洋蔥包 - 象印麵包機

密度比起普通麵包及柔軟麵包入面比較有質感

焗好後成個光頭仔咁.... 好可愛!!

終於試了跟機食譜入面 "堅實" 麵包程式

初時都有點擔心做出來是會硬

但原做出來的包包一樣柔軟不過密度就比較高

因為麵粉同水分量比起普通麵包用為多

我比較喜歡這個密度的包包..... 

燒雞軟骨 - 萬能光波煮食鍋(光波爐)

上次見過網友整燒軟骨, 昨天在凍肉舖見到買來試下, 原來
只需要用簡單調味已經好好味......

有脆口感覺, 其實唔點醬汁亦可以好好味. 真不錯哦.....

燒雞軟骨

雞軟骨半包

醃料 : 豉油, 糖

將雞軟骨洗淨隔去水份, 用醃料醃大半日,
光波爐高架 230 度 10 分鐘, 反面光 3 分鐘即成.

蜜糖豆炒黑豚肉

今日收到通知幫囡囡報名的羽翼訓練班已經抽籤中了, 暑假
可以去玩...... 

天氣悶熱多食一些瓜豆補充一下水份......
蜜糖豆炒黑豚肉

蜜糖豆半斤

黑豚肉適量

蒜頭切碎

薑片切碎

蠔油小許

醃料 :豉油(用小量即可), 糖, 生粉

- 先將黑豚肉用醃料醃半小時以上
- 蜜糖到去豆尾及兩側根.
- 起油鑊爆黑豚肉, 8 分熟起出
- 另加薑及蒜粒爆香加入蜜糖豆兜勻, 再加小許水加蓋焗至半熟,
再加入黑豚肉兜勻, 再小許蠔油收乾小許汁料即成.

橄欖形酥香麵包 - 象印麵包機

壓成長條再卷起壓爛尾部收口再揉成欖型

入爐前唧上酥油麵糊

出爐啦...... 有部份表面裝飾溶了.....

今日要介紹一下我的麵包啟蒙老師 - 孟兆慶老師, 她是一
位在台灣在各大小電視台上教西式點心的老師還有出了很
多食譜. 多年前睇台灣節目時被她深深吸引住. 引發起我做
包包的意慾.

橄欖形酥香麵包 (做 12 個分量)

蛋 半個



水 180ml

高筋麵粉 300g

低筋麵粉 20g

糖 45g

鹽 1/4 小匙

酵母 1 茶匙

芝士粉 7 g

無鹽牛油 30g

老麵 50g (原食譜是沒有)

油酥麵糊 : 牛油 60g, 糖粉 47g, 低筋粉 23g (將已軟化牛油

加糖打至鬆軟再加低筋麵粉混合放入唧花袋/紙筒備用)

除油酥麵糊外, 將所有材料放入麵包機按 mode selet 再
dough setting 即可搓麵團發酵 (如果用手做的話除牛油外將
所有材料混合搓揉成團再加入牛油搓揉至表面光滑及出薄
膜及進行發酵至兩陪大
發好的麵團拍扁排氣分成 12 分, 搓圓鬆弛 10 分鐘
整型後再進行終極發酵至1.5-2陪大
表面掃上蛋汁, 再唧上油酥麵糊
入預熱焗爐 180 度 20 分鐘

食譜來源 : 100道面包

紅酒燴牛尾 - 高速煲

老公很鐘意食牛尾

每次係超市/凍肉舖見到牛尾一定要買

一時間想唔起要咩材料煮

只記得紅酒

隨便加些原粒蒜頭

乾蔥頭

再加小許糖好了

高速煲上鎖後 45 分鐘即成.

老麵

上次提過我追求的方包原來加係要加老麵, 上次算時無心插

柳之下沒有準備, 所以食譜欠奉, 有網友問起老麵係點做.... 

方法跟包包的麵團差不多, 只是食譜入面是沒有油及小糖.
老麵

高筋麵粉 200g

溫水 120g

酵母 3g

鹽 3g

糖 3g

做跟做普通麵包一樣, 搓揉成光滑麵團再完成發酵即成.

如果是留第二天用可以發酵一半時間再壓扁放氣, 分成數
分 50g 一分, 用保鮮分別包好放冰格, 用時取出解凍.



食譜來源 : 專業麵包制作

吞拿魚包 - 象印麵包機

- 將分割好的麵團壓成圓型再加入已混入沙律醬的吞拿魚

- 包成餃子狀一定要壓實收口位, 再略略用手碌碌整型做終極發酵

- 用入爐紙卷起成尖筒狀放入沙律醬, 扭實頂部再
剪開尖頂唧在已做終極發酵及搽了蛋汁的包包上.....

