拮手套仔 ~ 羊毛氈

今日百忙之中等待包包發酵時

手痕又黎羊毛氈拮拮拮

晴天娃娃@羊毛氈~~ 拮拮拮~~

見網友玩羊毛氈做出可愛的娃娃

睇了好多資料及艾莉提供的影片


有點心動本來已經在網上搵到賣家

買兩套連工具的材料包

不過實在太心痕馬上帶左佢返屋企

本來諗住自己玩點知

阿囡又好有興趣要一齊玩


好啦~~~ 就黎親子羊毛氈拮拮拮

做完後才發現樣子好差呢~~~

馬上把它修一修~~~似樣嗎??

鉤袋仔

這個袋仔係多年前既作品

原本是鉤作裝 nds 不過後黎唔有用

放放下唔知放了去邊

終於搵回而家可以用黎裝銀包

迷上織冷衫

大家好..... 好耐都無 update 個 blog, 我就很像是人間蒸發左一樣。 有無掛住我呢, 其實呢段時間我做左織女(織冷衫), 自從做左織女之後就無再
update 呢個 blog, 自己都覺得有 d 可惜, 我都希望自己唔好咁懶, 我知道這個 blog 仍然有很人會睇, 我仍然會為大家帶來我煮過及學過的菜餚。 除了煮食以外我將會加入我做織女時織過的制成品就係 - 冷衫, 同大家分享。

呢個就我開始迷上了織冷衫的其中一件作品, 這個是用鉤針鉤出來的斗篷。 讀書時期常常見到媽媽織冷衫給我及哥哥, 當時年紀小向媽媽學習, 學的只是最普通及容易的織冷頸巾, 而冷衫是從來也沒有學過也不懂得如何睇圖織, 所以一直都沒有織過冷衫。

記得第一次織冷衫是打天才波, 織了一件冷背心給男朋友也即是而家我的老公, 手工真麻麻也都無見過他著, 到最近問老公時佢都話很似無見過。 對我來說也沒有相干, 因為織得真係唔見得人。 之後都無再織過, 到左囡囡出世以後, 我媽媽提起你會織冷衫(其實只能夠著在底不能外露)就織一件比囡囡。 買回來的始終無人手織的那麼暖, 我又想返正都是著在外衣之下, 織得不好也不打緊。 不過出奇地我又織得不錯, 只是織得比較手緊。 可能是我想織得比較好, 所以參考現成的冷衫再加睇書 (這本書是很久前買的只有織花樣及開夾位的沒有全件衫的圖那種), 我反覆去睇圖同織結果成功左。 之後隔一年便會織一件冷衫比囡囡, 不過仍是織冷背心。直到前年才試織有袖都很成功, 我發覺自己不論是煮食、織冷衫、電器或是學用電腦的軟件都幾有天份。 可能是因為我有一份永不放棄的精神, 當我迷上一樣東西的時間, 我便會勇往直前係都要做到為止我才會安心。