2012年6月27日星期三

鮮酵母湯種芝士包

















近來都是用鮮酵母做包包, 時間真的比乾酵母/快速酵母, 
且麵包機全機做包包的皮亦變得沒有那麼厚及軟身一點, 對
於忙碌的我來說是非常重要, 因為想盡快完成令自己可以早
一點休息。

不過有一點要注意就是如果用麵包機的話我覺得選用快速做
包程式會比較配合, 因為鮮酵母發酵時間比較快, 好似不太適
合正常做包程式或者將鮮酵母分量再調節一下。

食譜還是用這個
http://catjeffcat-baking.blogspot.hk/2012/04/blog-post_8395.html
發酵好後分數份, 每個麵團為 50G 醒麵團 10 分鐘再包入
芝士, 第二次發酵 30 分鐘或至 2 倍大, 預熱焗爐 180 度
15-20 分配即可.

2012年6月26日星期二

五香炸雞下脾@ 免油氣炸鍋


















前日見到網友食炸雞脾看到我口水直流, 放工馬上飛奔去超
市買雞脾, 無雞脾只有雞下脾買下回家解凍後再處理. 本想
做最簡單我炸脾, 到入爐時又心諗一動加小小五香粉再醃一
醃, 估唔到炸完樣子有點驚喜, 好像是用老抽醃過再炸.

進食時入面還有肉汁流出~~~ 下次還是試一下好似街在賣的
炸雞脾只用鹽醃看看效果如何~~~

材料 :

雞下睥 3 隻

醃料 A : 粗鹽,紹酒 (喜歡的話可以加薑汁)

醃料 B : 五香粉,糖

雞下睥解凍後洗乾抹乾水份, 用醃料 A 粗鹽(不要太多否則會
太咸)雞下睥表面後, 再加小許紹酒醃過夜, 入焗前 15 分
鐘灑上醃料 B 五香粉及糖撈勻, 180 度預熱 3 分鐘放入雞下睥
約 18 分鐘, 到最尾 4-5 分鐘可以反一反雞下睥. 

2012年6月23日星期六

脆皮咸豬手@ 免油氣炸鍋

















見 youtube 有片教人唔用個籃, 我又試下先都得喎~~


















d 皮好脆好正~~~

咸豬手都要攪到變脆皮好似做燒肉一樣要脆卜卜, 咸豬手
買回來要用水煮 50 分鐘好讓咸味出來, 煮完 d 水可以留用
煲湯. 工序不太複雜但係需要時間, 可以預早一日準備會更
好.

材料 :

咸豬手一隻

即磨黑胡椒粉適量

咸豬手放入滾水中煮 50 分鐘, 取出放涼後用豬插在表面插
滿細孔, 再放雪櫃雪幾時小時或過夜以便把表面水份提乾.

Airfryer 180 度預熱 3 分鐘, 將咸豬手放入 30 分鐘後反面再
15 分鐘查看表皮硬未? 如果表皮硬轉 200 度 10 後再查看
情況覺得夠就可以取出, 取出後放涼 10 分鐘才將咸豬手起
肉.

2012年6月21日星期四

莎莉蛋糕



















見朋友仔做了莎莉蛋糕, 心痕痕要跟住做, 味道及質地都好
近似, 這個譜真係不錯.

材料:
低筋麵粉 135g
發粉 0.5g
白油 68g (用橄欖油代替)
牛油 54g
糖 100g (跟人做改80g)
鹽 1.25g
蛋 2隻
牛奶 16g

做法:
。糖,鹽,白油,牛油攪勻至絨毛狀
。蛋逐隻加入再用中速打蛋器拌勻
。低筋麵粉,發粉過篩加入, 以最慢速拌勻
。牛奶加入用最慢拌勻至光滑
。180度焗40-45分鐘

P.S. 試食後覺得味道偏淡, 還是跟原食譜做應該會好一點,
另外如果想牛油重一點, 可以增加小許牛油減小許白油.

2012年6月20日星期三

麻醬茄子@ 免油氣炸鍋


















這道菜式真係估不到, 一出場大家不斷夾不停食, 老公已經
落 order 要做魚肉茄子. 不過茄子要加點油才入 Airfryer 比
較好, 因為一點油都沒有表面一滴油都無會好乾.