用了麵包機搓粉食譜用了芝麻卷包底

芝麻包

1. 高根麵粉 200g

2. 鹽 4g
3. 糖 10g
4. 奶粉 6g
5. 牛油 20g
6. 依士 3g
7.溫水 130g

蛋汁小量
芝麻適量

將材料 1-7 混合搓揉成光滑麵糰, 麵糰發酵 2-3 倍大後,
再分割開 8 等份, 鬆弛 10 分鐘。 掃上一層油在面糰上,
 將麵糰油面向上拉長拍扁, 將空氣拍出, 收尾部份稍為
收窄。 由寬的一端開始各下捲, 一邊捲一邊輕輕拉長
麵糰, 收口向下。


焗盤掃上一層油放上麵糰, 蓋上保鮮紙作最後發酵至 2
倍大, 掃上蛋汁及在表面上撤上芝麻, 預熱焗爐 200 度,
焗 12-15 分鐘, 即成又香又軟的芝麻包。

混醬汁燒豬扒 - 光波萬能煮食鍋(光波爐)

今日太累了, 還好昨天已經預算好今天菜色, 一早已經準備好,
來個混醬汁將豬扒醃一醃, 再光一光攪掂食得......

混醬汁燒豬扒

豬扒兩件 (拍鬆)

西蘭花切一朵朵

混醬汁 : 豉油/hp 汁/ok 汁/糖

將豬扒用混醬汁醃過夜...... 光之前再另外用 1 份 ok 汁 1 份
hp 汁混合再搽上豬扒後放光波爐 240 度 12 分鐘, 反面再光
8 分鐘即成.

芝麻卷 - 象印麵包機

- 用麵粉棍壓平成這個型狀再搽油      - 從寬的那邊卷到窄邊卷邊拉



- 終極發酵後搽蛋汁及曬上芝麻

用麵包機搓粉, 之後無偷懶用麵粉棍壓平麵團做整型, 出來賣相比較好.

芝麻卷食譜

蜜糖方包(加入老麵) - 象印麵包機

 今次發到呢..... 哈哈....

睇下佢幾高......

呢個包包內部組織好好.....

又試新嘢原來我一直追求既方包原來就係咁簡單就係老麵, 

我實在太失敗, 一直以來學做包包很小見到人用老麵或教人

就老麵, 而書上用老麵既只是教做法包時會用到. 所以從來

都沒有試過用老麵. 早前試做一盤, 跟平常做麵包情況差不

多, 材料入面是沒有加牛油, 一樣要發酵, 完成後放氣跟住分

成細細份用保鮮紙包起放於冷格冷藏, 用時取出解凍即可. 

這樣可以一次過做幾份, 儲存比起湯種方便.

不過今次呢我太懶, 我跟機分量再加老麵, 實際應該係要減去

主食材分量, 而家變相放多了材料做包, 所以大家應該見到包

包焗時其實已經發上蓋的玻璃頂上....哈哈.... 又一失敗之作.....

今次食譜欠奉.... 等我計準分量再同大家分享.

湯種洋蔥包 - 象印麵包機

又開始蠢蠢欲動攪攪陣..... 自己加想像的東西入麵包裡面, 

湯種再加洋蔥粉, 唔知出來味道同麵包內部組織如何. 不過

想試就試...... 對於湯種係點連我自己亦摸不著頭顱, 從未見

人做過係點型狀, 只睇了文字又再試做.... 不知道會否失敗

還是要試一試.....

昨晚放好材料, 今早起床又一室芳香既洋蔥麵包味道...... 

包包從麵包機取出時, 感覺很柔軟, 落小半匙酵母出來外型

好了很多, 沒有之前發到上天的感覺.... 包包太軟好難切...... 

食時洋蔥味好像不足, 下次可以多放一點....

湯種洋蔥包

湯種部份 :

麵粉 1 湯匙
水 4 湯匙

麵包部份 :
水 2/3 杯
麵粉兩杯 (約150-160g 重)
糖 1-1/2 匙
奶粉 1-1/2 匙
鹽 1/2 匙
牛油  1 湯匙
酵母 1 茶匙 (今次我落了半茶匙, 因為新買回來不知可故總覺得發得太高放小一點)
洋蔥粉 1 茶匙

湯種部份 :
麵粉 1
份對水 4 份
將麵粉及水放入小鍋內攪勻後再加熱, 一邊煮一邊攪至見到見到麵糊有紋, 而且起糊狀馬上離火及將小鍋移開爐頭, 放在清涼地方再攪拌一分鐘左右即成.
取出放入電內, 馬上用保鮮紙封面, 保鮮紙要貼在湯種麵糊上, 待湯種麵糊放凍後即可以使用..... 
可以一次多小小放雪櫃, 如果存起的湯種變色就不能使用.

先放水再放湯種之後順序放麵包機預設時間等食......

七彩菠蘿牛柳粒

夏天用生果入餸, 酸酸甜甜特別開胃, 雖然今次是用罐頭菠蘿,
但都好好味加埋三色椒賣相不錯....... 最快掃清就是這碟餸......

