2009年12月30日星期三

紅紅爸的 bbq 雞翼



光好啦.....


放醃料撈勻後放入保鮮袋



係網上搵到的資料係建議放入保鮮袋後放晒所以氣咁醃比較均勻


家有天台後只試過兩次 BBQ 兩次都係在街外買現成的回來燒, 今次想試下自己醃, 在網上又沒有太多資料, 所以上 FP 問下網友點醃先好, 好在網友紅紅推介她爸爸的美味燒雞翼的醃法. 放好醃料已經覺得好香, 真是不用食已經知好好味....
多謝紅紅同佢爸爸.....

真係好食到唔停口..... 囡囡仲掛住食晒雞翼餘番一大碗飯未食....
整得實在太小.... 唔夠喉.

紅紅爸的 BBQ 燒雞翼

雞翼
豉油雞汁
勁多乾蔥頭
少少糖
紹酒
黑椒醃

30mins-1hr就得!(紅紅爸話唔好醃咁耐唔係會好咸, 雖然我醃過夜但係味道好好)

燒到熟就搽蜜糖同加黑椒再燒多陣

光波高架 230 度 7 分鐘反面 5 分鐘, 加蜜糖及黑椒光 2 分鐘再反加蜜糖及黑椒 2 分鐘

2009年12月27日星期日

煎牛扒


早前係凍肉舖買了件安格斯牛扒

見老公放假所以終於捨得食左佢,

煎前簡單的用灑上小許鹽及即磨黑胡椒,

在牛扒邊位切去肥膏放入平底鑊煎出油

全程用大火後放上牛扒煎到見到邊位部份有 2/5 變熟後

反面煎二至三分鐘左右即成


2009年12月25日星期五

第二代陶瓷刀


追加了前蘋果後的狀況



上年工展會已經想買不過怕跌爛所以沒有買,

今次再見到出了第二代不怕跌爛所以買了下來,

三百個大洋大陸做一大一小送二個刨再加刀座, 價錢都 ok.

已經試用過切嘢一流不用太大力已經切到,

好利好好用.

P.S. 有網友通知我見下面的對話, 原來把刀都係會跌爛, 但係刀佬肯更換一次.


工展會


每年都會到此一遊的地方

今年入左好幾樣貨是想買了好耐的貨

麵包袋係因為為了個袋而買(入面好多餅食)

地拖想買了很耐因為之前見沒有送多一個頭套裝今次有買了

另外湯包好抵買

還有陶瓷刀上年已經想買但係怕跌爛沒有買出了第二代不怕跌

平安夜的聖誕大餐


一百個大洋的雜錦剌身




雜錦天婦羅放得樣衰衰

平安夜沒有跟別人一樣食自助餐或聖誕大餐,

因為在人多的日子去食, 食物質數及服務都會跟平常不一樣的好,

聽完網友意見後還是到往常老公及囡囡喜愛的壽司店食好了,

雖然它只是一間迴轉壽司, 但是食物的新鮮度及味道都無錯.

好了聖誕節叫豪一點來個雜錦剌身.



2009年12月21日星期一

香煎紐西蘭青衣魚柳




最近 Family Paradise 興起一片每日一煮熱潮, 每日一個主題, 大家落足心機烹調主題又可以取長補短, 參考一個別人所煮的菜式。 大家除了有自煮菜式, 亦可以參考別人的菜式, 從中互相交流學習。 最初是每日預告明天主題, 到最近壇主還體貼地預出下星期的主題, 更方便上班族可以星期六、日選購下星期的菜式。

香煎紐西蘭青衣魚柳

紐西蘭青衣魚柳一件



胡椒粉

生粉

先將魚柳洗淨, 隔去水份, 加鹽及胡椒粉醃半小時, 再隔去水份, 燒熱油鑊, 再將魚柳占上生粉拍去多餘的粉落油鑊, 煎一面幾分鐘至金黃, 再反面轉另一面至金黃, 其間不要心急反來反去, 只需用鑊摌了起小小睇, 如果摌不起就不要睇因為未熟...

