2009年9月24日星期四

阿囡學的新樂器 - 單黃管


睇起黎細細盒的單黃管, 實際裝好後係很大支架.


你睇佢幾長......

小學時阿囡跟學校學的樂器只有笛子 (中樂), 上了中學後學校有管樂團, 阿囡當然要第一時間學, 一來在學校學比街外學的平, 二來又可以參與學校的樂團有機會參加比賽或演出. 記得讀小學時校長錯講過每年要攪一次大匯演, 可以讓小朋友所學的東西表演給大家看. 唔會浪費了小朋友所學的興趣.

 而且所學的樂器學校可以免費借出給小朋友練習. 阿囡好幸運借出的還是全新的一支單黃管, 如果一直學習的話這支單黃管會跟上阿囡好幾年啊!! 阿囡比心機學啦....
今日是囡囡參加管樂團的第一課, 學習吹 DO RE ME FA SO LA....... 由於六點半才放學, 返到入元朗已經七點所以我接囡囡一同回家. 路上囡囡興奮不停地告訴我關於上單黃管的事. 以後逢星期一/四都要接囡囡回家.... 希望囡囡可以兼顧到興趣同學習啦...

2009年9月23日星期三

烏卒卒的肉骨茶 - 高速煲


早前在超市見到肉骨茶湯包, 我念念不忘的肉骨茶, 在街見到湯包總要買一包回家試一試, 很多時買到的都太辣.... 免強只能飲一碗, 多飲一杯會有反胃的情況出現.... 這個烏卒卒的左看又右看總覺得不太像樣. 

肉骨茶

肉骨茶湯料一包

肉排一斤

連皮一整個的蒜頭 2 個

水滾將所有放入待水再次滾起後加高速煲蓋, 等標誌杆升起後轉細火 20 分鐘, 解壓後再大火滾十分鐘即成.
(如果用一般煲煲二小時即成)


電磁爐炒飯初體驗



炒呀... 炒....


之前用慣了菲姐的鑊, 就算係明火都唔會覺得熱... 因為咩材料放晒入鑊之後加
鑊轉細火就可以係廳睇一陣電視再反廚房, 煮飯好輕鬆老公仲成日見我係廳按耐不住問我是否在煮飯, 而家用電磁菲姐的鑊要長埋廚櫃底, 因為佢無電磁底所以無得用. 現在要重新炒呀... 炒呀.... 炒菜真是有點不習慣. 不過還好不是太熱真不錯.

對於電磁爐新手煮飯時要摸索一下, 好似炒飯真係要大火一點, 否則飯是做不到會跳舞的效果 (即係飯粒會在鑊彈彈下). 由於電磁爐用鑊外圍不會好似明火有溫度存在, 所以做這個炒飯不會有身水身汗的情況出現. 好啦... 比個叻佢啦.....

炒飯最緊要是什麼??
一. 飯要用冷飯 (即係放在雪櫃裡的隔夜飯)
二. 要住程用大火
三. 炒飯每種材料都要分開一次次落, 不可全部一次過落.

先燒熱鑊再加油, 將打散的蛋放入兜二兜加入冷飯, 炒勻至飯粒分明, 炒飯中途同時留意水份的蒸發後, 才加入自選一份自選的材料炒至乾身, 再加另一份材料....
最後炒至飯粒會跳舞即成.

2009年9月20日星期日

百合綠豆湯 - 排毒



簡簡單單的材料......



早前睇我的至愛免費報紙 AM730 入面一位中醫師介紹的, 可以排毒, 當然一試.... 飲這個湯不需要加調味.... 飲時應該是甜味. 可是我跟囡囡飲了都是苦的, 應該係我們中毒太深.... 所以食不到甜味.... 好遲下再煲過... 一定要飲到有甜味為止.

材料 : 百合 25 g, 綠豆 50 g, 陳皮 10g....

將材料浸水數小時, 5 碗水煮成 1.5 碗. 不用調味.

2009年9月14日星期一

阿肥搬家了....



主搬家了阿肥當然都有一個新的狗籠, 最初構思是不用籠, 可是阿肥多年來習慣係自己的空間裡, 對於只家裡這麼大的空間對於阿肥是一個新事物, 一整晚也不睡眼紅紅咁. 好了到最後還是比個屬於阿肥的天地好了. 你睇下佢幾自在新家好大, 我形容新籠是豪宅. 打橫瞓又得打直又得..... 得左.... 

2009年9月12日星期六

大家好驚的炒魷魚 (咸酸菜炒魷魚)


其實好耐之前都試過做, 不過做出來水汪汪面味道不對, 早前睇了跟阿 SO 煮原來說穿了是這麼簡單易做. 雖然現在已經是秋天, 可是中午的天氣還是一樣的熱, 做這個菜醒胃一吓真不錯.... 味道非常好. 

買了魷魚差一斤多一點, 老公仍未放工, 今晚只有我和囡囡撐枱腳..... 全部煮了算吧.... 海鮮留過夜不太好. 者知這味菜食到我們停不了口... 所以今菜的餸已經沽清.... 囡囡還叫我平時多煮這個菜. 不過食這菜的味道反而令我想起, 上店子食飯是的咸酸好好味.... 又引發了我想自己制開胃小食. 好再買回來試.

咸酸菜炒魷魚

魷魚 三條 (比手掌大一點) 約一斤重

咸酸菜半個




醃料 : 生粉, 胡椒粉


先將魷魚洗淨切條狀用醃料醃一下, 咸酸菜用水洗淨浸一浸, 切條如魷魚大小, 加入大量的糖醃一醃.

起油鑊爆香薑片, 加入魷魚爆炒至開始見魷魚呈白色取出 (不過煮熟透), 再將咸酸菜連碟兩的水(醃糖時有水出) 落鑊爆一爆加入魷魚兜勻加蓋煮一煮, 收汁一點汁試味即成.


2009年9月10日星期四

清保涼湯水



因為忙搬定的事湯已經無煲了一段時間

搬到新居開始發覺個人好乾

而且現在已經是秋天係時候要僬一些清閏的湯或湯

不知道煲什麼好

問一問網友多謝網友 Caryfox 提意煲這個清保涼湯水

在藥材舖執了一包清保涼

浸一浸才煲

煲材料軟身加片糖即可

簡單又方便

順度多用一點新的電磁爐

因為 7 日內有壞包換.

失蹤了一陣時間.... 原來是搬了家...


最近忙得不可開交...... 搬家實在是一件痛苦的事. 執屋用了個多星期時間, 直到搬家前的一日還有很多東西還是沒有帶走. 好在我家的萬能博士可以放一星期假, 這兩天還在假中可以做家裡的事及回舊居執手尾.

很多人都話農曆七月不合搬家, 怕會有事發生, 我想不用我多講已經知我所提及的是什麼. 其實一樣是可以的, 去紙扎舖問下有什麼日子就可以. 在新居已經過了幾天, 村屋除了有狗吠聲外, 真係特別靈靜而且舒服, 晚上在天台特別涼快, 難怪很多人會在天台上加建玻璃房, 一邊可以在這工作, 另一邊可以享受清勁涼風.

被迫要用的電磁爐, 因為廚櫃下面有門亦沒有位可以放石油氣樽, 所以選了電磁爐, 原本構思是買一個單頭, 試一下效果才決定是否買多一個單頭或裝石油氣, 不過萬能博士怕麻要我買雙頭, 好啦.... 順一下萬能博士意啦.....