2012年7月31日星期二

Rosemary 雞亦@ 免油氣炸鍋


















今晚做雞亦來來去去都係咁醃, 今次沒有預先醃制, 所以用
個快速方法去做, 先用鹽醃不停手"拿"雞亦約一至二分鐘加快
入味再加入 Rosemary 及小許橄欖油醃 15 分鐘, 記得 Rosemary
一定要有油份才會釋出香氣來.

Airfryer 180 度 15 分鐘即成

2012年7月30日星期一

韓國泡菜炒年糕



































韓國年糕只有一碟同阿囡分唔夠飽加多個餃子用 Airfryer 快
靚正~~~

材料 :

韓國年糕
擊國泡菜
海鮮醬

先將韓國年糕出水煮至中間位差不多變淋, 格去水份再沖一
沖凍水, 起油鑊加入年糕兜一兜再加入泡菜及海鮮醬加小許
水煮至汁料收乾試味即可.

P.S. 因為囡囡只可以小辣, 加入海鮮醬可以中和一下辣度.

好友共聚



















今晚跟朋友有生日飯焗, 見昨晚做出的奶皇月餅囡囡話好食,
順道帶一點送給朋友, 今朝一早起身做個超級排包送比朋友.
其實每次做食品送朋友都有點緊張及有壓力, 好怕會失手,
所以都不會預告給朋友知, 以免大家失望. 反而讓大家都有驚
喜會更加開心.

2012年7月28日星期六

奶皇月餅


舊年過中秋時已經想試下自己做月餅,

過了中秋後買了一模一直想試做,

個模一直放在廚櫃裡,

今個夏天開始了五天工作週,

多了一點時間終於可以有多一點時間,

可以讓我做多點喜歡的事.

做月餅其實不是太難,

最主要有餡就可以變得好簡單.

Pancake



































今日終於可以試下 FB 朋友仔 Cynthia 既 PANCAKE 食譜~~
過往做的都是隨意將材料混合好待半小時後就落鑊煎, 今次這
個做不一樣, 要做分蛋法而且油量相對增加了, 出來效果非常
鬆軟好好味.

材料 : (五大塊份量)

低筋麵粉 100g
泡打粉 1/2 茶匙
蛋黃一個
奶 100ml
牛油 30g (預先加熱至溶化)
油 20g


蛋白一個
糖 20g

小許鹽

粉類過篩, 將蛋黃打散加奶,已溶化牛油及油打勻再加麵粉攪拌.
蛋白加小許鹽打至起泡再加糖打起至 8-9 成, 再將 1/3 蛋白拌入
麵糊內, 再將其餘蛋白以切拌方法加入麵糊內, 完成後放室溫一
小時後即可.
燒熱煎 pan 用廚房紙粘小許油刷上油, 用"畢"湯殼畢適量麵糊放
入煎 pan 內慢火煎至表有一個個小孔出現後再反面煎一至二分
鐘即成.

P.S. 麵糊可預早一晚做好放雪櫃.
另外因為麵糊本身比較重油分, 如果是用易潔鑊應該可以不用刷
油在鑊.

奶皇月餅



















舊年過中秋時已經想試下自己做月餅, 過了中秋後買了一模
一直想試做, 個模一直放在廚櫃裡, 今個夏天開始了五天工
作週, 多了一點時間終於可以有多一點時間可以讓我做多一
點喜歡的事. 做月餅其實不是太難, 最主要有餡就可以變得
好簡單.

香港近幾年不斷有烘焙店開張, 買材料已經比過往好買了, 而
且有配合香港的特色, 不單止有西式材料, 還有中式材料供應,
奶皇餡和蓮蓉餡都有供應.

同時又增添了不小預拌粉及材料包, 不常做或不想花時間搵材
料的話可以買現成材料包十分方便.

奶皇餡跟這裡做~~~
http://irenechanwai.mysinablog.com/index.php?op=ViewArticle&articleId=235092


至於外皮在網上都可以搵到~~~


餡跟皮比例 1:1 今次皮及餡各 25g
模子要先粘上麵粉再將皮包餡, 將麵團放入模子收口那面向自已,
在焗盤上放上焗爐紙, 將模子用小許力壓落去焗爐紙, 再放將模子
慢慢拉起即可.