材料:

茄子二個 (肥而短身)
芝麻 適量

醬汁 : 芝麻醬, 豉油, 糖, 水 (如果芝麻醬是比較稀的話可不用加水)

茄子洗淨切條狀, 加一至二湯匙油, 不用害怕油份會隔 Airfryer
制作時將多餘的炸出來, Airfryer 180 預熱 3 分鐘, 放入茄子
7-8 分鐘即可. 上碟後加上醬汁及芝麻拌食.

2012年6月17日星期日

2012年6月13日星期三

頂角方包(老麵種+鮮酵母)


















我頂……我頂……我頂頂頂……頂角真係好難做得好, 今次真係靚
仔頂部剛好頂到又唔會多左條邊, 用老麵種再加鮮酵母包包出來
唔錯~~~ 

食譜跟之前個個一樣

http://catjeffcat-baking.blogspot.hk/2012/06/blog-post_07.html

西多@ 免油氣炸鍋

















記得以前睇阿 SO 有介紹過點做西多, 今次隨意將蛋漿混合再
讓包包索蛋汁就放入 Airfryer 炸一炸, 估不到有這樣的效果,
有點痴網所以要用鑊摌幫手取出

材料 :
蛋漿 : 蛋,水,淡忌簾 (原食譜為鮮奶)

方包

做法蛋漿混合好, 再將方包放入等方包吸滿水份, 預熱 airfryer
180 度, 8-10 分鐘即可~~~

2012年6月11日星期一

燒肉@ 免油氣炸鍋















今次燒肉做得唔錯, 一定要買正方型, 千萬不可用一條長條
否則肉身會太乾不好吃. 不過街市肉檔是不會切正方型賣,
所以腩肉要買多一點大約三條骨寬度, 再叫老闆切一半成正
方型, 先做一半分量另一半放冰格. 又或者在大型超市都有
機會買到正方型, 不過朋友說不是次次都有.

今次做法除左正方型外還有溫度降底了, 出來的效果好好.
不過今次插得豬皮唔夠, 只能做到脆但不夠鬆化. 燒肉真係
要放假做會比較好, 平日做時間上對我來說有點趕.

材料:
五花腩一件正方型
大量粗鹽

醃料 : 鹽,胡椒粉, 五香粉

將五花腩洗淨抹乾水, 將醃料放在肉身上, 豬皮部份不用放
醃料, 上好醃料後放在碟上豬皮要向上, 直接放入雪櫃不過
加蓋或保鮮紙, 好讓豬皮被雪櫃抽乾, 雪一即可.

完成後取出用豬插, 在豬皮上插滿小孔, 越多越密就越好. 再
將大量粗鹽放在豬皮上壓實.

Airfryer 180 度預熱, 將腩肉放入 Airfryer 30-35 分鐘直到鹽分
離開豬皮取走鹽粉, 再焗多 15 分鐘如豬皮開始變硬可將火力
調高至 200 度 15 分鐘即可.

取出後放涼一點才切去四邊乾身了的肉, 再斬件即成

2012年6月10日星期日

豆腐花


















豆漿機都小用了, 所以沒有撞豆腐花, 電器真係萬試期一靈,
用耐了停一段時間好自然會壞掉, 無辦法見到 FB 朋友個個
都撞豆腐花, 為左止痕買現成的豆漿翻熱後撞一撞等一等就
有豆腐花食.

材料 :

有機豆漿大盒裝 9xx ml
熟石膏粉 1-1/4 茶匙 (可在藥材舖買幾蚊)
生粉 一茶匙
凍滾水 1 湯匙

生粉熟石膏粉用凍滾水開勻, 將熱豆漿沖進去後不要攪動,
用廚房紙或乾布蓋頂約 30 分鐘即成.

熟石膏粉在烘焙店買跟了包裝的分量試一次, 出黎有一點硬
下次可以試下 1 茶匙應該會好一點.

