昨晚在彌敦道一間 XX樓食晚飯, 朋友一早訂好枱子, 很多人食飯哦! 早了十多分鐘只能在門口等. 到了有位時朋友們還未現身, 我先行坐下來等. 過了幾分鐘朋友們終於出場. 可惜主角忙著佢的梳化業務, 因為人家店快要開幕為趕工而遲到, 好了就他老婆決定點菜. 快要九點了來個涼拌粉皮我們先行開動, 仍未到來的主角是不會介意的.

好了主角終於現身, 當然是寒暄了幾句, 剛好我們點的填鴨到來, 先敬過主角大家開動了. 一邊食一邊傾好開心, 不過店員的態度真是麻麻, 還沒有叫埋單侍應已經拿單子來要我們先結賬, 我們還開心地繼續暢談, 侍應又走近想收碟好了你收啦. 再過一會跟我們說店子收舖. 唉... 到這些老店子就是這樣, 好了我們轉場到朋友剛提起某信用可以買一送一的連鎖咖啡店繼續暢談. 一行六人到對面的咖啡店, 再傾餐飽. 不經不覺傾到十二點半, 再不離開便沒有車回家, 唯有中斷我們的暢談. 下次再傾過啦.

2009年8月28日星期五

狗狗轉糧

話說最近跟網友提起想轉狗糧, 因為狗狗一直是食 H 字頭在很多地方及獸醫診所都有在賣的, 最初是因為覺得售價貴了很多才想起轉糧. 跟網友分享過情裡發現其實狗狗食緊的糧真係不太健康而且便便及尿取都很臭, 好了傾完一輛決定轉天然狗糧, 因為轉了便便及尿尿真係無咁大
陣味就連狗狗本身的味道亦淡了. 買的糧是貴了但係狗狗健康了小睇醫生條數還是一樣!

去到寵物店跟囡囡傾想轉那一款, 囡囡話我都唔知邊隻好喎 (阿囡你當然唔會知啦你都無研究過), 店員聽到我跟囡囡的對話, 便介紹了我之前都有研究過的糧, 還送了幾款唔同味的糧給狗狗試食. 嘩.... 阿肥的好幸福啊!! 有幾款可以試食. 給阿肥試食後, 每一款都食得乾乾淨淨. 而家測驗了結果便便同尿尿的味道真係好了好多. 急不及待買一包回來混合現在的一起食, 待食完舊的便轉數比新糧. 不過最近兩天發現阿肥餘下了小小不食, 再試比多一點新的狗糧又食光光, 阿肥唔通你咁識食, 知道新嘢對你好一點??

2009年8月24日星期一

升中 - 後記

上回提到 - 8 月 23 日公佈編班安排
昨日是囡囡學校的迎新日, 與此同時亦是囡囡能否進入全級只有兩班會用英文教的數學同科學的日子. 雖然我一直對囡囡的表現沒有疑問, 但是作為媽媽的我或多或小小緊張.
返回學校的途中一家三口有傾有講, 但是到了校門時我真是有一點點緊張, 進入校門後便到小食部旁的佈告欄看看編班資料. 看到囡囡的名字在被家長認作是精英班的班裡即是可以讀到用英文教的數學及科學, 安落晒!!

昨日跟囡囡一同在禮堂呆上了兩個小時聽了很多有關學校的資料, 其實有部份之前的家長會已經講了, 不過我先生未聽過當他聽完以後都覺得這間學校好好好滿意. 其實我先生一直對於家裡的事都交給我打理, 佢只會行動及出力去幫我.

聽完了兩小時的講座, 同囡囡分開到班房聽老師講解注意事項. 啊!! 坐在班房內聽老師講解好有回到校院 feel, 好憶念以前中學的日子. 之後放學跟囡囡拍學生照, 之後回家換衫, 出外用膳後再到書局買英文教科書..... 仍未買齊有部份決書, 今日要再去其他書局買.

2009年8月19日星期三

風乾意粉(下集) - 壓麵機


上回講到......


風乾意粉同新鮮的有什麼分別呢? 好了, 今晚終於煮了風乾的意粉, 開心大發現真係同街買回來差不多.... 跟新鮮的感覺有所不同, 正如食新鮮意粉時候感覺好像是跟在粉麵舖買新鮮的粉麵一樣. 意粉還是風乾了比較好, 可能是己習慣了.
如果我的建議最好是早上做起中午或晚餐時食用. 如果即食的話就會好似囡囡所講似冷麵的感覺.....

話說回來這個意粉跟平時煮的一樣:
  1. 水滾後加鹽及油放入意粉煮 8 分鐘 (這個是撈起即食, 如果會回鑊加入醬汁再煮的話大慨煮 6 分鐘即可)
  2. 之後拌入蒜鹽、香草及芝士碎, 再配上我的隔夜墨魚同肉腸, 不好意思影隔夜材料給大家看.

