娘惹咖哩雞扒

看顏色好像很辣其實不是很辣

這個就是我用的娘惹咖哩醬

味道不錯

心中盤數好做咖哩, 昨天到街市買好材料, 做日式的嗎? 自己都攪不清楚, 到了準備烹調的時候如夢初醒, 冰箱裡還有一樽開了封的娘惹咖哩, 打算今次可以用完. 結果加了 3 匙食飯用的西式鐵匙後已經夠味, 所以應該還會出現娘惹咖哩. 

咖哩好好味非常下飯, 小小一點已經可以把一飯吃下. 辣得黎又唔會只得辣字一個. 娘惹咖哩用料是亞洲的香料 (大隻乾辣椒、乾葱頭、蒜頭、馬拉盞、黃薑、芫荽籽、小茴香籽、茴香籽、香茅) 所以跟印度咖哩的味道不一樣, 辣辣好野味~~~

材料 :

雞扒 二塊

薯仔 一個中型

紅蘿蔔 半個

洋蔥 一個

娘惹咖哩 2-3 大匙 

椰汁適量 (不加也可以)

雞扒洗淨切開二大件, 抹乾水份備用.

薯仔及紅蘿蔔洗乾淨去皮切件備用

洋蔥去衣去頭尾, 再一開6份備用.

燒熱鑊後加小小油 (不用太多因為雞扒會再出油), 將雞扒皮的部份向下放落鑊煎至兩邊金黃後取出, 再切細件.

將洋蔥落鑊炒至軟身及變微黃, 加入薯仔及紅蘿蔔炒勻, 先加入娘惹咖哩 2-3 匙炒勻, 以所有材料勻可占上娘惹醬為再炒至有咖哩香味後, 再加入雞扒及熱水一飯碗水, 拌勻後轉小火, 煮至薯仔熟透及汁料收乾一點後, 熄火加入椰汁拌勻即可上碟.