自家粽

雖然已經過了端午節

但係網友特意做多一批粽送了一點給我

還要拜託她老公順路拿給我

我當然要的回禮感謝網友的熱情

做了個排包作回禮

粽子非常好吃

材料非常豐富味道也非常好

感謝雪姐!!

年糕+蘿蔔糕

一年一度大制作
做給父母及哥哥
年糕參照引文做
蘿蔔糕跟舊有的做
希望大家食得好開心

麵包糠

打完放入保鮮袋或密寶盒存起
如果係超市買一盒都要差不多八至九元

將麵包皮切粒放焗盤
入已預熱焗爐 100 度焗 30 分鐘左右
如果未乾透再加時焗
焗起後放涼
可以留起大粒既麵包粒放入沙律伴食

將已放涼的麵包粒
放入食物處理器打碎即可

P.S. 如沒有食物處理器麵包粒要切細一點,
完成烘乾後用菜刀背或麵粉棒壓碎即可.

唔知大家食麵包食唔食麵包皮, 其實我食又得唔食又得. 囡囡不過嬲食嘢比較慢, 如果早上食方包的話會食得很慢. 所以通常都你去皮, 如果掉去有點浪費. 記得小時候媽媽都會將麵皮波糖水食. 記得阿 so 教過麵包煮法, 麵包皮頭尾可以做到, 但係已切開既邊位細小都唔知有咩可以用, 終於想到一樣嘢就係麵包糠, 方法都很簡單. 

炸雞塊 Chicken Nugget

炸起個樣都有小小似麥噹噹雞塊

用刀割開小小一推起根

攪起似感覺似鯪魚肉

搓成球狀再粘上麵包糠壓一壓

炸爐一次放四粒炸

曾經承諾做個炸雞塊(近似麥噹噹的), 不過一直都無開火炸嘢, 而家有炸爐就要做無得再拖. 其實很簡單, 係多年前睇收費電視時學, 材料非常簡單, 只是要花上一點功夫去做. 不過食譜已經遺失了, 所以都係大約記起做未知是否一樣.

炸雞塊 - 8 件分量

雞柳三條約 130 gsm

細洋蔥 1/4 一個 <--- 如不喜歡可不加

雞蛋半個

幼鹽 1/2 茶匙

胡椒粉/黑胡椒粉  適量

麵包糠 二湯匙
  

先將雞柳起根, 將洋蔥切粒再用食物處理器打至蓉 (或用手啄), 再加入鹽及胡椒粉再加入麵包糠二湯匙攪勻, 完成後取出用手同一方向攪幾下 (乾濕度感覺有鯪魚肉), 再撻幾下放入雪櫃雪半小時.

雪完後, 雙手帶點濕或搽小小油上手上, 再取一小球搓圓粘上麵包糠壓扁成小於 1 cm 高度備用.

炸爐 160-170 之間炸至金黃即可.

芝士煙肉卷包 - 食物處理器

普通一個枕頭包模樣....

大腦閉塞一段時間, 來來去去做的包都是老樣子, 終於想
到做新花款, 樣子雖然平凡不過內裡不錯, 隨意用甜麵團
一個, 將麵團搟至長條, 放上煙肉加上 pizza 用芝士碎尾
部不要放餡料, 將麵團圈起後左右兩邊用手掌則壓實,
焗爐 180 焗 20 分鐘....

湯種腸仔包+冷藏發酵 - 食物處理器

出爐啦.... 摸上去感覺比平時的包包更軟熟~~~

湯種麵團

第一次膽粗粗學人做湯種, 還要在網上找到簡易版不用開
火煮, 夠簡單非常合我心意, 湯種分量 5:1 (熱水 5 份對 1 分
高筋麵粉). 從來沒有考慮做湯種是因為要用煮食用探熱針
來可以做. 我家沒有亦不想買.

最近覺得有點悶, 上網搵下有沒有其他方法可以做到而不用
探熱針, 真的被我搵到, 有兩個做法一還是要開火, 一邊攪一
邊煮至邊邊有氣泡熄火放涼, 另一個就是我提到 5:1 做法....
用熱水(水一定要夠熱) 開麵粉, 令麵糊糊化......

