2009年6月24日星期三

蒸饅頭(下集) - 食物處理器





剛蒸好的樣子.......



只有一兩個見到外圍係無一圈圈, 其它仍然係圈圈咁....



再睇入面覺得點呀??

今次用埋上集放在雪櫃裡麵團, 上次見飯煲放不下全部所以做了一半, 又想試下放係雪櫃同卷好即蒸有何分別. 我可以講比大家知係有的.... 感覺上係鬆軟過即做, 可以係發酵時間的問題. 今晚家裡開了冷氣所以麼房一點也不熱, 比較有心機擀開麵團. 就請大家指教下我. 謝謝!!

2009年6月22日星期一

蒸饅頭 - 食物處理器



晚上影相時顏色好黃.

今晚閒閒地整下蒸饅頭, 影相出黎的色偏黃, 無心機再影. 仍然係卷得唔夠實所以見到一卷卷. 另外我又攪作一通,  饅頭用了高、中、低粉, 係
咪好特別呢? 說實話是我沒有足夠的中筋及低筋粉, 所以加埋高粉籌夠數吧了. 試食了一個都幾軟熟, 不過仍然是不滿意, 要多操練先可以.

食譜跟之前做的 饅頭食譜 做了一點改動, 粉是中筋+低筋 160g, 高筋 140g, 還有椰汁只用了 50 g 再加水 100g 做法跟以前一樣, 只是用了食物處理器打麵團, 連打 3 分鐘即可以發酵半小時. 再擀薄後卷起切粒, 再發半小時放入已預熱了的電飯煲用蒸的功能 8 分鐘即可.

2009年6月20日星期六

綠茶甜粟子包 - 食物處理器 + 焗爐



我實在太懶了

已習慣一次過搓粉做兩款包

上次買的甜粟子茸還在未用完

好今次再用綠茶配甜包正.....

包底當然是用甜麵團 190 度焗 20 分鐘.

綠茶頂角方包 - 食物處理器 + 焗爐


影出效果顏色很似不太綠, 實物所見是青草綠, 用上甜包底做, 味道只有小小的綠茶味.... 依然死牛一邊頸用食物處理做, 同樣是預先混合好材料 (牛油除外) 後再放入處理打麵團. 我是個不太要求的人, 所以有小小膜都 ok, 而且非常十分快三兩分鐘已經可以完成搓麵團工作.


大家可能會發現我用新玩具的時候總會不斷不斷試. 試到滿意為止.  今次又有點痴模, 用時發現好似下火不是太夠火力. 所以焗出後底部唔有太上色. 今次我打的粉是 400g 加左 2 茶匙綠茶粉,  300g 麵團放入方包模 210 度焗 30 分鐘.


2009年6月15日星期一

天使蜂蜜蛋糕 - 食物處理器 + 焗爐





出爐啦..... 原來我整得仲未夠平均, 入面有窿窿.



食物激鬼器打得唔錯好綿細.


入面都唔錯.

在網上找來一個食譜試一試做出來如何, 說穿了是一個蛋白蛋糕. 補做當是生日蛋糕送比囡囡. 雖然沒有任何裝飾, 可借太甜應該要減一半糖同蜜糖應該會好好多, 今次我借用光波爐的廚寶焗, 甩模都無太難, 比起上次跟光波爐做的雞蛋糕容易甩模. 食味感覺有點像棉花糖. 這個份量比較多, 可以減 30% 會比較好.

天使蜂蜜蛋糕 - 光波萬能煮食鍋(光波爐) + 食物處理器

低筋麵粉 100g

蛋白 270g

檸檬汁 1 大旨匙 (原食譜為 1.6G塔塔粉)

糖 120g

蜂蜜 55g

鹽 1.6g

麵粉過篩備用, 蛋白回至室溫放入食物處理器用中速打至大泡泡, 加入 1/3 糖, 再打至小泡泡, 再打均濕性發泡後將糖及蜂密加入打, 改慢速打起光滑細緻. 取出加入麵粉用刮刀輕拌勻. 將麵糊倒入中空模中表面抹平.

放入預熱焗爐 170 度焗 30 分鐘, 出焗甩扣至涼才可脫模.

2009年6月14日星期日

朱古力雪糕 - 雪糕機



今次個雪糕有點無譜的感覺, 因為睇了幾個食譜後都無一定的定案, 所以亂作一通, 將自己想到的加左一起. 天氣熱食點冰點好了, 前兩個星期回娘家, 媽媽給了一大條朱古力條說是我表姊係加拿大帶回來的, 因為實在太大條媽媽叫我帶回家用了佢.  