放入預熱焗爐 200 度焗5分鐘至餅面上色及定型取出,打發的蛋
漿 (想脆加小許糖打發),轉至150 度焗5分鐘後再轉至 100度焗5
分鐘至金黃色即可

2012年7月26日星期四

脹爆鮮酵母牛奶湯種芝士包


















自從真正領悟到湯種的做法, 想要軟熟又好食的湯種包, 一定
跟足食譜入面, 牛奶, 蛋, 淡忌簾不能用水代, 代了就做不出驚
人既效果, 食味當然都會有不同, 牛奶, 蛋, 淡忌簾這些材料是
會在無化學劑幫助下令到包包做出來又軟又能保存包包入面
濕度. 食譜跟舊的, 只是今次沒有搽任何東西入爐.

http://catjeffcat-baking.blogspot.hk/2012/04/blog-post_8395.html

2012年7月25日星期三

三重湊朱古力 muffin



















昨日 fb 朋友仔做了這個香噴噴的朱古力蛋糕, 見到好吸引忍不住
又要跟住做, 今次只係落了果仁沒有加朱古力粒. 味道唔錯好味道
而且做法簡單不用打發只要將材料混合好就可以焗.


特別嗚謝 Jess 食譜
份量大約4至6個(視乎杯大小)
牛油(溶)40g
糖粉 40g
蛋 1隻
低筋 85g
朱古力粉 15g
泡打粉 1茶匙
塩少許
朱古力奶 70ml
** 隨意加入朱古力粒、果仁

預熱焗爐180度
以上材料混合,再篩入低筋粉
焗爐180度16至18分鐘左右.
** 因為這之紙杯比較大所以要焗 23-4 分鐘左右才焗熟.

2012年7月21日星期六

書展

















香港舉行書展咁多一直都無去過, 阿囡細個個時怕人多, 到
個囡上了中學, 覺得去又無買補充練習. 今年終於去了因為
阿囡其實一直都喜歡睇書, 所以今年準備讓囡囡一開眼界,
自己順道買點手工用品.

收獲真係豐富, 很重呢~~~~ 好在老公剛好在港島區工作完,
可以順道車我們回家~~~

2012年7月16日星期一

菠蘿咕嚕肉@ 免油氣炸鍋

















昨日見 Facebook 朋友仔做這一道菜, 不見由自可見到口水流,
想一想家裡有材料, 星期六做了 pizza 還有菠蘿在冰箱裡, 順
道可以消耗一下。

之前有用 Airfryer 做炸排骨效果好好, 今次做法上改變一下,
粘上蛋後再粘麵粉, 出來比較正宗, 以前偷懶省略了糖上蛋
漿或醃肉時加入雞蛋, 出來效果是不一樣。

材料 :

梅頭肉帶一點肥 (可用排骨) 切大粒

油 適量

鹽 適量

雞蛋 一個

麵粉 適量

三色椒 (每款 1/3 個) 切件

獻汁 : 水 2/5 碗, 茄汁 1-2 匙, 醋小許, 糖 2-3大匙, 生粉一小匙

梅頭肉洗乾淨, 切大粒由於時間關係即醃即做所以用鹽及油醃,
加入鹽後用手不停拿勻約一分鐘再醃 15 分鐘.

三色椒切件 size 跟肉粒差不多備用.

獻汁混合好備用

將排骨沾上蛋漿再上沾上麵粉

180 度預熱 Airfryer 今次差誤放在藍上所以痴網, 直接放在兜上
會比較好, 入爐 15 分鐘.

起油鑊加小許鹽放入三色椒快炒, 再加入獻汁收至傑身試味再加
入肉粒將兜勻, 最後加入菠蘿快炒兩下即成. 菠蘿不能煮太耐否
則會變酸.

2012年7月9日星期一

凍豆腐肉碎皮蛋拌西蘭花

















天氣悶熱來個凍豆腐都未錯, 凍與熱之間感覺比較易入口,
一大碟有菜有肉有豆腐好像大什會一樣, 看來份量煮得太
多, 只有我跟女兒吃好大一碟, 誰知道女兒把飯通通吃光光
後還在大口大口的吃只餘下一點點, 看來女兒對這一道菜很
對胃.

