2012年8月30日星期四

紙包蛋糕

好耐無做紙包蛋糕,今次跟 FB 朋友仔配方做,傳說中是
不會回縮要試一下! 又輕又軟的紙包蛋糕要食 2-3 個才可
滿足,當想到這裡很自然想起兒時媽媽經常講的一句話就
是 "食你就易雜兩雜就食完,叫你做呢就難" 其實入面有深
層次的意義。
材料:
大雞蛋 3 隻(蛋白及蛋黃分開)
麵粉 50g
粟粉 10 g
糖 48g
鮮奶或水 2 湯匙
欖油 20g
做法跟戚風一樣~~~
175 度焗 12 分鐘轉 165 度 5 分鐘再轉 160 度 合
共焗 20 分鐘

2012年8月29日星期三

椰菜煎餅


















今晚食乜餸有時煮飯真係煮到唔知煮咩好, 醒起雪櫃有個日
本椰菜可以做燒餅, 簡簡單單又一餐. 喜歡什麼餡料就用, 想
加香草都可以. 煎餅不加調味煎好加點燒汁又可, 又真係幾多
變化.

材料 :

日本椰菜半個(唔係好大)無用晒仲有小小餘下
紅蘿白 小許切絲
煙肉 小許切碎
雞蛋 2 隻
麵粉 適量

椰菜絲加小許鹽醃一陣加兩隻蛋同煙肉,再加麵粉及小小水
攪匀, 因為真係隨手落所以麵粉同水係沒份量。分六份燒熱油
鑊煎,一份份落鑊後加蓋慢慢煎至一面金黃再番面煎(一樣加蓋)
煎到差不多打開蓋再煎一陣即可!

2012年8月28日星期二

Chocolate brownies 布朗尼


















很久之前睇台灣的烹飪節目有介紹過甜點, 已經想試做過後
忘掉了, 之後買了一本甜點書入面又再見到這款點心, 一直沒
有試做. 直到係 FB 見到朋友仔做了好幾次, 今日終於提起勁
去做 Brownies.

雖說是甜點不過不是太甜而且好好味道, 送了一點給朋友試
食, 說好特別好好味~~~

食譜來源 : Shirley@原味生活

材料 : 10.5” x 7.5” 焗盤 / 12件


牛油 125G
黑朱古力 120G
朱古力 120g
砂糖 1 1/4杯
幼鹽 3/4茶匙
蛋 3隻
中筋麵粉 3/4杯
可可粉 20G

牛油, 朱古力隔水座溶後, 加入糖及聯攪至溶解, 再加入蛋攪勻
再加麵包粉至無粉粒.

焗盤放入焗爐紙, 再放入麵糊.

預熱 180 度 25 分鐘, 約 15 分鐘左右時見表面乾身用竹籤測入面帶
一點濕潤即成, 不用焗至乾身.

要完全放涼才可以切開.

2012年8月27日星期一

快要開學了























不經不覺就快要開學了, 我都要開工幫囡囡包書,
好多人都好其怪個囡都咁大個為何還在幫囡囡
包書, 我囡識包不過包得唔靚, 所以要我出馬.

2012年8月26日星期日

馬卡龍



















做過幾次馬卡龍一直都做得好, 上次到烘焙店走了一圈見到
有預拌粉不自覺地買了一包, 今次試下用預拌粉係咩效果, 原
來非常好, 加小小暖水打幾分鐘就得, 而且風乾時間好快, 焗
完出來效果都好好, 可能跟預拌粉材料有唔同有關, 好了滿足
左做到效果, 下次再試下自己做希望會成功!

快要開學了



不經不覺就快要開學了,

我都要開工幫囡囡包書,

好多人都好其怪個囡都咁大個為何還在幫囡囡包書,

我囡識包不過包得唔靚,

所以要我出馬.

2012年8月21日星期二

無咩沙薑味既沙薑雞亦

















樣子好靚, 看上去好似味道好好呢?? 那就錯了正所謂眼見未
為真, 雖然顏色好似好手靚, 但係一點都無沙薑味, 未能做到
我所賞, 醃肉的時候放了一點沙薑粉醃, 但係入爐前應該多灑
一點沙薑粉, 可能或者會有沙薑味, 好有幻想空間, 下次再試
下~~~

今次用小小鹽醃了再加豉油糖及沙薑粉醃, 180 度 15 分鐘

努力練習法包


















上次網友 Cynthia Chui 提供了片段看了多遍後要做實戰, 好像
有點壓力, 今次再做有小小感覺到點先界得好一點, 雖然距離
成功還差很多, 但是開始有一點點明白是怎樣界, 要再練習多
一點希望可以有一日成功!

食譜在這裡

努力練習法包


上次網友 Cynthia Chui 提供了片段看了多遍後要做實戰,

好像有點壓力,

今次再做有小小感覺到點先界得好一點,

雖然距離成功還差很多,

但是開始有一點點明白是怎樣界,

要再練習多一點希望可以有一日成功!

