鮮魚肚炆冬菇蠔豉鮑魚仔

每次過年老公公司必有的還神乳豬及加豬頭豬腳仔

今年老闆娘加送極厚鮮魚肚 << 真係考起我

基本上每的過年都係有乳豬食

豬頭豬腳大多數都會煲粥

也可以當作炆冬菇蠔豉的上湯

就好似鼎爺既做法一樣

冬菇浸軟後揸去一點水份不用太乾

加小許原糖及油拌勻

放入面電飯煲蒸 30 分鐘備用

這部份可以預早一日做

蠔豉浸軟留浸冬菇水備用

髮菜清水浸軟後多洗幾次去除雜質

鮑魚仔用罐頭不用處神處理

鮮魚肚因為老闆娘已經處理好所以我不用做什麼

起油鑊不用放太多油因為乳豬頭及腳都會有油份出來

先爆香乳豬頭及腳再加入蒜頭二粒爆香再加蠔豉

再加入冬菇拌勻後

在鑊邊加入一點紹興酒

加入冬菇水至蓋過食材如不夠冬菇水可加清水或上湯

最後將魚肚放最上以免痴底

炆 15 分鐘後檢查食材軟硬度再加入發菜及罐頭飽魚仔

加入發菜後要小心時 10 左右檢查一下食材及水份

因為發菜會吸去部份水份

試味可以自行調節味道想顏色靚一點可以加老抽(可加蠔油或豉油)即成