食譜可以參考之前, 今次用了 10 湯匙水對 2 湯匙麵粉, 而主
麵團的麵粉用了 200g, 大家可以參考比例按比例增加湯種部份

牛奶麵包 - 食物處理器

最近天氣變幻無窮, 好難捉摸. 已立左夏, 天氣悶熱還會落幾
場大大的雨, 這個天氣一定要準備兩寶, 雨傘及薄冷外套, 以
備不時之需.

懶了一段時係時間交下功課......做了個牛奶包是用之前網友
提供象印麵包機跟機食譜做.... 出來效果不錯, 包包好細密.
我用了十字奶都非常有奶味.

牛奶包

水  1/4杯

牛奶 1/2杯

大雞蛋 1 隻

高筋麵粉 2-1/4 杯 (過篩)

糖 1-1/2 湯匙

鹽 1 茶匙

牛油 2-1/3 湯匙

酵母 1 茶匙

除牛油外, 將所有材料混合 (水部份留起小小不要一次過
加入), 用筷子/飯殼攪拌

如果感覺材料未能混合加入先前留起的水份小小加入, 再
用手試一試不痴手即 ok

放入食物處理器打一分鐘後慢慢小小加入牛油再搓兩至三
分鐘即成, 將出後可再撻一撻將麵團拉圓放入鋼盤發酵至兩
倍大, 取出再拍打麵團放氣醒止十分鐘.

再將麵團搟成長型, 卷起放份模內. 190 焗三十分鐘.

鮮奶包 - 食物處理器

今日第一次參與家之樂園的 BBQ 活動, 一直以黎我都很小跟網友見面, 今次見的都可以話係網上傾過每數次計的老朋友. 玩得好開心不過我沒有留到反最後, 一來電視戲大結局, 二來不想太夜回家. 所以決家跟網友大姨媽共同進退. 

話說回來一個星期無整包, 今次係新嘗試, 我無搵過或睇過任何關於解奶包的食譜, 單純咁用埋家裡餘下的鮮奶代替水份, 試下做牛奶包效果, 不過知道會否成功, 希望得啦..... 唔係就會浪費了材料.

試食完好鬆軟, 睇下明天效果會否有分別....

鮮奶包

高筋麵粉 400G 過篩
酵母 1 茶匙
吉士粉 1 茶匙
糖 80G
牛油 40G
蛋一隻
牛奶 200G

除牛油外, 將所有材料放入鋼盤攪拌至材料成團放入食物處理器搓一分鐘, 再加牛油搓兩分鐘, 將用再將麵團撻幾撻後整成波型發酵至兩倍大, 最出拍氣再搟成長型卷起再放入焗模發酵半小時.  190 度焗 25-30 分鐘即成.

柚子麵包 - 食物處理器

包包出爐啦...

入面好軟熟.....

織呀... 織呀.....




廚具開倉入左貨用下新焗盤

昨天去完廚具用品店入貨, 初時只是知到唧袋有特價很平, 原先只是想買完走人, 誰知道見到很多焗爐, 相信喜歡烘焙的朋友一定唔放過, 因為實在太抵買.

見網友 TAMMY 做起柚子包, 心郁郁想做, 偷了師再加上我亂作一通做出來. 好在出來較果不錯, 很有柚子香味..... 還用了新焗爐焗.

柚子麵包 - 食物處理器

麵粉 300G (過篩)

奶粉 8G

吉士粉 8G

酵母 1 茶匙多小小....

柚子蜜 60g

水 90g

蛋一個

牛油 30G (後下)

先將柚子蜜及水攪勻再將所有材料 (牛油除外) 混合, 放入食物處理器搓一分鐘再加入牛油, 打 2-3 分鐘, 取出放入鋼盤進行第一次發酵至 2 -2.5 倍, 之後取出拍扁放氣, 分割成四份, 靜止十分鐘後, 再將麵團搓成長條, 再將四條麵團織起, 放份焗盤進行第二次發碟至 2 倍大, 入爐前表面搽上蛋計已經預熱焗爐 180 度 20 分鐘即成

朱古力包 - 食物處理器

無理新意不知要做怎樣的包好, 家裡有可可粉, 好加一點做包包, 外型沒有太大變化, 一半作方包一半隨意滾入爐好了.  開始覺得做包無新意有點悶, 要去發掘一些新的包包.

