2010年2月27日星期六

點紅點綠素菜炒麵


好耐無做過炒麵, 見 FP 的加分小菜, 好就黎簡單的素麵,順道將雪櫃入面的物品清一清. 暫時用熱水浸冬菇, 浸一浸有小小軟再切絲再浸, 可以趕及作炒麵用.

點紅點綠素菜炒麵

生麵 四個

冬菇浸軟 4-5 個

金菇 半包

木耳絲 適量

紅蘿白絲 適量

蔥 四至五棵切段 (蔥白部份同蔥身分開)

薑絲 適量

蒜蓉 適量

汁料 : 蠔油/糖/豉油/水

生麵先出水備用.

起油鑊先將薑絲爆香, 再加蔥白及蒜蓉爆香加入冬菇兜一會再
加木耳及紅蘿白絲, 紱汁料兜勻後加入已出水的生麵兜勻即可.

2010年2月21日星期日

雲喱嗱鬆餅 - 光波萬能煮食鍋(光波爐)


出爐啦.....



入爐前放六至七分滿

終於放完農曆年長假, 今年特別凍.... 得幾度, 唔出街行就便
會在家對住暖爐取暖, 好啦.... 終於亦都過了冰凍的年假. 原本
滿心歡喜想著放假在家每日做一款食物, 但係天氣冷只想在家
冬眠什麼事都做不成.

所以今晚開工做做這個鬆餅, 其實前兩天已想做, 不過家裡沒
有牛奶做不成. 今日特意買餸回家時順道買牛奶回家....

試食後口味出較甜.... 可以小放 10-20g 的糖.


雲喱嗱鬆餅 - 光波萬能煮食鍋(光波爐)

牛油 160g

糖 140g

蛋 2 個

雲喱嗱油 1 小匙

低筋麵粉 200g
泡打粉 2 小匙

牛奶 100ml

先將牛油及糖打成泥狀, 再分二次加入已打散的蛋及加入雲喱嗱油,
再分三次加入已過篩的粉類以切拌的方法混合, 最後加入牛奶攪至
順滑, 用湯匙將麵糊放入紙模內.

光波爐底架 150 度焗 25-28 分鐘.

2010年2月14日星期日

又黎唧花曲奇 (用大唧嘴) ~ 追吓唧花片段



唧出效果好好....



成品樣子討好


今次改用大唧嘴, 但係因為牛油未完全放軟, 所以唧出時比較硬身不好唧, 不過出來效果好好, 花紋比較明顯... 
光波 160 度 15 分鐘... 我用自己的蒸餸架再放烘碟上光.

這段片之前係 youtube 搵到大家可以參考一吓


2010年2月12日星期五

蘿蔔糕
































年尾又係開工整年糕、蘿蔔糕的時候, 不知何年開始做自家
制的年糕及蘿蔔糕, 只知道每到過節時各大商戶都會推出這
些應節食品, 先不講價錢平貴, 不過味道是否合意就不得而知....
每年總是聽人講好食與否就買, 當然亦未如理想. 所以慢慢開
始學做, 網上搵料試吓試吓又一年, 方法大同小二.起初做起
自己食, 到後來覺得可以做回娘家食....

蘿蔔糕 (做出四底多一點的裝 1000ml 的膠盒)

蘿白六斤 (去莖及皮五斤半多小小)

粘米粉一包

澄麵 1/4 量杯 (可加可不加, 加了糕會比較企身)

餡料 : 冬菇數隻, 蝦米大半碗, 瑤柱幾粒, 臘腸兩孖, 潤腸兩孖

先將餡料爆香加小許鹽, 薑汁及酒備用

蘿白我用機刨絲, 刨蓉或手切均可, 起油鑊將蘿蔔兜勻加小許
鹽及冰糖, 再將餡料加入煮至蘿蔔變透明.

轉細火或熄火將粉分數次逐小加入用筷子攪勻後, 再開小火
用鑊摌兜勻至傑身, 放入已搽油的糕盤內, 表面用飯穀撫平.

燒熱一鍋水後放入蘿蔔糕大火蒸四十五分鐘用竹籤插入糕身
查看有否糕粉粘住, 沒有即成.

2010年2月8日星期一

再戰唧花曲架


包得靚靚可以送比人



今次試左用唔同唧嘴唧出黎... 好好玩


今次唧得大粒左出黎效果好好.



