五香豬軟骨 - 高速煲

到朋友家試過她用真空煲做的豬軟骨, 用豉油汁炆真係不錯夠淋又好食. 我有高速煲當然要試一吓做. 其實我無問朋友點做, 亂做一通只係想落五香粉應該唔錯, 走到街市雜貨舖買了一包五香粉, 便膽粗粗去試. 做法非常簡單又好味. 囡囡都食到停唔到口.....

五香豬軟骨 - 高速煲做

豬軟骨 (冷肉舖有售) 二至三包

五香粉一包

糖

豉油

先將豬軟骨解凍洗淨後加五香粉豉油及糖醃過夜備用, 將高速煲燒熱再加冰糖煮至溶 (小心燶) 將豬軟骨放入兜勻, 再加水至肉高度不用蓋過. 再加豉油及糖 (不用太多) 可待汁料滾起試味, 不要太咸為佳. 加高速煲蓋上鎖後轉細火 15 分鐘, 待排氣後再將汁料滾一滾即成, 好味又淋的五香豬軟骨.