牛肉漢堡

很久沒有做過漢堡, 買了些牛柳突然想食漢堡, 平時只會用普通牛肉做, 今次第一次用了牛柳食起來比較滑不會鞋口。 最近這一年用來炒的牛肉都是用牛柳, 因為食起來出較淋及滑, 但係價錢以 $10牛柳同普通牛肉比較牛柳細普通牛肉大約五分二左
右, 因為不是常做牛肉的菜色, 所以貴少少都無所謂.

牛肉漢堡食譜 :

牛柳 $10
洋蔥半個
麵包糠適量
醃料 : 生抽、糖、生粉、油適量

牛柳手啄啄碎, 加入醃料攪拌, 再加入洋蔥碎及麵包糠攪拌至有少少起膠, 將肉餅撻幾下等佢有彈性後入雪櫃半小時.
雪好後分成如兵兵波一樣大小, 再壓上麵包糠厚薄隨意, 可以炸或用煎 pan多少少油半煎炸…… 食時可點上番茄汁更加美味.

** 如用油炸在起鑊前大火 30 秒可迫多餘油份出來.