2009年12月17日星期四

木耳蒸雞



好耐無蒸雞星期日在街市一間看似高級的舖頭, 利用自己創做的怨凍風乾雞, 買了一隻加拿大的急凍嘉美雞. 有點可笑有新鮮的不買還要買加拿大入口的, 不過這隻雞比起本地賣的是大一點, 雖然已經變成急凍, 但是不失鮮味. 半隻雞我跟囡囡分享. 還有囡囡至愛的爽脆木耳。

木耳蒸雞

雞半隻 (加拿大急凍嘉美雞)

木耳

醃料 : 豉油、糖、生粉、紹興酒

將雞洗淨加醃料醃半小時後, 加入木耳拌勻, 燒熱一窩水滾大火蒸十分鐘即成。

2009年12月8日星期二

十五.... 一個數字代表了什麼?



十五代表了什麼, 代表著不同的意義? 人生裡面有幾多十五年呢?? 無人會答到你, 因為人的生命長短不能由自己決定. 但是十五年的婚姻的確在現今的社會裡可以說上是一個算得上長的日子. 當中小不免會有爭吵、有苦、有樂、有錢、無錢, 無論日子是如何過, 從中大家互相忍讓、互相扶持度過了十五個年頭不是一件易事. 雖然老公今日遲放工未能一起食晚飯, 但只要我一句老公馬上買了個芝士糕回家一起食消夜, 未食已經甜到漏. 希望第時我能夠好似街上的公公婆婆手拖手在街上漫步.

阿囡下次你唔好再咁啦.... 唱生日歌仲自己吹埋蠟燭!!


結婚十五週年紀念

2009年12月6日星期日

柚子麵包 - 食物處理器


包包出爐啦...


入面好軟熟.....


織呀... 織呀.....




廚具開倉入左貨用下新焗盤

昨天去完廚具用品店入貨, 初時只是知到唧袋有特價很平, 原先只是想買完走人, 誰知道見到很多焗爐, 相信喜歡烘焙的朋友一定唔放過, 因為實在太抵買.

見網友 TAMMY 做起柚子包, 心郁郁想做, 偷了師再加上我亂作一通做出來. 好在出來較果不錯, 很有柚子香味..... 還用了新焗爐焗.

柚子麵包 - 食物處理器

麵粉 300G (過篩)

奶粉 8G

吉士粉 8G

酵母 1 茶匙多小小....

柚子蜜 60g

水 90g

蛋一個

牛油 30G (後下)

先將柚子蜜及水攪勻再將所有材料 (牛油除外) 混合, 放入食物處理器搓一分鐘再加入牛油, 打 2-3 分鐘, 取出放入鋼盤進行第一次發酵至 2 -2.5 倍, 之後取出拍扁放氣, 分割成四份, 靜止十分鐘後, 再將麵團搓成長條, 再將四條麵團織起, 放份焗盤進行第二次發碟至 2 倍大, 入爐前表面搽上蛋計已經預熱焗爐 180 度 20 分鐘即成

2009年12月3日星期四

朱古力奶



自從有可可粉在家

已經沒有再買即沖的那種

一來價錢貴

二來很快用完一罐

反正家裡有材料可以用上

脫脂奶 4-5 殼 + 2 茶匙可可粉 + 糖 2 茶匙

先將以上材料混合滾水一沖

即有香濃的朱古力奶飲用

分量可以自行調節.

2009年11月29日星期日

朱古力包 - 食物處理器


無理新意不知要做怎樣的包好, 家裡有可可粉, 好加一點做包包, 外型沒有太大變化, 一半作方包一半隨意滾入爐好了.  開始覺得做包無新意有點悶, 要去發掘一些新的包包.
朱古力包 - 食物處理器
水 200G

蛋約45G (一個)

高筋麵粉 350G (要過篩)

可可粉 50G (要過篩)
奶粉 12G

吉士粉 12G

酵母 1.5 匙

糖 50G

牛油 40G (麵團打至成型才加)

先將麵粉及可石粉拌勻, 除牛油外將所有材料加入鋼盤, 水份不用全加留起小部份, 用飯殼拌勻水份如不足逐加入, 再用手搓成一團, 放份食物處理器搓一分鐘加入牛油差約二分鐘左右即成, 將麵團取出弄成球型放回鋼盤封保解紙, 將鋼盤放入飯煲面加布蓋好待發酵, 完成第一次發酵取出拍扇放氣, 再分割靜止十分鐘再整型.
方包 : 放入300G 麵團, 220 度焗 30 分鐘
餐包 : 180 度焗 15-8 分鐘.

