2011年3月30日星期三

蔥花煙肉火腿卷 - 象印麵包機






將麵團壓成長條再放上餡料
卷起後一間切開半切時要留底
部不可以切段



卷起放好入模進行第二次發酵

又係時間要做下手工麵包, 剛好要清一清雪櫃既物資, 網友都會叫做廚餘. 今次加多一樣材料煙肉. 今日我又改人地食譜, 人家做中種, 無時間改左做直接法, 人地賣
相是有點像排包, 我就卷起算了吧~~~

蔥花煙肉火腿卷 

蛋 30 g

奶 60 g

水 30g

商筋麵粉 210g

奶粉 8g

糖 15 g

鹽 2g

酵母一茶匙

餡料 :
蔥一棵切粒加小小鹽、糊椒粉及麻油醃一醃
火腿一片切粒
煙肉一條半切粒

順序將材料放入麵包機 (牛油除外) 亦可用手搓, 發酵成 2-2.5 倍大, 再壓平放氣分割成 6 份滾圓鬆弛 10-15 分鐘, 整形後再做第二發酵至 2-2.5 倍大表面掃上蛋汁及灑上芝麻, 放入已預熱 180 度焗爐內焗 25 分鐘

白麵包 - 象印麵包機



放好材料入麵包機後開機
用software程式做


搓完第一次後準備發酵


第一次發酵完成



發酵完第一次後麵包機聽到小小聲攪了兩三下



發酵完第二次後麵包機又攪了兩三下
見到側埋一邊好想推回中間
但係為左同網友比較做出後係咪一樣所以忍手



終極發酵完成後


叮~~~ 出爐啦~~~



得軟尺係手度照度約 14 cm 高



樣子跟平常做的差不多


跟網友一起做最通的白麵包
睇下大家做出的麵包樣子是否一樣
包包還是即做好過用 timer
不過如果沒有時間當然 timer 係最好既選擇
  

2011年3月28日星期一

梅菜炆豬腩肉



老抽唔夠多顏色唔夠深

不過味道唔錯

梅菜用鹽水浸十五分鐘後再加糖醃一醃

豬腩肉洗淨抹乾水

燒熱白鑊後將豬腩肉煎至兩面金黃

加水, 老抽及梅菜

汁料滾起後中慢火蚊至腩肉淋約半小時即成

蒜蓉炒羅馬生菜








前幾個星期係街市搵到一個檔菜, 


聽說是菜檔自家種, 

試了兩星期發覺菜檔賣的菜非常新鮮, 

白菜放冰箱內一星期還能保持脆度. 

昨日去到見到羅馬生菜賣真係估佢唔到, 

買了半斤試下, 

老闆說可以生食或當佢係普通生菜一樣用蒜蓉炒即可. 

今晚試炒了脆得黎好滑好好食真係唔錯....

牛奶麵包 - 象印麵包機


嘩.... 包包好高大威猛....


今次這個包有蛋同小量奶

食味奶味唔太起眼

內部組織好似好實在

不過包包食落柔軟有質感而且包皮薄及柔軟


又再攪攪陣.....今日有時可以睇住麵包機所以膽粗粗改一改材料配搭, 很小做鮮奶包, 因為女兒不太喜愛牛奶味重的包包, 所以我將食譜奶粉量減輕了, 冰箱內有一盒已用了一大半既淡忌廉, 好放一點入去吧.


牛奶麵包

水 1/2 杯

牛奶 1/8 杯

淡忌廉  1/8 杯

大蛋 1 隻

高筋麵粉 330g

糖 2 湯匙

鹽 3/4 茶悶

牛油 2 湯匙

酵母 1 茶匙

用 Soft 程式做

2011年3月27日星期日

日式咖哩薯仔雞翼


汁料可以煮得更傑身



雞翼用小許鹽醃半小時後
煎至八分熟



將薯仔蕃茄西芹加水煮至薯仍半熟
將煎好的雞翼回鑊
再加咖哩汁(日式咖哩磚加水開溶)至薯仔熟
汁料收乾一點即成.

