2011年2月19日星期六

麵包糠




打完放入保鮮袋或密寶盒存起
如果係超市買一盒都要差不多八至九元






將麵包皮切粒放焗盤
入已預熱焗爐 100 度焗 30 分鐘左右
如果未乾透再加時焗
焗起後放涼
可以留起大粒既麵包粒放入沙律伴食




將已放涼的麵包粒
放入食物處理器打碎即可

P.S. 如沒有食物處理器麵包粒要切細一點,
完成烘乾後用菜刀背或麵粉棒壓碎即可.


唔知大家食麵包食唔食麵包皮, 其實我食又得唔食又得. 囡囡不過嬲食嘢比較慢, 如果早上食方包的話會食得很慢. 所以通常都你去皮, 如果掉去有點浪費. 記得小時候媽媽都會將麵皮波糖水食. 記得阿 so 教過麵包煮法, 麵包皮頭尾可以做到, 但係已切開既邊位細小都唔知有咩可以用, 終於想到一樣嘢就係麵包糠, 方法都很簡單. 

2011年2月15日星期二

柚子骨






又炸...... 其實我無心炸佢架,

只係想一想整柚子骨見炸爐仲有油係度未處理,

唔好浪費爐入面的油,

好醃一醃上粉就炸一炸.....做法非常簡單,

今次真係覺得好方便.


做法很簡單, 排骨用豉油/糖/油醃一醃,

再粘上生粉, 將排骨炸至熟透,

將柚子蜜二湯匙加大半碗水慢火煮滾,

將炸好既排骨回鑊炒勻即可上碟.


2011年2月12日星期六

炸雞塊 Chicken Nugget




炸起個樣都有小小似麥噹噹雞塊


用刀割開小小一推起根



攪起似感覺似鯪魚肉


搓成球狀再粘上麵包糠壓一壓



炸爐一次放四粒炸


曾經承諾做個炸雞塊(近似麥噹噹的), 不過一直都無開火炸嘢, 而家有炸爐就要做無得再拖. 其實很簡單, 係多年前睇收費電視時學, 材料非常簡單, 只是要花上一點功夫去做. 不過食譜已經遺失了, 所以都係大約記起做未知是否一樣.

炸雞塊 - 8 件分量

雞柳三條約 130 gsm

細洋蔥 1/4 一個 <--- 如不喜歡可不加

雞蛋半個

幼鹽 1/2 茶匙

胡椒粉/黑胡椒粉  適量

麵包糠 二湯匙
  

先將雞柳起根, 將洋蔥切粒再用食物處理器打至蓉 (或用手啄), 再加入鹽及胡椒粉再加入麵包糠二湯匙攪勻, 完成後取出用手同一方向攪幾下 (乾濕度感覺有鯪魚肉), 再撻幾下放入雪櫃雪半小時.

雪完後, 雙手帶點濕或搽小小油上手上, 再取一小球搓圓粘上麵包糠壓扁成小於 1 cm 高度備用.

炸爐 160-170 之間炸至金黃即可.

2011年2月9日星期三

炸芋蝦


一座芋蝦山


切片後刨絲


撈好調味 (鹽/糖/糊椒粉/五香粉/芝麻/芫茜/酒小許
一般食譜為糯米粉屋企無用泰國生粉代替)

取一小撮芋絲及芫茜放入打邊爐用的籬再加一個籬上面


夾好既芋蝦放入炸爐 170 度炸

待定型後可以脫去籬再炸


還放緊新年假的我, 終於可以一賞整芋蝦的情意結, 好耐之前如奶奶住個時, 記得差不多十年前過年時奶奶買過一包回家食, 試過之後真係好好食, 但是售價亦不便宜差不大約要廿三十元一包入面都十粒八粒. 不過好好食. 但是覺得芋頭值多小錢, 只係做法要花一點功夫, 但係原來可以咁簡單.

還有要特別鳴謝網友 : 紅紅, 係佢推動我買個炸爐一賞炸物的過引之處. 我都鐘意食炸物但係因為怕開油鑊所以一直都很小炸嘢. 而家有左佢我可以隨時炸都很方便. 

2011年2月8日星期二

迷你電炸爐/炸鍋



見到網友紅紅用電炸鍋做芋蝦, 令到我又一次心動,
 新年有利是錢要身痕一下. 昨日買了戲飛今早去睇早場,
 之後同囡囡出去行街, 跟住食午飯, 
再行街行呀行一路上見到有電器舖去走一走, 
睇完又睇、睇完又睇, 最後揀了這款又平內鍋算得上大小合適. 

買完馬上走人, 回家時經過超市買了包咖哩角試機.

八分鐘左右已經加熱至合適油溫, 炸一炸攪掂,


 油煙亦唔多炸出來的食物很脆口. 百多元一個炸鍋算得上抵玩.


2011年2月6日星期日

水仙花


過年時大部份人會為家裡添置一點年花, 記得小時候家裡會在過年前買一點劍蘭, 到娘家搬家後爸爸總會買一棵小小的桃花回家插...... 到我跟先生有了自己一個家後就會買水仙/桔仔回家.... 今年破天荒地買了一盒水仙頭回家浸.

雖然我唔清楚做法是否正確, 不過應該做對了, 買回來時就如左上的圖一樣有泥同衣包著, 這時要好好跟水仙大反身 - 除泥、除衣及再睇睇有部份地方需要幫它界開一點再浸水, 浸了大約一個多小時後再放上水仙盤浸根部.

每天都換一換水再檢查一下是否要再界開水仙頭一點, 一個多星期過去見到葉子生得不錯, 慢慢到了年廿九開了第一粒花 (圖右下), 好合時年初一就開了更多花, 好開心第一次浸好成功.

2011年2月5日星期六

蛋碎鮮果沙律



過年食得太多年糕、蘿白糕

黎個清新既早餐

雞蛋、士多啤梨、奇異果、香蕉、

生菜碎、加烘乾麵包碎

撈小許蛋黃醬即成.