蘿白牛腩 - 高速煲

很久以前已經想煮這個蘿白牛腩, 以前不懂得選擇蘿白, 後來與一位網友傾談後才知道選購蘿白時要揀外表白淨及少根, 食起來才會無渣. 今次做這個牛腩時我無用
到傳統的汁料, 因為我忘記要買花椒及八角, 只好係廚房裡找到一些五香粉、玉桂粉等做汁料. 而做出來的味道也不錯, 連一向不太愛吃蘿白的囡囡今次都食到停唔得口.

蘿白牛腩食譜 (用高速煲做) :

坑腩                一斤
蘿白                一條   (如喜歡可以加紅蘿白)
薑                   3-4 片
蔥白色            5-6 條
乾蔥頭            3-4 粒
生抽及老抽     適量
五香粉            適量
玉桂粉            適量
糖                   少許
冰糖                適量
酒                    少許 
豪油                1-2 匙

做法 :
先將坑腩洗淨切件, 要切得比較大件 , 加少許生抽、老抽、糖及生粉醃半小時.
落油燒熱高速煲, 依次序先爆香薑、乾蔥頭、蔥白部份, 落牛腩爆炒加水到牛腩一半高度。
再加生抽、老抽、酒、豪油、玉桂粉、五香粉及冰糖, 再檢查現在水位高度, 差不多同牛腩一樣高即可, 如想加紅蘿白就要現在一起加入煲內.
待水滾起試味, 如果味道不夠可以再增加調味料份量.
關好蓋待高速煲發出吱吱聲後轉細火 20 分鐘後排氣後加入蘿白, 關好蓋待高速煲發出吱吱聲後轉細火 10 分鐘後息火待自動排氣即成美味的蘿白牛腩.
食前再加熱係可.....

****白蘿白因為比較紅蘿白快淋, 所以不適宜太早放.