慳家的我竟然會買個價值十八個大洋的早餐



大家有沒有食早餐的習慣呢? 我知道很多香港人晚上有著非常多的原因不論是上網或是打機又或者有其他原因, 總是很夜或是差不多到天光才能入睡, 早上起床時總想多睡一下, 反正家裡是沒有早餐食, 都是出門後買個早餐一邊行一邊食又或是在公司附近買或在茶餐食個早餐吧了. 順帶一提是記住食還食請不要在港鐵入閘後食啊! 否則會被罰錢!!
還有小朋友一定要食早餐才可以上學, 根據專家所市講早上有食過早餐的小朋友比起沒有食早餐的小朋友在學習上會比較專心. 因為小朋友如果一早起床後沒有食早餐待回學校後小息才進食或者不食早餐, 這樣對學習做成一定的影響.  試想一下大人空肚上班到了十一點幾多已經肚餓無心機辦公, 更何況是小朋友呢?

從回做麵包日子之後, 上班的日子已經沒有在街買早餐回公司食, 可是暑假開始了我的重擔又輕鬆了, 因為囡囡交由公公婆婆照顧, 亦令到我的懶虫出現了. 包包小做了, 今早已經斷了早餐的糧食. 於是搭完了港鐵就在站內的商店買個貴價早餐好了, 自從這個港鐵站番新過後引入了不同的商店後, 這家店今次是我第二次買早餐了.  今次這個火腿芝士包比上次的那個感覺麻麻地, 反之即磨咖啡又 ok, 往常的我是不飲的, 但是上次的那杯奶茶對我來講太淡了, 所以選了咖啡. 我不太董得欣賞而我的咖啡年資應該是BB班, 不過這杯咖啡的味道自覺合我口味, 飲完後還有陣陣咖啡味留在口腔中久久不散.

西鐵線直通尖東及紅磡後迫爆的日子

8 月 17 日是港鐵西鑼線直通尖東及紅磡的首個上班日子, 雖然好像跟我不太有關係, 我還是老樣子跟平時一樣在元朗站上車到美孚轉線. 17 號早上返工已經覺得人多了一點點. 可是放工時間比早上返工時間黎得人多, 可能是大家怕早上人多會遲到沒有試搭, 放工時人多都不得了, 比起未通車前多了幾倍人搭. 第一日放工時間港鐵好
似刻意蠻西鐵線由候車時候由原本的 3 分鐘改為 2 分鐘, 而行車時間亦做到推廣的時間由元朗去尖東 24 分鐘. 往常從元朗出發到美孚需要 20 分鐘, 現在只需要 15 分鐘時間快了 5 分鐘啊! 對我來說有好有不好, 好的是回家時間提升, 不好的是太多人很迫. 現在已經很迫遲些元朗西鐵站的隔鄰樓盤第二期開賣口後人口即時提升, 希望西鐵會安排拖多兩卡車就好啦.

2009年8月15日星期六

風乾意粉(上集) - 壓麵機



今次試一下意粉用壓麵機做好後風乾後會否似買回來的呢? 做法大致跟之前的一樣, 麵粉加蛋搓幾搓成團後醒了半小時左右, 跟住壓好麵皮後切開. 之前係網上搵過短片睇做好的麵會掛起, 上次係永安有見個一個專用掛麵的架, 是膠做賣二百幾.
捨不得花二百幾買個塑膠所以無買. 在家搵一搵有個考焗微波爐送的架, 覺得合適於是用了. 如果真是找不到的話, 我想我會用衣架掛起佢.不過因為麵條比我預期切完後長了, 所以麵條掂住枱到一個小時已經乾透, 好啦可以收衫啦...

不過收衫時因為已乾了, 被我整到碎開一半...

2009年8月11日星期二

又黎椰汁饅頭 - 食物處理器 + 壓麵機



剛蒸好..... 左邊有兩個已經見到下陷....



包包應該有點發過頭.

經過上次的 "虛有其表的饅頭" 後, 今次再努力跟住老公的提示 (每一次只比一點我) 真難想像會否成功. 今次除了發過夜外, 還將食譜改一改不知道會否.

鬆就鬆不過有點發過頭的感覺...... 入面見到有空位同一圈圈.

饅頭

低筋麵粉 280g

高筋 20g

椰汁 50ml

水 150ml

泡打粉 一茶匙

酵母 一茶匙

鹽 1/8 茶匙

先用食物處理器搓好麵團發了一小時, 再用壓麵機, 由 1 度開始壓每個度數壓 4-5 次, 只壓到 3 度已足夠因為不想太薄... 
(壓時要留意好果感覺有小小痴手要加手粉在壓麵機或麵皮上)發過夜 8 小時後, 捲起切開發過夜. 大火蒸 7 - 8 分鐘.