原本上星期已想將這條朱古力處理它, 但是家裡沒有奶無做到. 今次做得不夠好, 因為放材料後發覺不夠所以再加了牛奶導致朱古力不夠. 好下次還要加棉花糖及果仁好讓將它繳成石板街.

朱古力雪糕 - 雪糕機

朱古力磚 100G (下次可以再加多一點 200G 都可以)

淡忌簾 250G

奶 250G

可可粉 1 大匙

蛋黃 3 個

先將朱古力隔水加熱至溶將蛋黃逐小逐小加入攪勻, 攪勻後將出加入可可粉、奶及淡忌簾攪勻, 放入已雪好的雪糕機座內, 攪拌至膏狀及傑身.

2009年6月13日星期六

朱古力雙色方包 - 食物處理器 + 焗爐



嘩.... 估唔到卷得幾好.....不過壓得唔夠平均有部份有窿出現


昨晚太急又已經夜, 所以未發得好夠已將它送進焗爐

這個雙色包很久以前見網友月希做的時候已經想做, 不過當時未有朱古力粉, 剛好見到網友 JOJOMAMA 做朱古力包, 令到我有衝動想做雙色包.



食譜一如以後用甜麵團, 共實只要你喜愛那一個甜麵團的味道便可以加入自己喜愛的餡料作變化. 做法跟平一樣搓好麵團後磅好所需要的麵團分量, 再將麵團一開二, 其中一部份是比較重大約 20-30G 左右, 將細份的麵團加入一湯匙的無糖的可可粉搓勻作第一次發酵, 兩份麵團做好第一次發酵後, 將麵團壓平成長型(留意比較重的麵團要壓得比輕的麵團為長), 將普通麵團放底要, 再將朱古力麵團放面, 記得放好後要再壓實一點 (壓得唔夠貼的話會很似我這個麵包咁有窿啊!), 卷起發至九分滿, 入已預熱焗爐 210 度焗 28 分鐘.

2009年6月10日星期三

偷懶的雞尾包 - 食物處理器 + 焗爐


出爐啦.... 因為是低溫發酵所以仍然是有豆皮


食落好有彈性......

昨日發現雪櫃仍有雞尾飽的餡料, 但不太多所以只加了牛油及椰絲, 所以餡料沒有之前的那麼甜, 所以囡囡都話好食唔太甜. 今次食落包包好有彈性, 不知道是否因為用了食物處理器的關係呢??? 呢點我真係唔知.

食譜是跟上次 疑似雞尾包 還是偷懶表面沒有加墨西哥油, 而搓麵團部份改用食第處理器做, 做法是先將所有材料除牛油外, 在鋼盤預先混合好材料再放食第處理器搓, 這點很重要如果沒有預先混合好才放入機搓的話, 相信你有三分一的材料會自動失蹤, 攝了入軸心入面. 另外攪打的時間就不可以太耐否則會過熱.

買了這機的時間已經很久, 當時買佢是想搓麵團應該有幾年時間. 現在算是解決了問題, 可以用作搓麵團, 感覺上可以再好一點, 我想要花多點時間去研究一下.

2009年6月7日星期日

有感而發

人與人之間的溝通不是一件易事, 人每日都要面對不同的溝通問題, 與家人、親友、朋友有時要顧及它人的感受, 講說話時不得不小心. 感覺會否好假呢? 我有一位朋友係高手, 這位朋友是我的舊上司, 她的變面術真是令到我甘拜下風. 這分鐘可以面對你和藹可親笑容可掬, 但是內心其實是快要炸開的樣子. 還好她在我和其他幾位好同事面前是絕對可以用真面目來對待我們. 所以到了今時今日大家可以做朋友. 呢位朋友的 eq 真係很高很高, 看來用二十年時間我都不會覺得到.

在網上與人溝通還要難有時往往就會產生誤會, 不是三言兩語就可以解釋得到, 信與不信同樣會令到人誤會. 有時又會因為做好心而引起更加多的誤會, 所以有人會說千萬不要做好人, 做好人未必是件好事還會越描越黑, 誤會亦都會更深. 同樣有人將別人捧到如神一樣, 而很多人又覺得不外如是但怕會得罰人而不感言.

無喱新意之頂角方包 - 食物處理器 - 焗爐



得左.... 今次顏色不太淨表皮比較薄


睇下入面..... 都唔錯喎

今次跟專業麵包的食譜做, 用了雞尾包的麵團做包底. 特意做兩倍分量, 一部份做方包一部份做了雞尾包及粟子包. 又有份執著堅持用食物處理器搓麵團, 仍是在研究中......

