2009年10月31日星期六

老外香料炆牛展 - 高速煲




做好啦....


做起切開.... 用新手機影好似爆光咁.... 

本來一心想做五香牛展, 忘記上次用了包五香粉, 唯有亂作一通炆個牛展好了.  之前在凍肉舖買了包巴西牛展放雪櫃, 昨日係冷藏格見到才醒起是上次買回來備用. 好取出解凍. 我第一次做牛展當我打開包裝後見牛展長條外型瘦削, 心想平食的牛展切開一片片係圓型, 點解我的牛展會是又長又瘦的. 唔通因為係急凍貨所以唔同. 唔理三七廿一照整. 做好打開高速煲後, 我的圓圓碌碌牛展返黎啦. 我真係大鄉里一名.

超淋.... 味道亦不錯.

老外香料炆牛展 - 高速煲

牛展兩條

薑二片

汁料 : 玉桂粉 / 小茴香粉 / 大茴香粉 / 豉油 / 冰糖 / 水

將牛展原條洗淨出水備用(不用切),  將汁料煮滾放入原條牛展待汁料再滾起試味, 以不太咸為準, 加高速煲蓋待高速煲上鎖後, 轉細火三十分鐘, 待排氣後再將汁料滾至濃一點, 取出牛展切片上碟.

2009年10月25日星期日

碎窗簾布再變成窗簾布



完成之後才發現好似對到花咁......



買了很久的小玩具終於開齋..... 將碎布車一車.....


廚房的窗是向正正東, 太陽伯伯每日開工時總會照亮我家的廚房, 所以隨手取了之前係的一件廚房抹布掛掛抵擋太陽光照射住我的醬料. 終於等到放假可以做平時無機會做的事.....

上次買現成窗簾布時改短有餘布, 店舖一併將剪出的布交回, 掉了很像有點浪費, 所以放埋一旁....現在想起布料是有遮光布, 可以掛在廚房用.

好馬上找回衣車仔! 弄一弄馬上成為廚房用的窗簾布. 上面好像是對了花, 其實我車的時候是沒有留意圖案, 只是想車好可以遮一遮這個位可以了.

改良的甜腸仔包 - 光波爐 / 食物處理器



今次用光波爐焗包



用光波爐焗的包底會係白雪雪 (廚寶除外)...

話說中秋八月十五當日在家的天台 BBQ 買了很廚師腸 BBQ, 不知道是否很久沒有食過.... BBQ 完之後發覺味道好咸, 屋人兩口同聲話我熱氣. 我自己又不覺得熱氣. 好上次做包時將餘下的腸做了包包, 食時同樣很咸. 於是上網問大家, 果然不是我有問題, 係腸仔的問題. 今次買另一牌子的蜜糖腸, 又將咸包底換了甜包底. 今次應該不會再有差了.

今次再用火波焗包是因為早前網友有疑問, 反正包已做好就請光波出動讓為我焗包. 甜麵包底的食譜可參考 椰茸檳 第一次發考完成分割靜置 10 分鐘, 再將麵團搓成長條再卷在腸仔身上, 再發酵至 1.5 倍大, 入爐前搽上蛋汁,  180 度焗 15-20 分鐘

2009年10月18日星期日

風乾雞肉乾 - 光波萬能煮食鍋 (光波爐)



阿肥的小食已食光光, 再做風乾雞肉比阿肥食先. 在街市的凍肉舖買了一包雞柳, 昨日預先放在雪櫃普通格解凍, 今早取出洗淨雞柳放架上隔水, 再將雞柳一開二或三, 再放架上之後出了街幾小時後回家, 發現雞肉已經變成好乾身, 可能今天天氣乾燥所以風乾了一部份.

跟上次一樣自制多層架放了三層, 用光波爐的焗乾制 70 度光了兩小時, 先用筷子插在爐蓋與玻璃兜之間, 跟光波爐出現隙縫好讓水份可以蒸發. 個半小時將筷子取出蓋好蓋子. 因為當時食晚飯中, 所以實際可能不需要兩小時應該可以做好. 今次又有新發現慳回不小時間.

2009年10月16日星期五

CC 小老師的木糠蛋糕


今日跟左係 Family Paradise 貼出黎片做.... 其實好簡單... 不過就係成日無材料.....
無杯無得做... 今次跟住做, 不過餅唔夠碎... 下次再整好 d 靚 d.



材料用量 :

淡忌簾 1 盒 200ml

消化餅 9 片壓碎越砰越好

練奶 1-3/4 大匙

先將淡忌簾打至濕性發泡, 再拌入練奶攪勻. 先再杯底放一層 cream 再放一層餅碎如是者至杯頂, 再放入雪櫃雪凍即成.

試食後非常好味又易做, 不過今次餅壓得不夠碎, 所以做出來層次不狩好, 下次再做時一定要壓得更砰, 出來效果應該會靚一點.