中種芝士條 - 象印麵包機




中種部份材料攪勻後發酵至2.5倍大






中種部份發酵好後再加入主麵團材料
由麵包機待勞搓好及發酵
分割數份滾圓鬆弛10-15分鐘後
可以做型再發酵至2.5倍大
表面搽上蛋汁加上沙律醬及芝士碎


上次買了本 "專業麵包.自家製" 因為是中種麵包, 沒有多時間去跟入面食譜做, 製作時間需比較長. 對於我這大忙人黎說是有一定難度, 所以要留待週末慢慢攪慢慢做, 一直閒置著等了又等....等了又等...... 好了.... 這本書要出山啦.....
食譜只跟書包底, 材料及做法不一

中種芝士條

中種
- 全蛋 20g
- 鮮奶 40g
- 奶粉 5g
- 高筋麵粉 70g
- 酵母半茶匙

主麵團

- 水 15g

- 糖 25g

- 高筋麵粉 50g

- 酵母半茶匙
- 鹽 1g
- 牛油 15g (放軟)

表面裝飾
蛋汁
千島沙律醬
芝士碎

預熱焗 180 度焗 25 分鐘

2011年3月26日星期六

自家制新鮮意大利麵 - 壓麵機






追加風乾意粉~~~
真係見笑有點像柴支~~~哈哈~~~



跟網友研究如何做意大利麵, 原來真正做意大利麵要有兩種粉, 一就係要有 Durum-Wheat Semilina, 另一樣就係 00 號麵粉, 當然要參考一下別人的 blog 取下經.

今日到了公司附近一定烘焙店走了一轉, 這店子亦都我常到的地方. 之前已經在這烘焙店網站上見到有做意粉既粉賣, 不過心大心細不知是否我想要既 durum-wheat semolina, 放工時走一走睇下. 哦.... 找對了, 是我想要的東西馬上比錢, 老闆亦同我閒聊起黎整意粉, 我多口問了是否要加其他粉落去, 老闆話唔需要只要加蛋及橄欖油就得. 好我跟你做一次先.....

這次只用了單一種粉, 出黎效果幾好, 不知道是否我出水時間唔夠還是汁料不太夠, 食起黎感覺是意粉不過硬身了一點.



自家制新鮮意大利麵

做意大行麵的粉 (含 durum-wheat semolina)  100g

雞蛋一隻

橄欖油一湯匙

先用匙更/筷子攪勻成碎碎 (好似蕎麵未成團之前)

之後再用手搓成團

蓋好室溫鬆弛一小時

將麵團分成一半, 一半包好以免變乾另一半用壓麵機壓麵團

由 1 度開始壓至 5 度...

其間每壓出麵皮一次需對摺再壓, 大約壓四次或表面光滑再

將度好轉至 2 如是者壓至 5 度....如果中途如麵皮壓出太長可切斷一半用濕有蓋好以免變乾

壓好後切麵條, 切好麵條加小許粉再風乾.

提子包 - 象印麵包機


哈哈.....其實唔講已經知係提子包
提子都要走佬


即做既包包真係比起 set timer 做既包包好唔同


送比囡囡今日野午餐用
我係咪太遲鈍呢而家先醒覺原來即做同 set timer
包包出黎都好唔同
即是要我唔好再懶由得材料係
部機度咁耐先開工做包


跟機食譜

2杯高筋麵粉
1.5 湯匙糖
1.5 湯匙奶粉
半茶匙鹽
半茶匙玉柱粉
1茶匙酵母

1 湯匙牛油 (待麵包機搓出粗糙麵團後加入)

1/4 葡萄乾 (待麵包機嘟嘟聲後加入)
程式 regular 麵包皮 regular

2011年3月23日星期三

蜜糖包 - 象印麵包機


比朋友仔既包包



我最喜歡既質感


朋友仔想食自家制麵包好耐, 不過我未時間抽空可以招呼她們, 好啦...好啦..... 做個包包慰藉一下其中一個朋友仔先. 因為佢住係我公司個區, 交收之餘順道一齊食個午飯.



用跟機食譜

高筋麵粉 2 杯 (約300gsm)

水 2/3 杯

蜜糖 2 湯匙

奶粉 1.5 湯匙

鹽 1/2 茶匙

即溶酵母 1 茶匙

用 regular 程式, 皮 regular


P.S. 做起比朋友, 我再 timer 預教開機做多個, 發現了一大秘密就係即做同用 timer 出黎包包係兩回事..... 即做出黎比起用 timer 好食好多.....

2011年3月22日星期二

阿麻籽麥包 - 象印麵包機


未試過用呢部麵包機做中種
出黎見到底部麵團有糊化現象出現
可能因為個中種比較濕


切開好軟熟



中種還是低溫發對我來說比較方便


近排多了網友買麵包機, 係討論區多了麵包友又再開始了起我研究麵包機既欲望,
又開始比較自己做包包以黎最喜歡既品種~~~

中種覺得軟熟好食~~~
湯種其實都好食係最軟綿綿, 但係佢好似唔係我杯茶~~~
反而麵包用老麵好似比較合適~~~

麵包第一日出爐不論用那一種方法做都會好食, 但係超過 24 小時後麵包內部開始乾燥問題便會出現, 我比較著重包包出爐過了 24 小時後的狀況. 家裡只有我同囡囡食, 如果日日做份量做得太小好難做.