天氣做麵包真是有好處, 發酵時間比冬天短很多又無用加速發酵 - 坐暖水 / 放在焗爐加熱水保溫...... 不過我做這包時家裡開了冷氣, 廚房亦涼浸浸, 發了好一會才發現自己很蠢浪費了時間, 終於放了入沒有冷氣的房內, 一陣間就發好. 之前網友 tammy 常常告訴我用的溫度太高, 好今次聽佢話低一點用了 210 度, 出來不差皮亦比以前薄一點.

包包出來好軟熟.

無喱新意之頂角方包 - 食物處理器 - 焗爐

高筋麵粉 200g

糖 40g

奶粉 6g

吉士粉 6g

依士 3g

水 100g

牛油 20g

蛋 30g

除牛油外將所有材料放入鋼盤才混合, 再放入食身處理器搓 30 秒後再加牛油, 搓分半至兩分鐘查看麵團有否薄膜出現, 如未有再多搓半分鐘即可. 搓好後發酵麵團至兩倍大, 分割麵團將 300 g 剛好合我的方包模.

預熱焗爐 210 度焗 25 分鐘.

2009年6月5日星期五

肉鬆包 - 食物處理器 + 焗爐


滿佈豆皮的包包, 沒有辦法用低溫發所以........



今次包好沒有再搓圓一點所以入面有卷的型態.

昨日做完 pizza 之後再做肉鬆包, 當我取出肉鬆時發現為何盒肉鬆只餘下一半, 我還記得上次做完只用左 1/4 左右, 為何會小了, 一定是為食囡囡的傑作. 只好怪我我沒有好好保護我盒肉鬆隨意放在卓子上, 所以....... 哈哈不打緊了, 放卓子預了它會隨著時間的過去慢慢消失了.

食譜是用 芝麻卷 的食譜預熱焗爐 190 度 20 分鐘

2009年6月4日星期四

pizza - 食物處理器 + 焗爐




嘩.... 出爐啦.....


搓完後有膜... 只用了分半鐘時間

又再繼續玩食物處理器搓麵團, 雖然搓出黎唔夠 ka / km 咁靚, 因為部機係用膠刀搓所以會將麵團搓會有一點好像割開麵團, 但係如果再用手搓幾下都可以. 連續用了幾次開始有小小信心掌握到部機搓麵團. 有小小感覺我的麵包機會比我打入冷宮的感覺, 很像一雞死一鳴.

早兩星期買了一條特價的沙樂美腸, 已想了很久用作 pizza 餡, 今日終於得賞所願. 很開心今日機緣巧合可以做到.

食譜 pizza 食譜 餡料用 : 沙樂美腸, 粟米, 茄汁, 芝士碎.

2009年6月1日星期一

亞麻籽包包+粟子茸包包 - 食物處理器 + 焗爐





孖寶出場......


入面好軟熟......

一直以來我多數都係專業的麵包食譜做包包, 不過我以沒有吉士粉, 因為當年要買焗爐的材料不易, 所以我一直都省卻了沒有用. 直到最近見網友阿 wing 話包包加左吉士粉包包很鬆軟及可以保持軟熟三天, 我聽到當然都要試下, 而且回家時在西鐵站入面一家店舖有得賣, 好買一罐試下.

今次又用食物處理器去搓包, 今次我恨勁地有頭至尾打了 3 分鐘, 其實大約 2 分鐘左右已經有成型及有小小膜. 不過我還是死硬想試了要打 3 分鐘就打 3 分鐘, 當中也發現了何時為之得何時為之打得過火. 我想還是 2 分鐘左右停一停後再打會比較好, 因為連打 3 分鐘會過熱, 現在麵團還可以.

亞麻籽包包+粟子茸包包 - 食物處理器 + 焗爐

高筋麵粉 300g (先過篩)

糖 60g

奶粉 6g

吉士粉 6g

依士 3g

溫水 150g

牛油 20g

蛋 30g

餡料 : 粟子茸 / 亞麻籽

除牛油外先將所有材料混合再放入食物處理器, 打 1 分鐘再加 牛油打 2 分鐘, 即可進行第一次發酵至 2.5 倍大, 分割成數分鬆弛 10 分鐘. 加入餡料滾完再發至兩倍大.

190 度 18-20 分鐘

南乳雞翼 - 光波萬能煮食鍋 (光波爐)



很久沒有食雞翼, 而且上次有餘下小許的南乳放在雪櫃, 不要浪費它用作醃雞翼好了. 今次自覺光得不錯, 最起碼沒有燶了, 快靚正簡簡單單光了就食得.

南乳雞翼 - 光波萬能煮食鍋 (光波爐)

雞翼

醃料 : 南乳, 生抽 (如果想色水靚一點可以加小小老抽) 糖, 生粉及麻油,

將雞翼放入醃料醃一小時以上.

光波爐高架 250 度 7 分鐘反面 5 分鐘即成.