2009年11月22日星期日

紅豆包 - 食物處理器



早兩天打廚櫃搵東西時發現原來之前係吉之島十蚊店買了一包紅豆蓉, 原本買來一心是用作做紅豆包用, 之前忙完搬家辛苦一輪. 已經忘掉了這包紅豆蓉, 快要到期了, 馬上趕快把宅用完. 打開紅豆蓉跟在外買現成的沒有兩樣, 味道不太甜正合我心意....

麵包底是用雞尾包的麵團, 再加入紅豆蓉做餡. 表面刷上蛋汁 190 度焗 20 分鐘即成

超簡單零失敗之蔗汁大菜糕



脫模後樣子好好....



上面兩個透明的是街買的布丁食後留起至用, 右邊的係幾年前 7 仔的冰皮月餅模, 下面的兩大個 kitty 透明模係陳支記買.

見網友彭豬攪攪做出的蔗汁大菜糕非常靚, 又激起了我內心的一團火, 咁易做咁簡單的小點當然要做一下, 真的無難度十分簡單就完成.
蔗汁大菜糕

蔗汁一支約 750ml (原食譜為 600ml)

大菜糕 10g (超市有售)

將蔗汁煮滾加大菜糕攪拌至大菜糕溶解後放份模子, 待涼即成. 冬天至於室溫中
已經可以, 夏天放雪櫃雪凍.

2009年11月17日星期二

電飯煲發酵法


這個是我近期的最喜愛的發酵法之一

有一天忽發其想放電飯煲不知道會否幫助到發酵

經反覆試驗後是可行

今天氣溫得十一,二度試一下

麵團是用暖水搓再放食物處理器搓

搓好後打開飯煲蓋再放鋼盤入去

用了一個小時多點

如果食完飯飯煲有餘溫應該可以再快一點

還有一點上面加條毛巾會保暖.  

明愛賣物會2009





今年明愛賣物會的最大戰利品

就係這棵聖誕樹

過去一直都不會在家佈置

因為沒有地方和位置可以放聖誕樹

而家有地方而且這棵聖誕機只係一百個大洋

還有燈及一串花十分抵買

2009年11月11日星期三

欠白果的鮮腐竹雞蛋糖水


登... 登.... 腐竹雞蛋糖水



材料就係咁簡單.... 漏了影糖

將鮮腐竹用洗一洗

跟住加入滾水中煮開成米色

加入已烚熟雞蛋及糖多煮一會即可

這款糖水記得很久很久以前有一段時間在公司國內廠上班, 公餘時同事沒有什麼可以做煮這個糖水, 如果用乾腐竹真是要花上很大的時才可將腐竹煮爛. 但是用新鮮的腐足就快靚正.....

P.S. 如果怕寒的話可以加入薑片....

2009年11月7日星期六

又一攪作申縮棍妙用


舊居洗手間的申縮棍

因為平會打開窗又怕出面見到

所以會掛上條毛巾遮擋一下

搬家時又一併帶走

可惜這支棍太短新居沒有一個窗合用

最近的天氣時凍時熱

只穿過一次的不會馬上洗

見到大衣櫃這邊的空位閒置

突然想起這支申縮棍

馬找上找山出裝上原來非常合用

以後可以將暮過又未洗的外套掛在這裡

2009年11月4日星期三

簡單的炆牛腩 - 高速煲



簡單的材料炆了一煲牛腩, 味道亦不錯, 可能牛腩本身味道比較濃. 所以不過太花巧的材料已經好好味. 一早起床準備早餐後, 再將材料放入高速煲加上用電磁爐不用睇火真係方便不過. 對於要返工及要照顧屋企真係非常好. 回家後洗米煮飯, 再番熱牛腩炒兩條青菜又一餐.

簡單炆牛腩 - 高速煲

巴西牛腩一包 (在凍肉舖買)

冰糖 適量 (預先弄碎)

蒜頭  4-5粒

乾蔥頭 4-5粒

豉油 適量

喼汁 適量

酒 適量

將牛腩洗淨備用, 高速煲燒熱加入冰糖加熱成糖漿 (小心太大火會燶) 再將加入牛腩拌勻後煮一吓, 牛腩會自己出水, 之後加豉油、喼汁、蒜頭及乾蔥頭, 最後加酒至牛腩一半高加高速蓋, 待鎖桿鎖好, 30 分鐘自然排氣. 解鎖後番熱試味即成.