朱古力包 - 食物處理器
水 200G

蛋約45G (一個)

高筋麵粉 350G (要過篩)

可可粉 50G (要過篩)
奶粉 12G

吉士粉 12G

酵母 1.5 匙

糖 50G

牛油 40G (麵團打至成型才加)

先將麵粉及可石粉拌勻, 除牛油外將所有材料加入鋼盤, 水份不用全加留起小部份, 用飯殼拌勻水份如不足逐加入, 再用手搓成一團, 放份食物處理器搓一分鐘加入牛油差約二分鐘左右即成, 將麵團取出弄成球型放回鋼盤封保解紙, 將鋼盤放入飯煲面加布蓋好待發酵, 完成第一次發酵取出拍扇放氣, 再分割靜止十分鐘再整型.
方包 : 放入300G 麵團, 220 度焗 30 分鐘
餐包 : 180 度焗 15-8 分鐘.

紅豆包 - 食物處理器

早兩天打廚櫃搵東西時發現原來之前係吉之島十蚊店買了一包紅豆蓉, 原本買來一心是用作做紅豆包用, 之前忙完搬家辛苦一輪. 已經忘掉了這包紅豆蓉, 快要到期了, 馬上趕快把宅用完. 打開紅豆蓉跟在外買現成的沒有兩樣, 味道不太甜正合我心意....

麵包底是用雞尾包的麵團, 再加入紅豆蓉做餡. 表面刷上蛋汁 190 度焗 20 分鐘即成

再度激鬼器之中種芝士包 - 食物處理器 + 焗爐

激鬼器即係激鬼器, 因為太濕會嚴重痴在容器上之外, 同時亦會捲入部份食材在捲軸芯入面, 所以中種的麵團應該不適合用食物處理器搓. 直接法因為麵團比較乾身不會有食材澎入軸芯. 不過點都好.... 如果包包在一至二天食用完, 做直接法的包包已經足夠.

雖然我心口有個勇字, 但是已決定不會再將比較濕的麵團用食物處理器搓, 以免浪費了我的食材. 食譜是之前做過的 中種芝士條.

又黎品品包 (香蔥火腿包) - 食物處理器 + 焗爐

又黎囡囡的至愛的品品包 (香蔥火腿包)

同樣今次亦是用食物處理器

今次有理無理全部水份加入

搓呀... 搓呀.... 搓, 出黎 ok 有小許濕

所整型時很難.... 太軟.... 原本是做六個包

可惜排時不夠位

最後放棄了一個包沒有做型

分成兩份包入餡料入爐.

特大芝麻包 - 食物處理器 + 焗爐

今次又係用食物處理搓包

閒呀?? 無辦法啦.... 大家都知我係咁

一定要做到才罷休

今次非常懶將麵團切開八份算了

其實應該可以分十至十二份

成隻手掌咁大我唸食一個已夠飽了.

食譜及做法可以在我的 blog 內找到

只是搓包由食物處理器負責

同樣是在鋼盤混合了材料(除牛油外)

放入食物處理器打十秒左右加已回家溫的牛油搓 2 分鐘多 d

不過要過 3 分鐘即有薄膜

因為麵團份量多

用了 175 夠了 25 分鐘才出爐.

甜餐包 - 食物處理器 + 焗爐

用低溫發酵仍舊有豆皮, 用了雞尾包的包底表面沒有刷上任何東東....

咬啖先......

繼續用食物處理器搓的包包

方法用對了越搓得多從中留意一下變化

例如落多小水? 幾時加牛油? 加牛油後搓幾耐? 

試多一點很快會用到得心應手.... 

大膽一點用食物處理器搓耐小小不超過 3 分鐘為限. 

下一步打算試做中種..... 

不知道會成功? 大家耐心等待一下.....

怎樣用食物處理搓麵團做麵包

首先在鋼盤將材料(牛油除外) 混合好, 有一點碎碎不成型亦可.

將麵團放入食物處理器打大約十秒後, 加入放軟的牛油, 再開機打

搓 2- 3 分鐘到見到麵團有捲起軸上飛起的時候亦差不多可以收手.... 雖然搓完麵團會有點熱, 但不用怕, 只要不打超過 3 分鐘, 麵團不會變得太過熱而熱死酵母, 仍然可以發酵沒有問題.

