爆谷

常常都會做這個自家制的爆谷, 只要掌握到時間得宜即可食到美味的爆谷。 發的時間只係數分鐘, 這個小點都是囡囡的至愛, 講起來囡囡都係一個為食貓, 差不多所有放得入口的食物佢都會全部食晒。 而且囡囡的消化力都幾驚人, 放假在家就會食不停, 幸
好囡囡食唔肥否則就大件事。

爆谷 (一碟的份量)
爆谷豆 (用一隻手攞起的份量)
油 / 牛油
糖適量
用一個煲仔大火落油 (如用牛油需要用少許油已免牛油揮發掉) 落爆谷豆, 加蓋待聽到有爆開的聲音時就可以拿起煲仔搖動及轉細火, 待爆開聲減少時可息火再搖多幾次, 沒有聲即可打開蓋, 加糖再開火兜下爆谷待糖溶掉即可 (也可以將爆谷取出, 將糖熱溶焦糖再加爆谷兜勻) 即可成為美味的爆谷。