Catjeff 入廚樂: 高速煲

顯示包含「高速煲 - 家常菜」標籤的文章。顯示所有文章

2015年3月22日星期日

脆皮咸豬手@3D Airfryer

脆卜卜

煮完咸豬手後的水已變成有味湯

加入材料後再煮成湯

慳家小菜咸豬手兩食, 咸豬手買回來都而要用水煮一小時, 煮了的水會有咸味及肉味, 不浪費可以作湯底用, 用作煲青紅蘿蔔湯味道相當好.

2014年7月20日星期日

簡易版燻蹄（用咸豬手做）

原來燻蹄可以咁簡單

放入熱水煮 40 分鐘或用高速煲 10 分鐘再解壓

水可留用煲湯或做湯底

因為中間太大所以切出一件不包

用保鮮紙一邊包一邊卷實

用了三大張完成

如果手力不足的話請用棉繩札實

放雪櫃約 24 小時可以食用

刀功不好切得太厚

用白醋加糖加蒜蓉即可拌食

同場加影泰式炸皮蛋

這個菜式是幾年前在一家泰國菜食過

比我撞中做到的

食譜在這裡 : Click Here

2014年7月14日星期一

脆皮咸豬手

本來想大家做簡易版燻蹄，但是上次買了已去骨的咸豬手，水煮後覺得豬手細及開邊做得不好，好難處理所以放棄了，

2013年10月11日星期五

2013年6月16日星期日

蒜泥白肉 (高速煲)

見網友跟鬼嫁做的蒜泥白肉, 算是一個涼菜夏天吃最好不過

也不是太難只是要時間. 估不到這個菜家人也蠻喜歡的, 小小

辣非常醒胃好好味.

食譜 : 參考鬼嫁作出一點改動

材料:

五花腩一條 (最好買寬身一點的)

醬料 :

蒜蓉 2 湯匙

豉油 1 湯匙

鎮江醋 1 湯匙

花雕酒 1 湯匙

味醂　　1 湯匙　　　

辣豉板油 1茶匙

麻油小許

先將五花腩洗淨, 凍水放入高速煲, 水分量蓋過五花腩即可

水滾後加高速煲的蓋, 加壓後轉左細火十分鐘等自動解鎖.

取出放入冰水裡放涼.

如果用普通煲水加多一點煮 1 小時左右, 用筷子插入看看是

否夠淋.

五花腩完全放涼後, 用廚房紙或乾淨的布吸乾水份, 切片後加

上醬汁即可.

2013年4月7日星期日

近來到街市買餸, 好像大腦閉塞, 煮到有點悶, 見到豬手大
大隻好吸引, 不過女兒不愛食, 買的時候都糾纏了一點時間,
其實老公喜歡吃豬手, 結果還是買下來. 原來想用冬菇炆, 不
過我還是買下來, 因為想不出做什麼菜式~~~

趕出街沒忘了浸冬菇, 那省掉了~~~

材料 :

豬手一隻
薑二片
冰糖一大粒

醃料 : 豉油, 糖, 蠔油

因為用高速煲建議先將豬手醃一下再做會比較入味~~~

做法:

將豬手洗淨出水後, 加入醃料醃半小時以上.
燒熱高速煲加小許油爆香薑片, 加入豬手爆炒, 再加水至豬手
一半位置不用蓋過豬手 (因為高速煲不會蒸發太多的水份), 將
丙加適量的醃料不過太多, 再加冰糖~~~ 加蓋至高速煲上鎖,
轉細火今次用了十五分鐘, 做完後發覺太淋有部份豬手自動解
體, 下次再做試 12 分鐘, 高速煲解鎖後將汁料收乾一點及試味.

2012年9月13日星期四

五香牛腩 (高速煲做法)

今天可以試新方法炆牛腩,

這個方法是看了台灣的烹飪節目學,

有點驚為天人,

真的沒有騙我,

做出來又淋又軟而且不會有渣渣的感覺.