相信大家當初買食物處理器都是因為它的其中一個功能 - 搓麵團,而用過搓粉的都知, 將所有材料放入一開機打之後, 一定會發現有部份材料已捲入軸芯內. 不單止材料小了, 清洗時更是討厭極了. 之後相信大家再試多一兩次後會放棄及將它打入冷宮. 也被網友 tammy 改了一個更貼切的名就是 "食物激鬼器".

搓麵團這個課題要好好研究, 如果不是跟網友大家提起為了將麵包機搓粉的時間縮短預先將材料混合一起才放麵包機打, 我亦不會想到食物處理器可以這樣搓粉.

未試打前上網找一找資料, 看一看有否已有網友已經研究到用食物處理器打麵團. 可惜真係不多, 只有的做法是打幾十秒要等一等的做法... 我跟住試做一來膜仍然是做得未合我要求, 二來打下停下好像有點煩.

心口掛住個勇字的我開始試, 不斷試由不夠大膽一直打麵團及加牛油時間不對.... 試了幾次, 已掌握到搓麵團的技巧. 今次因為要影相不能拍短片, 可能大家可能仍未了解是怎樣做, 下次再拍片給大家睇.

提子包 - 食物處理器 + 焗爐

上次做 椰檳 時一留起做提子包

同樣一個包底

因為用了食物處理器搓麵團

所以搓粉份量增多了

所以好像包包無從前的做得那麼密.

椰茸檳(低溫發酵) - 食物處理器 + 焗爐

出爐啦.......

今次用食物處理器打得唔錯.... 大家睇唔睇快膜呀??

嗯...... 包包好軟熟呀.....

整咩包好呢?? 原本想做雞尾包, 到做餡的時候忽然想食椰檳, 好... 改一改餡先. 已經堅持用食物處理器去搓... 當然又要再放入我的網誌內做個記錄. 自從將食物處理從見天日後, 慢慢開始試搓, 搓呀... 搓呀....不消三分鐘就攪定. 今次搓得唔錯, 可借自己一個人得一對手, 拉得膜黎又影唔到, 得一隻手又要就住快膜又要就住部相機, 仲要睇下位燈光, 拗晒腰咁去影好辛苦.

食譜跟之前做過的 椰茸檳 一樣, 放入已預熱焗爐 180 度焗 18 分鐘.

pizza - 食物處理器 + 焗爐

手快快加了一半芝士時才想起未影餡料

出爐啦......嘩...... 好味呀!!

原本今晚是打算煮飯食, 但係下午茶食芝士餅個肚已經無位, 囡囡又唔想食飯想起做個 pizza 起碼都可以花多小小時間做, 又可以推遲晚餐的時間. 想做的時間發現沒有茄汁, 跟囡囡說沒有茄汁改做其他. 囡囡就自告奮勇落街幫我買. 好.... 當然好啦.... 一來囡囡幫手去買, 二來係時間放囡囡自己去街買東西, 反正超市就在家對面, 三來囡囡是要去換現在大熱的小丸子點頭文具.

食譜還用做開的 pizza (可以在我 blog 搜尋一下), 今次用食物處理器搓包又有新的點子, 一如以往混合了麵團再將之撕一個個放食物處理器及一齊加入牛油, 開機搓呀... 搓.... 我沒有理機器在開動, 因為今次太個產廚房有點亂順道執一執. 跟手熄機..... 嘩..... 有新發現平常我是搓了一會才放牛油, 今次一同放出奇地好順滑. 雖然麵團帶點熱, 但又無痴手. 好下次又再試一試.

餡料有青椒、波蘿、沙樂美腸、火腿, 當然唔小得可以拉絲的 Mozzarella 芝士.

預熱焗爐 230 度 20 分鐘

麥包花 - 食物處理器 + 光波爐/焗爐

又黎見麥包花

同場加影麥包同麵包模, 已經發到上頂, 但係頂唔到角有小小失敗感

今日好似好多產整完一個失敗的芝士蛋糕後, 又黎麥包花+頂唔到角的麥包, 食譜都是以前做過的麥包. 不同之處是用食物處理器搓包, 最近用食物處理器搓包開始好似掌握到技巧, 不過還是要反復測試才可以確實知道應該如何搓才可以做到想要的效果.

麥包花係用光波爐的廚寶及用光波爐 180 度 20 分鐘

麥包焗爐 210 度 30 分鐘, 多手再加時 230 度 5 分鐘