七彩菠蘿牛柳粒

牛柳粒適量

三色椒小許切件

菠蘿 (罐頭用了三圈)

醃料 : 豉油, 糖, 生粉

獻汁 : 罐頭菠蘿水細半碗, 糖及豉油小許, 生粉小許

將牛柳粒用醃料醃半小時, 起油鑊爆一爆三色椒取出, 再爆一爆
牛柳粒至半熟, 加入三色椒, 菠蘿快炒, 再加獻汁埋獻即成.

提子包 - 象印麵包機

昨晚出爐外觀不錯

麵包不能焗馬上食, 要待放涼才可以食...  內部組織不錯.


試下整提子包, 看看效果如何..... 包包仍然高大威猛, 下次可以放小一點酵包, 佢在太高頂到上頂, 倒出來時同手挽有點糾纏不清.

昨晚出爐太夜了, 所以今早起床後馬上去切包包,
提子分佈算得上平均, 包包很較熟, 除了有提子味還有陣陣肉桂的香味.


提子包

水 2/3 杯

高筋麵粉 2 杯 (跟機杯約 150-160g 一杯)

糖 1-1/2湯匙

奶粉 1-1/2 湯匙

鹽 1/2 茶匙

肉桂粉 1/2 茶匙

牛油 1 湯匙

酵母 1 茶匙

提子乾 1/2 杯

以上材料除提子乾外順序放入麵包機, 選 mode select 再選 regalur 再選 start

待麵包機發出咇咇聲再加入提子乾, 3個半小時左右就有包食.....

蝦仁炒蛋

幾日前已經想去超市, 但是因為工作忙遲了回家一直都未
有時間, 今日終於可以有時去超市走一圈, 為了參與
Family Paradise 加分小菜買了一包急凍蝦, 做個炒蛋. 又想買
椶, 不過唔知買那一隻比較好. 本來可以自己包, 不過又係無
時間, 還是買現成的算了, 大家有咩好介紹記得話我知.

蝦仁炒蛋

急凍蝦一包 (先解凍出水至半熟)

蛋四隻 (打散加入小許油及豉油)

蔥花適量

- 先將以上材料混合

- 起油鑊要多放一點, 將所有材料加入, 略炒至雞蛋熟即成.

白麵包 - 象印麵包機

出爐啦.... 終於焗完係超出個兜的高度......

睇下佢幾高大威猛......
唉.... 我發覺我有一點遲鈍, 連咁基本的事一點也擦覺不到, 

我的酵母已死了過了這麼多天才發現, 未知你們有沒有發現. 

自從用了新麵包機後, 我一直都懷疑是否部有問題, 為何人

家做出來的包包高大威猛, 我的呢好似發育不良, 永遠都長

不高. 跟網友講起才意識到是酵母死左, 好就讓我來為已死的

酵母默哀一分鐘............................................................................

昨日午飯時間去了烘焙店買了新碟母, 大家睇下出黎幾靚仔, 

而且仲很柔軟. "機神呀.... 機神呀.... 係我錯怪了你, 你有怪莫

怪細路女唔識世界...."

白麵包 - 象印麵包機跟機食譜

水 2/3 杯

高筋麵粉 2 杯 (跟機杯約 150-160g 重)

1-1/2 湯匙糖
1-1/2
湯奶粉

牛油 1 湯匙

酵母 1 茶匙

順序放入去麵包機, 禁 mode select key 選 basic bread rgular 再禁 time 上下制預設完成時間禁 start 即可以預教做好麵包的時間. 如果即時制作則可省略禁 time 設定時間.

溫馨提原 :
1. 一早起床便會有香噴噴的麵包食, 記住麵包最小放涼半小時才可以進食.

2. 千其唔好好似我咁蠢酵母死了還不醒覺.....

鹽燒青魚 - 光波萬能煮食鍋 (光波爐)

係吉之島見到有劏好洗乾的青魚買來試下, 簡單的用鹽燒
方法.... 用光波爐光一光就攪掂又唔會有油煙......

鹽燒青魚 - 光波萬能煮食鍋 (光波爐)

材料 :

青魚

胡椒粉小許

油

海鹽 小許

將青魚用胡椒粉醃一醃, 入爐前用及連油搽滿魚身, 光波爐
高架 250 度 7 分鐘反面再光 3 分鐘即成.

麥包 - 象印麵包

總覺得這個麵包機每一次焗好包包的樣子總是一樣, 包包面

是圓碌碌很可愛, 對宅有點愛不惜手. 還未試完跟機食譜, 還

有就是老的量杯, 比標準量杯分量是不同每次做包包前都想

磅一磅分量, 但每次不是忙著煮飯就是忙著什麼完全沒有去

磅一磅的衝動.  所以我到現在都不太想寫食譜, 以免引導別

人錯誤, 好下次.... 下次一定量一量....