切好麵風乾
大家好疑惑常常會問壓麵機要夾在枱上
廚房根本找不到有利位置
今日黎個大揭秘只要搵到位放壓麵機
拉開廚房的櫃門櫃桶門就已經有足夠位置夾到
係咪好奇怪呢?? 點解托盤下面有執板
因為個洗手盤係左右大細要就自己攪手位....
個洗手盤中間有個不平既位所以放塊板好似安全一點
今次放入麵包機搓
實在太無謂搓黎都無用
因為分量啱的話出黎都係碎碎
一樣用手壓一壓再搓幾下就光滑
(害我要洗多個麵包機兜)
食譜跟之前個個只係做法改了一點
材料 x 2 一樣用semolina 杜蘭小麥粉攪到碎碎後
用手壓一壓再搓成團同光滑
真係好快易過搓麵包
跟住用保鮮紙包好再放雪櫃一小時
雪好後取兇麵團分成四分
取一份壓麵皮其餘三分要包好以免風乾
由 1 度開始壓每 1 度數壓時幾次至表皮平滑
今次用只壓至 3 度後切麵加點粉以免麵條痴左一起...風乾
過兩日才食到時試後再話比大家知點.
加埋試食 : 麵條仍有小小硬..... 效果仍未做得好.... 下次試下加一點中筋/低筋睇睇效果如何.....
好利害呀..壓麵機都有..
回覆刪除[版主回覆04/18/2011 16:45:00]邊係呢~~~
哈哈哈~過咗十日 lu ~ 吃咗未 jet ~ 等緊你嘅食後感啊~ 呵呵呵 ~
回覆刪除[版主回覆04/27/2011 12:41:00]撞鬼囉....比你發現左添... 仲未食 本來想昨晚食架啦.... 個胃同d腸都唔妥... 所以昨煲粥(用高速煲)<--- 特意咁講等你又試下用你個高速煲玩下.....
祝早日康復~ 哈哈哈~引我吓話~ 我仲未試用個煲嚟煲粥啊~ 你係咪都係用緊 Fissler 呢?
回覆刪除[版主回覆04/27/2011 13:45:00]fissler 舊款...... lagostina 都有各有各好.....
好野, 好日唔黎, 一黎就有收镬啦, 我叫我老公睇下你部壓麵機, 睇完佢大我話: 買囖. 跟住我話: 好呀, 買咪買囖. 我都諗住係淘寶買一個番黎. 我老公話: 唔好買大陸野, 怕佢那層"道"得唔好. 會食死人. 我: 咁係永安買呀? 18號做特價呀, 7折既話420蚊度啦. 我老公話: 買囖.
回覆刪除hahaha 個7折係我隨口嗡咋, 所以18號真係要去永安睇下佢有無做7折先, 有既話就可以買啦, yeah!!
[版主回覆05/17/2011 22:04:00]有折都無折咁多.... 真係比你笑死
正題, 點解你d意粉好似唔駛落乾粉咁既??
回覆刪除[版主回覆05/17/2011 22:00:00]漏左無打... 落很小...... 因為都幾乾身下.....唔該晒你提我....
講你都唔信, 永安今日開始做大減價, 我頭先去左睇下部機, 真係有7折呀, 所以....................而家已經係我手上啦. 最抵死既係........我尋晚都諗住唔會有7折咁多, 都係8折, 咁我又唔係成日整麵, 所以都同我老公講, 都係唔買住啦. 點知今朝真係俾我見到7折, 咁好明顯呢d係天意啦, 咁無理由逆天而行架, 會被雷劈架. 哈哈哈哈.
回覆刪除[版主回覆05/18/2011 12:19:00]咁六合彩開咩 NUMBER
你見尋晚個期六合彩無人中, 你就知道我..........up唔中d number啦!!
回覆刪除好搞笑, 我老公睇完我個blog個新玩具既相, 佢打黎話: 嘩, 抵呀, 好似部benz 咁正呀! 應該話似賓利多d. (因為佢話d 綱水好似好靚喎)
[版主回覆05/18/2011 16:17:00]我講下期開咩