材料 :

盒裝軟豆腐一盒
肉碎適量
西蘭花一個
無鉛皮蛋一隻

醃料 : 豉油, 糖, 生粉 (味道要重一點)

獻汁 : 蠔油, 水, 生粉

豆腐取出後用凍滾水沖一沖, 再入大粒放於碟上.
西蘭花用油鹽水煮熟放在豆腐圍邊.
肉碎用醃料醃 30 分鐘以上 (味道要重一點, 因為豆腐沒有
味道) 起油獲炒散肉碎加入獻汁煮至汁傑身倒在豆腐上.
將皮蛋切碎放上即可.

2012年7月8日星期日

斑蘭戚風


















一直都想做斑蘭蛋糕, 前排終於買了斑蘭糖粉試下做蛋糕,  清
清的斑蘭味道不錯, 原來想跟包裝袋的食譜做, 不過感覺是一
個好實在的蛋糕, 還是想一想將戚風食譜改一下用斑蘭糖粉代
糖部份試一試.

材料: (6吋特高模)

蛋黃 2隻加大碼
斑蘭糖粉 20g
沙拉油 25g
25g
低筋麵粉 50g
發粉 1/2茶匙

蛋白 2隻
30g
少少

1)蛋黃加糖打發至溶

2)加油打發混合

3)加水混合, 然後分2-3次加入低粉混合好

4)另一器皿放蛋白加少少鹽, 用電動發蛋器高速打發

5)打發至變白起泡就加糖再打發, 直至蛋白膨脹至硬身, 比
cream硬少少

6)最後, 最重要, 用切拌法將蛋白加入蛋黃糊, 唔使快但要好輕手, 否則蛋白嘅空氣走哂, 做出來嘅蛋糕就唔會彈唔會軟

7)混合好就焗, 大概180C焗15-20mins, 視乎爐溫

8)焗好要倒扣, 即係將個蛋糕模凌空倒轉, 凍左脫模

可愛的眼鏡

















今日在家中執屋時找到了女兒小時候用過的眼鏡, 中間的
那對時初小時用的, 細細對而且肶位還有貓貓公仔好可愛。


時間好像過得很快, 一年又一年不經不覺女兒今年升中四,
希望女兒可以係學習更上一層樓~~~

2012年7月6日星期五

上海排骨菜飯@ 免油氣炸鍋

















晚上如果只有我跟女兒兩個的話, 晚餐就會變得好簡單, 因
為我跟女兒食的不會很多, 所以都會簡單的一碟菜跟一點
點肉已經足夠. 不得不承認在職媽媽, 有些時候某程序上是
會想偷一下懶, 我亦都喜歡個人大碟, 一人一碟分好分量 。

今日來個菜飯, 不過是不正宗的菜飯, 因為不是用大白菜, 家
裡只有小棠菜只好用它吧.

材料 :

排骨適量

醃料 : 豉油,糖,小許油, 小茴香粉 (可以用玉桂粉/五香粉)

麵粉適量

小棠菜 (正常用大白菜)

薑片 二片

做法 :

排骨用醃料醃半小時以上, 預熱 Airfryer 180 度 15分鐘, 排骨
放入 Airfryer 之前粘上麵粉.

菜飯 :
將菜洗乾淨切碎, 起油鑊爆香薑片加鹽小許再加入菜炒至
軟身取出薑片不要, 將菜取出備用.
洗好米水份比平時小一點點, 因為菜還會帶一點水份, 飯煮
至差不多熟的時間加入菜拌勻蓋好, 再等飯煲完成煮飯程
序後再焗多 10 分鐘即可.

2012年7月1日星期日

紅豆沙

















換了新的豆漿機功能比之前多, 試一下做紅豆沙出來也不
錯而且豆仔可以打到成沙, 加點糖調一下味道只要預先將
紅豆浸軟, 放入豆漿機半小時不到的時間馬上有快靚正的
道甜品出來.