醃青瓜

很多時去食肆都有醃青瓜食, 好好味所以試下自己做, 不過還要再改良一下比較好。 醃青瓜時只記得放青瓜, 忘記雪櫃入面還有西芹其實都可以醃, 我記
得有一間酒樓的白雪鳳爪是有醃紅蘿蔔及西芹都非常美味。 下次再做時要試加入紅蘿蔔及西芹絲。 我好喜歡食酸酸甜甜的東西, 非常醒胃而且會食不停。 囡囡同我的喜好都非常相近, 脆的和酸的都非常喜歡。

醃青瓜

青瓜 一條
醋 二湯匙
糖 二湯匙
鹽小許

青瓜切成一條條用鹽醃 5 分鐘, 隔去水份, 醋加熱再加糖放涼後加青瓜醃制, 放雪櫃半小時後再試味及攪勻, 雪最小一小時。