牛油打用慢速打到好似 cream 咁...

上次做得唔好食譜還是跟上一樣

今次係網上搵片睇

再加上參考別人的 blog 得出小小心得

就係唧嘴要夠大

超大個才可以唧出靚的型狀

焗的時候可以 keep 型狀

其實今日去過公司附近的一間烘焙店

我見到有超大個, 但是心想點解咁大個

就會唧出超大個, 後來再睇片發現人家係用超大個的..... 

好啦... 明天再去多次買個超大個再做一次

另外就係要用手將麵粉及牛油混合....

2010年2月7日星期日

年糕




早前跟網友傾計時講起年糕, 每年我都會自己做年糕, 蘿蔔糕一來過節食品街買比較貴, 二來自己做感覺真材實料, 一家做三家受惠都無錯哦. 今次跟網友大姨媽的食譜, 出來真係不錯.....

椰汁年糕(兩底)食譜(網友大姨媽的食譜):

材料:

1. 糯米粉一包
2. 片糖一包(一斤裝)
3. 澄麵兩湯匙
4. 油 一湯匙
5. 大椰漿一罐
6. 水兩飯碗

做法:

1. 預備一個較深的湯碗。

2. 將兩飯碗水+片糖煮溶, 離火待冷卻。

3. 將椰漿+油放入冷卻糖水內拌勻。

4. 糯米粉+澄麵放入糖水內, 攪拌至極勻, 用篩過濾粉漿2次 (可使粉漿幼滑)

5. 將粉漿分別倒入兩個鍚紙盆內, 蒸1小時, 用竹簽插入, 沒有粉漿痴住代表熟透, 如有粉漿痴住竹簽, 再蒸15-20分鐘。



(若不喜歡椰汁, 可加多兩飯碗水代替)

(沒有澄麵, 可改用粟粉或省略不用)

2010年2月5日星期五

鬆化唧花曲奇 - 牛油味


好耐好耐都無做唧花曲奇, 今次又為參加 FP 的加分小菜做唧花, 順度用了上次在美亞開倉的唧花袋. 花唧得唔靚因為隨唧袋附送的唧嘴太細小, 這個唧嘴應該用係做裝飾的唧 CREAM 上比較合適, 另一個原因是因為我太貪心入得太多麵糊, 一大袋時手不太夠力唧, 反之到唧到一半感覺夠力唧, 下次試試放小一點麵糊同轉個大的唧嘴會比較好.

食後味道鬆花同街買的 x 罐有得揮, 可借係唧嘴太細, 要去買個口大一點, 唧出黎會靚一點.

唧花牛油曲奇 (網友彭豬的食譜)

大公司牛油 200G (原食譜為金桶牛油)
糖霜 50G
低筋麵粉 150G
木薯粟粉(泰國生粉) 50G (原食譜為粟粉)

先將牛油及糖霜打至淡色, 再加入已過篩的低筋麵粉及粟粉, 拌勻後入唧袋, 按照自己喜好唧出花樣.
放入已預熱150 度的焗爐焗 12 分鐘左右即成

2010年2月3日星期三

黑椒紅燒汁豬扒 - 光波萬能煮食鍋(光波爐)



上次係超市蠔油時送了支紅燒汁, 不過其實味道麻麻, 所以都係唸住快一點用完, 今次唔燘試下醃完光一光佢, 看看效果如何.  光完效果不錯, 一碟被家人食光光......

紅燒汁豬扒 - 光波萬能煮食鍋(光波爐)

豬扒三大件

紅燒汁 適量

豉油 小許

粟粉 小許

油 小許

黑胡椒小許

將醃料醃豬扒半小時以上.

高架 220 度 8 分鐘反面 5 分鐘即成

2010年2月1日星期一

煎蝦碌



早前係超市買了盒特價虎蝦, 三十幾蚊有 8 大隻, 又平又大隻買黎試下, 問過網友意見都係煎蝦碌好了, 因為怕蒸會唔好食. 好啦..... 煮我生平第一次的煎蝦碌啦.... 

煎蝦碌

虎蝦 8 大隻

蔥花 適量

薑片 適量

汁料 : 茄汁 / 豉油 / 糖

燒熱油爆香薑片鑊加入虎蝦煎至兩面金黃後起鑊, 再將汁料煮滾後將虎回鑊煮至汁料收乾加入蔥花即成