2009年10月12日星期一

五香豬軟骨 - 高速煲


到朋友家試過她用真空煲做的豬軟骨, 用豉油汁炆真係不錯夠淋又好食. 我有高速煲當然要試一吓做. 其實我無問朋友點做, 亂做一通只係想落五香粉應該唔錯, 走到街市雜貨舖買了一包五香粉, 便膽粗粗去試. 做法非常簡單又好味. 囡囡都食到停唔到口.....

五香豬軟骨 - 高速煲做

豬軟骨 (冷肉舖有售) 二至三包

五香粉一包



豉油

先將豬軟骨解凍洗淨後加五香粉豉油及糖醃過夜備用, 將高速煲燒熱再加冰糖煮至溶 (小心燶) 將豬軟骨放入兜勻, 再加水至肉高度不用蓋過. 再加豉油及糖 (不用太多) 可待汁料滾起試味, 不要太咸為佳. 加高速煲蓋上鎖後轉細火 15 分鐘, 待排氣後再將汁料滾一滾即成, 好味又淋的五香豬軟骨.

窗簾布



房間的遮光窗簾布



這個可以叫窗的位置係上落天台及離開屋企的樓梯位特別長

話說搬家不經不覺已有一個月, 家裡的事總是沒完沒了.  所有房的窗都是用床單及被袋掛上去頂檔, 終於一個月後才買搵到合適的窗簾布, 其實房的窗簾布可以在淘寶買, 不過沒有支付寶二來無得摸過好像不知道自己所買的料是否心目中想要的. 所以房的窗簾布我在公司工作的附近大排檔, 千萬不要誤會是食東西的大排檔, 是賣東西的大排檔見到自己喜歡的款式是現成的, 可以用掛鉤又可以用申縮桿, 而且可以改短, 價錢不太貴成交.

而廳這幅是在 yahoo 拍賣見過的二手宜家貨見價錢及長度都適合 (因為都是樓梯位所以特別長). 當我想聯絡買家發現拍買結束了, 好膽粗粗 send email 問一下買家是否出讓.... 好在買家因為太忙未有時再放上拍賣..... 好又成交.

我係咪好慳呢??

2009年10月10日星期六

芫茜皮蛋茶瓜魚片湯 - 高速煲


小時候如果喉嚨痛媽媽會煲這個湯, 

話可以清熱降火.

好啦.... 到現在家人喉嚨痛我一樣會煲這個湯.

簡單又方便, 煲的時間還會發出陣陣芫茜的香味.

材料名乎其實就是跟這個名一樣,

除魚片外所有材料放入已滾的水,

待水再滾起時加高速煲蓋待高速煲上鎖後轉細火 10 分鐘,

開蓋後大火番滾 10 分鐘即成.

2009年10月7日星期三

光波再現之味噌魚柳 - 光波萬能煮食鍋 (光波爐)


搬完之後終於執好個位比光波爐現身.... 

又可以方便快捷做晚餐, 這個可以話係超簡單零失敗.

因為簡單到你唔會相信...

就係得兩樣嘢..

魚柳還要是未完全解凍

放上味蹭高架 250 度大約 10 分鐘....

~ 完 ~

2009年10月2日星期五

三色冷麵 - 壓麵機做



成品三色冷麵


材料 : 自制的麵, 混醬及配菜

麵部份的材料可以做到六人份

這個麵不知道是否可以叫作麵... 因為沒有放入雪櫃, 昨晚開工用壓麵機做自家的麵條. 今次是用意粉的材料, 不過修改了配方, 一來低筋麵粉不夠二來想試下唔同配方有一半是高筋麵粉一半是低筋麵粉, 做出來效果不錯.

三色冷麵 - 壓麵機做

麵條部份 (可做 6 人份量):
低筋麵粉 100g

高筋麵粉 100g

雞蛋 2 隻

配菜部份 :
青瓜半條   切絲

火腿一片    切絲

雞蛋煎成蛋皮   切絲

醬汁部份 :
喼汁 小許

豉油 小許

芝麻醬 適量

麻油 小許

糖  適量
醬汁預先開好試味


麵條部份先將材料混合成團, 靜止半小時, 先將一半分量放入壓麵機由 1 開始壓到 4 每一個度數理三至四次. 其間要留意有無痴機, 如有要在機及麵皮上灑上麵粉, 壓好後一開二,  再放入切麵部份切成麵條, 記得要灑上大量的麵粉, 否則會麵條會痴在一起..... 如是者做起麵條後可以, 可以放半小時左右半乾收起放雪櫃備用.

燒熱一鍋水加油及鹽再放入麵條煮 6 分鐘試一下是否已熟, 熟去隔去水份, 加入醬汁拌勻, 再放上配菜即成.