2012年8月19日星期日

蠔油蚊麵筋


















回味兒時味道, 相信大家都會食過, 平常到大多數是做成酸齋,
或做成咖哩口味. 還記得小時間媽媽會在街市買一些只炸好的
麵筋回家再加汁料煮成一道菜, 依稀記得是用蠔油煮.

亂作一通、隨意、沒有份量, 是我的作風, 可能會有人問無份
量點煮, 講真煮餸, 我買的肉 $20 不等於你買 $20 的份量, 而且
大家口味都不一樣, 有人喜歡重口味, 有人喜歡清淡, 是否一定
加這個調味, 喜歡的話加一點不喜歡的話不加罷, 不用太在意.
指定動作是差不多起鑊時試一下味道是否合適夠不夠味道. 這
一點好重要, 讓這動作成習慣.

材料 :

麵筋一包 (我在凍肉舖見到有一包包買)
薑片 一片
乾蔥頭 一粒切碎
蒜頭 1 粒切碎
蔥切小段 (分開蔥白部份及青綠部份)

汁料 : 蠔油, 豉油, 糖, 水, 生粉攪勻

起油鑊爆香薑片後加乾蔥頭蒜頭蔥白及麵筋一齊爆炒後再加汁料
蚊到汁料收乾再加蔥兜勻即可.


法包


















近期都是在學習做法包, 喜歡它外脆內軟及散發著麥香味實
在回味無窮. 偶然沒有做包包, 都會在外買個法包三文治, 不
知何故一直都無想過要做.

食譜是跟 "專業都包製作" 做的, 雖然大部份是直接法不過味
道好好而且有平常我地會在舊式麵包舖買到的款式, 直得一
買, 因為書入面有齊做法及相片簡單易明. 其實食譜真係來來
都係個幾個, 只要大家喜歡那食譜做出味道, 鹹鹹甜甜只要多
加變化已經可以.

食譜來源 : 專業麵包製作
材料 :
溫水 110G
老麵 100G
高筋麵粉 160G
麵粉 40G
鮮酵母 9G (原食譜為酵母 3G)
鹽 4G
牛油 10G


將所有材料 (牛油除外) 放入面麵包機內搓成粗糙麵團後加入
牛油搓勻及發酵, 完成發酵後取出排氣.
做長法包取 200-300 麵團, 做細法包 60G
分好後拉開摺兩摺, 蓋上保鮮紙鬆弛 20 分鐘, 拉長麵團向上摺
一次再向下摺一次, 重複向下摺兩次收尾, 大小包做法差不多.




正常法包要放在灑滿麵粉的布袋上發酵, 沒有布袋只在焗爐紙
上灑上麵粉放上麵團用保鮮紙蓋好, 發酵 30 分鐘或至兩倍大.
長叉包在表面上界三刀, 細的界一刀.
預熱焗爐 200 度放入麵包後在焗爐噴水, 焗 20-25 分鐘

特別鳴謝 : 網友 Cynthia Chui 提供界法包面教學片段




2012年8月18日星期六

Carbonara

















今日跟女兒去誠品見識一下, 行了三層書籍蠻多, 分類做得好
仔細, 好像圖書館一樣, 但是找不到囡囡心頭好, 繼而轉戰到
中央圖書館.

我跟女兒各自找心頭好, 女兒找來幾本西方歷史, 我也找來幾
本食譜, 其中找來一本是講意大利麵, 馬上閱讀一下, 發現有
Carbonara 的做法. 大至是跟平時做法差不多, 係加醬汁時有
分別.

Carbonara  一直都好想研究點樣可以做得好, 不過又怕肥不能夠常
做否則要減肥. 今次這個做法是意大利麵落煎 pan 後熄火撈勻, 女
兒說這次顏色跟她常去的那間意大利麵的店子相似, 不過味道還是
差一點點, 因為今天的芝士份量唔夠加了一點樽裝那款芝士碎, 所以
味道差一點點.

2012年8月17日星期五

電飯煲焗雞肶飯


















我叫這個做懶人飯, 因為只係將材料放入飯煲就攪定, 飯煲
按 Start 就可以輕輕鬆鬆粉個菜就完成.

材料 :

雞肶 2 隻 (四了一隻雞起出雙肶)

用小許鹽搽勻醃幾小時入味, 跟平時一樣洗好米加水, 水份
要比平時小一點, 小約一至兩湯即可, 因為雞會出水, 所以
不用落太多水. 選用的程式時平時煮白米, 千萬不可用快煮,
否則出仔效果會不好. 飯熟取出雞肶斬件即可.

















還可以配以薑蔥蓉, 做法好簡單, 薑磨成蓉再加入蔥加小量
鹽再放入一個深一點的碗內, 燒熱鑊再加油 2-3 湯匙, 油燒
至出煙再倒入薑蔥碗內即可.