原來只是用熱水跟冷水的分別已經完全不同,

道理其實很淺就是冷縮熱脹的關係.

2011年11月16日星期三

柱候蘿白牛肋條 - 高速煲

在元朗街市跟婆仔買了自家種蘿白

來個柱候蘿白牛肋條

因為用高速煲關係

所以牛肋條預先用
豉油,糖及柱侯醬醃半小時讓其入味

用高速煲加油爆香薑片

加入牛肋條煎一煎

再加蘿白兜勻加豉油豪油

小小水不需要加太多因為蘿白會出水

加高速煲蓋再上鎖後

細火 15 分鐘後自動排氣即成

2011年10月10日星期一

日式咖哩排骨飯 - 高速煲

今次薯仔炸過

跟平只煎真係不一樣

薯仔粉得黎唔會散

好好食做法還跟之前一樣

只是薯仔炸過才炆

2010年6月16日星期三

紅酒燴牛尾 - 高速煲

老公很鐘意食牛尾

每次係超市/凍肉舖見到牛尾一定要買

一時間想唔起要咩材料煮

只記得紅酒

隨便加些原粒蒜頭

乾蔥頭

再加小許糖好了

高速煲上鎖後 45 分鐘即成.

2010年4月1日星期四

炆薯仔排骨伴意粉

今次又誤打誤撞做出一個餸, 原本只係做了個普查炆排骨, 高

速煲完成解鎖後, 煲蓋一開好多水有小小似湯, 水太多導致水

汪汪, 唯有硬著頭皮煮落去, 開大火讓水份快一點蒸發掉, 幸好

薯仔切得比較大件.... 最終可以成一個炆薯仔, 不知何故我突

然想加 basil leave 落去, 好加落去試味, 非常配好有老外感覺.

炆薯仔排骨伴意粉

薯仔三個 (size 比較大) 切大件

排骨適量 (切大件)

汁料 : 豉油適量, 蠔油適量, 糖適量

basil leave 適量

燒熱高速煲多放一點油, 煎薯隻至兩面表面金黃取出, 再將排骨落
鑊兜一兜將薯放回煲內, 加料料及水至材料一半, 滾起後加高速煲
蓋, 上鎖後 8 分鐘熄火, 待解鎖後開蓋加熱至汁料收乾加入
basil leave 即成.....

意粉 : 鍋內放水至滾起加入意粉, 一茶匙鹽, 欖油, 11 分鐘
(請參考包裝上指示時間), 因為今次不用再回鑊所以熄火留在煲內炆幾分鐘.

2009年11月4日星期三

簡單的炆牛腩 - 高速煲

簡單的材料炆了一煲牛腩, 味道亦不錯, 可能牛腩本身味道比較濃. 所以不過太花巧的材料已經好好味. 一早起床準備早餐後, 再將材料放入高速煲加上用電磁爐不用睇火真係方便不過. 對於要返工及要照顧屋企真係非常好. 回家後洗米煮飯, 再番熱牛腩炒兩條青菜又一餐.

簡單炆牛腩 - 高速煲

巴西牛腩一包 (在凍肉舖買)

冰糖適量 (預先弄碎)

蒜頭 4-5粒

乾蔥頭 4-5粒

豉油適量

喼汁適量

酒適量

將牛腩洗淨備用, 高速煲燒熱加入冰糖加熱成糖漿 (小心太大火會燶) 再將加入牛腩拌勻後煮一吓, 牛腩會自己出水, 之後加豉油、喼汁、蒜頭及乾蔥頭, 最後加酒至牛腩一半高加高速蓋, 待鎖桿鎖好, 30 分鐘自然排氣. 解鎖後番熱試味即成.

2009年10月31日星期六

老外香料炆牛展 - 高速煲

做好啦....

做起切開.... 用新手機影好似爆光咁....