囡囡生日快樂~~~


















昨日預先將蛋糕做好~~~

















第一次整加 Cream 的蛋糕~~~ 賣相叫做過關


原本想買朱古力生日牌, 但係在屋企附近的那間烘焙店沒有,
見到有字母蠟燭, 反正要買蠟燭就字母的好了~~~

雖然明天才是正日, 不過怕老公要 ot 所以提早一日
切蛋糕~~~
囡囡見到這個蛋糕時嘩一聲話好靚, 我都好開心~~~
祝囡囡日日都開開心心~~~

2012年6月6日星期三

頂角方包 (老麵種+鮮酵母)

















上次做了老麵冰箱還有存貨, 繼續再用老麵做, 今次調一調
個食譜, 因為上次麵團唔夠多, 所以不能發到可以做頂角方包,
所以老麵再添加一點, 今次好一點, 不過差小小才可以頂角.
麵團好像還是小了一點要再作微調.

用了幾次鮮酵母做包包, 覺得包包比較以前做的, 來得軟熟加
上老麵保水這配搭真係唔錯. 有機會大家都要試下用鮮酵母.

老麵種 (食譜來源是跟專業麵包制作做)
高筋麵粉 200g
溫水 120g
酵母 3g
鹽 3g
糖 3g

做跟平常做法一樣將麵團搓成成不痴手麵團及發酵 (當然可
以放麵包機搓麵團及發酵).

完成後排氣及分成 50g 一份, 用保鮮紙包好, 可放冰格保存
約一個月 (造些都是之前在網上找到的保存方法).

主麵團

高筋麵粉 270g
蛋一隻 + 水 總重量為 165g
鮮酵母 6g
鹽 5g
糖 30g
牛油 30g

老麵種 100g (可撕成數份加入主麵團)

將材料放入麵包機搓及發酵, 完成後再將麵團取出排氣分成二
份滾圓鬆弛10 分鐘, 將麵團擀成長條卷起放入方包模內發 9 份
滿再加蓋, 200 度入爐 30 分鐘即成.

2012年6月4日星期一

牛肉餅@ 免油氣炸鍋


















本來想做個牛肉餅, 搓好後做成丸子後再壓平, 但係炸完之
後竟然變左球型, 莫非我真係咁叻可以做到小丸子, 哈哈!
唔理咁多還有材料係度, 可以真真正正做個小丸子.

係凍肉舖買左 D 幾片牛柳, 這些品質係麻麻地不過是尚品,
好普通既貨式, 所以多數用作漢堡扒.

材料:

牛柳二片
木薯粉適量
水小許

醃料 : 豉油, 糖, 雞蛋半隻

牛柳洗淨啄碎, 加入醃料醃過夜, 氣炸之前加入木薯粉小許
及水小許(喜歡的話可以加即磨黑椒粉勻後撻數次, 再將肉
團分四份約乒乓大小再壓扁. 放入已預熱的 Airfryer 180 度
10 分鐘即成.

可以加茄汁拌食更添風味!

方包(老麵種+鮮酵母)


















最近都在用鮮酵母做包包, 感覺得特別軟熟, 而且發酵比平
時快一點, 如果用直接法感覺切包包時會比時多麵包碎有
點怪怪既感覺, 還是做個添加麵種既包包看看出來效果如何
今次試加老麵, 很耐沒有做老麵, 差點忘記是什麼質感, 今次
這個做出來感覺好好, 又軟熟又有質感, 而且材料簡單做法
又相當之簡單, 非常合我趕時間做包包的需要.

材料 :

老麵種 (食譜來源是跟專業麵包制作做)
高筋麵粉 200g
溫水 120g
酵母 3g
鹽 3g
糖 3g

做跟平常做法一樣將麵團搓成成不痴手麵團及發酵 (當然可
以放麵包機搓麵團及發酵).

完成後排氣及分成 50g 一份, 用保鮮紙包好, 可放冰格保存
約一個月 (造些都是之前在網上找到的保存方法).

主麵團

高筋麵粉 270g
蛋一隻 + 水 總重量為 165g
鮮酵母 6g
鹽 5g
糖 30g
牛油 30g

老麵種 50g (可撕成數份加入主麵團)

將材料放入麵包機搓及發酵, 完成後再將麵團取出排氣分成二
份滾圓鬆弛10 分鐘, 將麵團擀成長條卷起放入方包模內發至二
倍大, 180 度入爐 20 分鐘即成.