酥皮腸仔卷


















買了現成酥皮昨晚用了半塊, 今早試做個重量級早餐, 將
1/4 酥皮用酥皮卷起腸仔, 上面的是卷起, 下面的是用叉子將
三面壓實. 兩個做法都沒有爆開.
Airfryer 預熱 180 度焗了 18 分鐘左右即成.

2012年8月16日星期四

蝴蝶酥

估唔到第一次都似模似樣~~~ 靚靚 (自己讚下自己先)

係網上搵過做法大同小異, 卷起後做成 Y 字型, 真的會變成
蝴蝶酥嗎? 其實初初係有點懷疑, 不過人人都做到不防一試
焗時只有等待, 慢慢慢開始脹開真係會變成蝴蝶型! 實在好
有趣. 第一次做只用了半塊現成酥皮做了十片, 擔心會失敗
而浪費食材. 焗溫 180 度焗了 10 分鐘不太上色所以改 190
焗 5 分鐘後反面再焗 5 分鐘即成. 

食譜來自:簡易食譜 Click Here

2012年8月15日星期三

蓮耦夾


蓮耦夾不常做, 其實都好簡單囡囡好喜歡食, 做蓮耦夾的蓮耦揀幼
身的比較好, 肉不要夾太多否則會膩口, 今次不打食譜了, 因為做法
太簡單將梅頭啄碎醃一醃就可以用兩片蓮耦夾起, 上生粉/麵粉均可, 
多落一點油半煎炸非常簡單, 有時間的話最好番煎一次會脆口好多~~~

2012年8月13日星期一

方包 Autolyse / 自解法 / 浸泡法 / 分解法


















只用水跟麵粉混合好即可, 用保解紙包好放室溫 1 小時發酵
這個是星期日做好, 因為沒有時間做包包, 所以放室溫約半小
時間後放入雪櫃慢慢發酵.


















今晚攞出黎一拉睇下個膜幾靚, 真係唔需要搓都可以有薄膜~~


















出爐已經感覺到包包好軟熟~~~


















今次用鮮酵母所以用 quick mode 內部組織跟平時比較好像
比較細緻.

食譜跟平時一樣用沒有蛋沒有奶的配方做~~
做法只是先將水跟麵粉混合發酵 1 小時 (今次因為趕住出街
所以發了半小時後放入雪櫃, 做包時預先取出回室溫才用),
跟住按平常的情序放入麵包機, 因為今次用鮮酵母所以用
quickmode 做二小時後出爐~~~

包包效果滿意好軟熟~~~


2012年8月8日星期三

法包 (Autolyse - 自解法 / 浸泡法 / 分解法)


















上星期已試做了一次法包, 今次是第二次做法包, 剛好在網友
的 blog 發現特別的法包的方法, 心口有個勇字的我又要試下,
因為這個方法真係好神奇.


好特別叫 Autolyse (自解法 / 浸泡法 / 分解法) 反正好神奇地只
係水跟麵粉混合不用搓揉放室溫發酵一小時已經有薄膜出現.
沒有影薄膜的相可以到網友 blog 內見一下真身
http://blog.yahoo.com/_IJVWYXEDAR3YBRVNETZPAHOWRI/articles/768171/index
http://dalicafe.pixnet.net/blog/post/12609565-%E3%80%8A%E8%87%AA%E8%A7%A3%E6%B3%95%28autolyse%29%E3%80%8B
真的好神奇~~~~ 有興趣可以試下做我想沒有機器幫助手搓的
話應該會好易成功, 因為麵團已出薄膜對於手搓及改善麵包機
搓揉不足應該好有幫助~~~~ 下次試下普通的包包看一下效果
如何~~~

2012年8月4日星期六

煙肉廣島蠔@ 免油氣炸鍋


早前見朋友用光波爐做了這道菜真
係好吸引睇見都想食,馬上備料不
過太忙未有時間去做。

等等等終於比我等到,星期六去時
間多可以慢慢攪,看似簡單但是不
能急。做食品要用心去做,慢慢做
才可以做得好。

材料:
廣島蠔六隻
煙肉三條

港島蠔出水, 燒熱一鍋水放入港島蠔
待水滾後見蠔脹卜卜待 30 秒熄火泡在
水一會再取出泡在凍水裡,待蠔轉涼
格去水份及用廚房紙印乾備用。


煙肉一開二成長幼長條型,用煙肉卷起
蠔收口向下(朋友用牙籤收口我沒有)

Airfryer 180 度 8 分鐘即成。

2012年8月2日星期四

芝士青口墨魚意粉


















夏天晚晚煮飯, 相信好多人跟我一樣煮好晚飯都已經不想食,
廚房太熱煮好後都不想食, 所以煮個快速的晚餐就可以免去
辛苦了.

青口洗乾淨格去水份加芝士上面, Airfyer 180 度約 8 分鐘即
成.

意粉出水 8 分鐘左右或麵條中間還有一小點白粒即可, 起油
加小許鹽炒雜豆加小許酒炒至差不多沒有豆青味加入意粉炒
勻至乾身即可.