飯團

你睇下 Cony 見到飯團幾開心想食~~~

試新嘢~~日本免洗米

做飯團的模子

米粒細細圓圓的

放入一個團飯

蓋上壓模的蓋再用力壓下

拿開蓋子反轉模子

後面推一下中間的部份

飯團馬上跑出來好方便

話時話咁大囡真真正正第一次食到日本米, 以前只買過珍珠米, 跟現在相比真係兩回事. 普通超市買到的那種應該是日本品種在異地種植的米. 米粒比看上去很細小, 但是煮成飯後大了起碼一倍大, 日本米的甜度好高黏度好好, 雖然無泰國米的飯香味, 但係甜味十足, 難怪日本人可以食得咁清淡, 單單食紫菜飯團已經足夠.  

香港人真係對日本又愛又恨, 愛佢地的專注做事夠認真, 恨.......... 大慨現在是福島的問題, 食唔食好呢? 這款免洗米來自北海道, 跟福島有一大段距離應該安全的. 我真係鄉下婆, 原來有免洗米, 日式超市有好多唔同牌子在賣. 

今日預習一下做飯團, 之前阿囡已經叫我做便當帶回學校做午餐, 大家都知道學校飯商的飯有幾好食, 相信好多有小朋友的家長應該好清楚. 我一直拖著因為香港天氣熱又潮濕怕便當會變壞, 現在天氣轉涼而且很清爽, 可以試下做便當. 之前有試過做飯團但是只用家裡的泰團, 是什麼效果? 當然是難做因為泰國無黏度做起來比較易鬆散, 今次用日本米方便很多, 因為黏度夠加上有模子幫助非常順利完成一個.  想一想加上免洗早上起床煮飯再梳洗, 換好衫後飯應該差不多熟, 放涼一點加飯素做飯團, 也不佔太多時間, 煮早餐時順道可以煮一點點餸及菜很快完成. <<< 幻想中.......... 希望唔太難...... (有點擔心)

材料 : 

免洗米 一杯

水 適量 (跟飯煲的水線放水要調一下水量)

酸梅飯素 適量 (日式超市有好多唔同選擇)

準備一碗凍滾水 

煮好飯後加入飯素拌勻後, 放涼一點後可以製作.

雙手沾一點凍滾水以防飯痴手, 取一小團飯用輕壓一團後放入模子, 加蓋壓實後拿開蓋子, 反轉模子後面推一下中間的部份, 取出飯團即可.......