食譜跟之前中種麥包做加一湯匙阿麻籽~~~

2011年3月19日星期六

士多啤梨奶昔




可能杯子是帶粉紅所以睇唔清楚奶昔顏色



打起係有小小粉紅色



記得好多年前曾經在一間賣雪糕的地方做兼職, 除了賣雪糕外, 還會賣鮮榨橙汁及奶昔. 好奇怪賣雪糕的地方有鮮榨橙汁賣, 不用深究反正鮮榨橙汁是熱的貨品.

當時學的打奶昔方法非常簡單, 就係用雪糕球加糖漿及鮮奶打起就係奶昔, 所以只要雪糕有在賣既的口味通通都可以做奶昔, 飲一杯非常飽肚.

今日見雪櫃有廚餘就攪一杯試下先, 今次用新鮮的生果做味道不錯. 飲完真係飽肚.

士多啤梨奶昔

士多啤梨 100g

鮮奶 200ml

糖漿 一湯匙

將士多啤梨浸洗後, 將所有材料放入攪拌機打大約一分鐘或材料均勻即可.

2011年3月18日星期五

麥包 - 象印麵包機





今次又攪攪陣亂改人地個食譜

有網友問我加幾個全麥麵粉

我想了一想好難解釋佢知


我用左人地堅實麵包個譜

改了 1-3/4杯高筋粉+ 1/4+1/3全麥麵包

水加夠 1 杯

同 soft 程式做

出黎都唔錯....

2011年3月10日星期四

湯種吐司




可能麵團比較濕所以出爐我既光頭仔唔見左




切開後密度都幾高又夠軟熟


其實湯種對我來講係新手, 因為個湯種係無溫度計之下真係好難攪, 很耐之前已經失敗過一次, 最近又再試仍然失敗, 心痕技癢之下網友提意買溫度先可以做得好, 好把一橫走去買溫度, 今次再整比較好, 我仍係用偷時間方法用麵包機整包, 雖然唔知算唔算成功左, 不過好好食..... 幾鐘意呢個質感, 其實都有小小似跟機既牛奶包. 係度多謝格格媽提供食譜


12兩吐司模X1

材料:
高筋粉 270g
糖 43g
鹽 4g
酵母 5g

全蛋 43g
忌廉 30g
牛奶 27g
牛奶香料 4g
湯種 92g

牛油 25g

湯種要預先做起放涼..... 1:5 ( 1 份高筋麵, 5 份水) 先攪勻再開火一邊攪一邊煮至 60 度熄火放涼備用.

麵包機揀 soft 程式, 落材料先後次序, 液體, 湯種, 高筋粉, 再放其他材料.

蒸朱古力蛋糕





昨日係免費報紙見到這個蒸既蛋糕好想試下做, 因為見到貼出來的相賣相好好見成品同焗糕不別不大, 又好似好好味好吸引我去試做. 做好甩模放涼入雪櫃.
今晚試食有一點似冷藏蛋糕味道, 而且唔太甜, 如果喜歡比較甜既朋友可以將糖增多一點.


蒸朱古力蛋糕

自發粉 80克
吉士粉 20克
雞蛋 2隻
黃糖 90克
牛油 30克
牛奶 50毫升
泡打粉
(baking powder) 10克
可可粉 10克

製作步驟
1.泡打粉用小量牛奶攪勻。
2.黃糖與蛋用打蛋器打勻。
3.自發粉、吉士粉和可可粉過篩加入。
4.牛油用熱水座溶。
5.將剩餘牛奶及溶化牛油拌勻。
6.容器用牛油紙包好,加粉漿。
7.大火隔水蒸約45分鐘。

心得分享
1.如不確定蛋糕是否已全熟,可用筷子插入測試。
2.可在蛋糕裡加入合桃。

 

2011年3月9日星期三

焦糖麵包皮


150 度光焗盤或波波爐三十分鐘烘乾麵包皮


糖白鑊慢煮溶至深啡色(小心煮燶)再加麵包皮撈勻


再灑上芝麻即成!

2011年3月6日星期日

粟米魚肚飯


先前曾經做過湯羮

這個是網友提意的改

唔會因為食左湯羹飽肚而食唔落飯

出法很簡單用薑蔥滾水再加魚肚

水再滾起時加蓋熄火焗最小一時間

待魚肚浸軟後隔去水份備用

起油鑊爆香薑申加魚肚爆炒

再加小許水落半罐粟米湯

將水份收乾一點加已打散雞蛋即成

2011年3月5日星期六

麵包布甸


忽然很想食

終於整左啦~~



簡單又快捷~~~

跟"為食貓"個譜做~~

蛋、奶及糖我沒有跟住.....

不過一樣,咁好味.