焗豬扒飯

焗豬扒飯

話難唔難話易唔易

做好每個部份再組合後入焗爐就得

不過今次汁料收乾了一點

食時覺得不夠汁撈飯下次留意一下

材料 (二人份) :

豬扒二大件

蕃茄 3-4 個

茄汁小許

雞蛋 2 隻打散

冷飯 (隔夜飯) 2 碗

芝士適量

醃料 : 豉油, 糖, 蛋白 1 個

先將豬扒洗淨後加入醃料醃過夜, 再將豬扒煎熟後切件備用.

蕃茄洗淨切件, 起油鑊加小許鹽放入蕃茄爆炒, 加小許水糖及蕃茄汁拌勻後加蓋焗至蕃茄全熟, 再試味調節一下酸甜度.

燒熱油鑊後加入打散了的雞蛋, 再入冷飯不停手炒, 炒至飯及蛋完全鬆散及乾身取出.

準備一個焗盤將炒飯放入鋪上豬扒, 再淋上蕃茄汁料, 最後加上芝士, 放入已預熱焗爐 200 度焗至芝士溶了即可.