2009年8月10日星期一

意粉大變身之冷麵 - 食物處理器 + 壓麵機


上回用壓面機做了個簡單意粉後還有部份餘下來

可以怎樣處理它好呢?? 

好就按囡囡的意思作冷麵用

要簡單拌一拌又一道新菜

只需加麻醬, 豉油, 麻油, 糖, 醋後

試味後加入自己喜愛的材料拌一拌即成.

2009年8月8日星期六

超簡單自家制意大利粉 - 食物處理器 + 壓麵機



自家製的意大利..... 有得食啦....



將麵團不斷壓呀... 壓呀.....



好啦... 終於可以切啦....



一大碟意粉..... 切了的麵條記得要加麵粉否痴埋一齊又要重新黎過架啦....


買了壓麵機又係時間做一點新的攪作, 本土的製作有限, 找手工意大利粉的祺料當然是到外國的網站會或 youtube 自然會有很多做法一一展現到你眼前. 網站可以找到食譜, 想知點用壓麵機上 youtube 就一籮籮的短片睇到是如何做, 不論大師級或是一般的人介紹都一樣精彩. 包你一定可以做到.

試食後感覺新鮮的意大粉跟乾貨的感覺不一樣, 最攪笑係囡囡話不如用這個做冷麵, 好又等我試吓做, 今次的意粉分量都很多, 如果大食老公回家食應該剛好可以食完.

簡單意大利粉

麵粉 200G (今次我用了 180g 低筋+ 20g 高筋)

雞蛋 2 隻

火腿及沙樂美腸適量

- 先將麵粉及蛋混合放入食物處理器搓勻(或人手搓勻), 再醒半小時 (可放可不放)
- 將麵團分兩至三分用手壓平小許, 壓麵機上灑上一點麵粉, 放入麵團用 1 度壓 4-5 次
其間如覺得痴機要不斷灑上麵粉否則麵團會痴住機上, 再轉 2 度又壓 4 - 5 次, 再轉直至到 4-5 度即可, 再放入切麵條部份, 將麵條切開後馬上灑上麵粉, 否則又會痴在一起.
- 有時間可以將麵條風乾一下, 無的話亦不打緊 (因為兩種做法都可以).

將麵條放入大加了鹽及油的滾水中煮幾分鐘後最出, 令起油鑊加入火腿及沙樂美腸兜勻, 可加茄汁或白汁等煮一會加入意粉至汁收乾一點即可. 上碟後可加隨意加入芝士碎拌食.

2009年8月3日星期一

虛有其表的饅頭 - 食物處理器 + 壓麵機



饅頭出爐啦........ 不過得個樣



用食物處理器搓好麵團, 發了一小時.....



入蒸氣房前.....



近鏡睇清楚.... 個樣真係得....  不過食就....



睇吓入面密度咁高就知發唔夠唔得鬆軟...

今次的新賞試除了用新買回來的壓麵機之外, 同時用了食物處理搓麵團. 食譜是有所改動, 不再堅持用全椰汁, 改為一半水一半椰汁. 不過依舊是失敗作..... 因為老公到今時今日才告訴我知.... 終極發酵是要由早上發到晚上, 即時我今晚整的饅頭要到明天才可蒸, 才會有鬆軟的較果........ 今日的還是不夠鬆軟, 不過值得一讚係今日整的饅頭無之前整的見到咁多一圈圈.

饅頭

低筋麵粉 300g

椰汁 75ml

水 75ml

泡打粉 一茶匙

酵母 一茶匙

鹽 1/8 茶匙

先用食物處理器搓好麵團發了一小時, 再用壓麵機, 由 1 度開始壓每個度數壓 4-5 次, 只壓到 3 度已足夠因為不想太薄...
(壓時要留意好果感覺有小小痴手要加手粉在壓麵機或麵皮上) 之後就跟之前做過的一樣捲起發了 1 小時 (老公話應該要發起碼十至十二小時, 起碼有兩倍大, 咁咪即係同平做西包一樣) 之後用刀開一小段
大火蒸 7-8 分鐘.

2009年8月2日星期日

再度激鬼器之中種芝士包 - 食物處理器 + 焗爐



激鬼器即係激鬼器, 因為太濕會嚴重痴在容器上之外, 同時亦會捲入部份食材在捲軸芯入面, 所以中種的麵團應該不適合用食物處理器搓. 直接法因為麵團比較乾身不會有食材澎入軸芯. 不過點都好.... 如果包包在一至二天食用完, 做直接法的包包已經足夠.

雖然我心口有個勇字, 但是已決定不會再將比較濕的麵團用食物處理器搓, 以免浪費了我的食材. 食譜是之前做過的 中種芝士條.