本來一心想做五香牛展, 忘記上次用了包五香粉, 唯有亂作一通炆個牛展好了. 之前在凍肉舖買了包巴西牛展放雪櫃, 昨日係冷藏格見到才醒起是上次買回來備用. 好取出解凍. 我第一次做牛展當我打開包裝後見牛展長條外型瘦削, 心想平食的牛展切開一片片係圓型, 點解我的牛展會是又長又瘦的. 唔通因為係急凍貨所以唔同. 唔理三七廿一照整. 做好打開高速煲後, 我的圓圓碌碌牛展返黎啦. 我真係大鄉里一名.

超淋.... 味道亦不錯.

老外香料炆牛展 - 高速煲

牛展兩條

薑二片

汁料 : 玉桂粉 / 小茴香粉 / 大茴香粉 / 豉油 / 冰糖 / 水

將牛展原條洗淨出水備用(不用切), 將汁料煮滾放入原條牛展待汁料再滾起試味, 以不太咸為準, 加高速煲蓋待高速煲上鎖後, 轉細火三十分鐘, 待排氣後再將汁料滾至濃一點, 取出牛展切片上碟.

2009年10月12日星期一

五香豬軟骨 - 高速煲

到朋友家試過她用真空煲做的豬軟骨, 用豉油汁炆真係不錯夠淋又好食. 我有高速煲當然要試一吓做. 其實我無問朋友點做, 亂做一通只係想落五香粉應該唔錯, 走到街市雜貨舖買了一包五香粉, 便膽粗粗去試. 做法非常簡單又好味. 囡囡都食到停唔到口.....

五香豬軟骨 - 高速煲做

豬軟骨 (冷肉舖有售) 二至三包

五香粉一包

糖

豉油

先將豬軟骨解凍洗淨後加五香粉豉油及糖醃過夜備用, 將高速煲燒熱再加冰糖煮至溶 (小心燶) 將豬軟骨放入兜勻, 再加水至肉高度不用蓋過. 再加豉油及糖 (不用太多) 可待汁料滾起試味, 不要太咸為佳. 加高速煲蓋上鎖後轉細火 15 分鐘, 待排氣後再將汁料滾一滾即成, 好味又淋的五香豬軟骨.

2009年9月23日星期三

烏卒卒的肉骨茶 - 高速煲

早前在超市見到肉骨茶湯包, 我念念不忘的肉骨茶, 在街見到湯包總要買一包回家試一試, 很多時買到的都太辣.... 免強只能飲一碗, 多飲一杯會有反胃的情況出現.... 這個烏卒卒的左看又右看總覺得不太像樣.

肉骨茶

肉骨茶湯料一包

肉排一斤

連皮一整個的蒜頭 2 個

水滾將所有放入待水再次滾起後加高速煲蓋, 等標誌杆升起後轉細火 20 分鐘, 解壓後再大火滾十分鐘即成.
(如果用一般煲煲二小時即成)

2007年9月23日星期日

豉油玉桂雞翼 (用高速煲做)

這個是鹵水雞翼的變奏, 這個魯水汁是我珍藏, 之後是一個用豉油汁做的後來想有不同的味道, 隨之而來是加入不同的調味, 有試過加入大量的冰糖變成了瑞
士汁雞翼, 又加入過薑及蔥, 最近加入了玉桂粉, 出來味道非常香味道也不錯。記得留起的汁到下一次再用時要將面層的油膏取走, 否則會越煮越多油。
豉油玉桂雞翼
雞翼 8-10 隻
魯水汁 : 豉油二大匙, 老抽一大匙, 冰糖二大粒, 玉桂二大匙, 薑片一大片, 蔥數條最是蔥白部份 (這部份可以在煮汁時自己增加或減小)
先將雞翼洗淨, 將汁材煮開試味再加入雞翼, 當發出吱吱後轉細火 5 分鐘即可。
用普通煲十五至二十分鐘左右即成。