2009年10月31日星期六

老外香料炆牛展 - 高速煲




做好啦....


做起切開.... 用新手機影好似爆光咁.... 

本來一心想做五香牛展, 忘記上次用了包五香粉, 唯有亂作一通炆個牛展好了.  之前在凍肉舖買了包巴西牛展放雪櫃, 昨日係冷藏格見到才醒起是上次買回來備用. 好取出解凍. 我第一次做牛展當我打開包裝後見牛展長條外型瘦削, 心想平食的牛展切開一片片係圓型, 點解我的牛展會是又長又瘦的. 唔通因為係急凍貨所以唔同. 唔理三七廿一照整. 做好打開高速煲後, 我的圓圓碌碌牛展返黎啦. 我真係大鄉里一名.

超淋.... 味道亦不錯.

老外香料炆牛展 - 高速煲

牛展兩條

薑二片

汁料 : 玉桂粉 / 小茴香粉 / 大茴香粉 / 豉油 / 冰糖 / 水

將牛展原條洗淨出水備用(不用切),  將汁料煮滾放入原條牛展待汁料再滾起試味, 以不太咸為準, 加高速煲蓋待高速煲上鎖後, 轉細火三十分鐘, 待排氣後再將汁料滾至濃一點, 取出牛展切片上碟.

2009年10月25日星期日

碎窗簾布再變成窗簾布



完成之後才發現好似對到花咁......



買了很久的小玩具終於開齋..... 將碎布車一車.....


廚房的窗是向正正東, 太陽伯伯每日開工時總會照亮我家的廚房, 所以隨手取了之前係的一件廚房抹布掛掛抵擋太陽光照射住我的醬料. 終於等到放假可以做平時無機會做的事.....

上次買現成窗簾布時改短有餘布, 店舖一併將剪出的布交回, 掉了很像有點浪費, 所以放埋一旁....現在想起布料是有遮光布, 可以掛在廚房用.

好馬上找回衣車仔! 弄一弄馬上成為廚房用的窗簾布. 上面好像是對了花, 其實我車的時候是沒有留意圖案, 只是想車好可以遮一遮這個位可以了.

改良的甜腸仔包 - 光波爐 / 食物處理器



今次用光波爐焗包



用光波爐焗的包底會係白雪雪 (廚寶除外)...

話說中秋八月十五當日在家的天台 BBQ 買了很廚師腸 BBQ, 不知道是否很久沒有食過.... BBQ 完之後發覺味道好咸, 屋人兩口同聲話我熱氣. 我自己又不覺得熱氣. 好上次做包時將餘下的腸做了包包, 食時同樣很咸. 於是上網問大家, 果然不是我有問題, 係腸仔的問題. 今次買另一牌子的蜜糖腸, 又將咸包底換了甜包底. 今次應該不會再有差了.

今次再用火波焗包是因為早前網友有疑問, 反正包已做好就請光波出動讓為我焗包. 甜麵包底的食譜可參考 椰茸檳 第一次發考完成分割靜置 10 分鐘, 再將麵團搓成長條再卷在腸仔身上, 再發酵至 1.5 倍大, 入爐前搽上蛋汁,  180 度焗 15-20 分鐘

2009年10月18日星期日

風乾雞肉乾 - 光波萬能煮食鍋 (光波爐)



阿肥的小食已食光光, 再做風乾雞肉比阿肥食先. 在街市的凍肉舖買了一包雞柳, 昨日預先放在雪櫃普通格解凍, 今早取出洗淨雞柳放架上隔水, 再將雞柳一開二或三, 再放架上之後出了街幾小時後回家, 發現雞肉已經變成好乾身, 可能今天天氣乾燥所以風乾了一部份.

跟上次一樣自制多層架放了三層, 用光波爐的焗乾制 70 度光了兩小時, 先用筷子插在爐蓋與玻璃兜之間, 跟光波爐出現隙縫好讓水份可以蒸發. 個半小時將筷子取出蓋好蓋子. 因為當時食晚飯中, 所以實際可能不需要兩小時應該可以做好. 今次又有新發現慳回不小時間.