椰汁饅頭 - 麵包機(搓粉)

左上角係頭尾餘料, 是旦滾圈反面最靚, 右上角係壓平卷起, 中下係無壓平將佢有麵圈搓到長條切...... 用左全低筋, 一來家裡無中筋, 二來 tammy 大師話低筋會白 d 所以用低筋, 食過都軟身不過無街個 d 咁鬆軟椰味都 ok.

左邊係搓長條的, 右邊係壓平卷起.

見網友紛紛都在做中式包點, 慢慢被感染起來做一下饅頭, 昨天除買了 手動磨碎攪攪器 之外還買了一本點心書學人做一下包子, 叫做 "香港點心", 睇過書中的序言感覺作者是個有心的人, 想將正統的點心發揚光大, 讓技術流傳.

不過真是沒有做中點的慨念, 衰左.....原因 1 手腳慢...... 2 可能蒸耐左因為我較左 timer 唔記得禁著佢係度洗嘢發現唔知過左幾耐為有蒸多 2 分鐘....... 其餘死因要比大師評級才能有所進步.

椰汁饅頭 - 麵包機(搓粉) 為原食譜的 1/3 分量

麵粉 (今次用了低筋) 315g

椰汁 165ml (原食譜計算後應為 150g 剛好是一罐綠色包裝細罐)

泡打粉 2g

糖 56g (做出來有小許甜)

酵母 1 小匙 (原食譜為 4g)

將所有材料放入麵包機 (原食譜為 mixer 用慢速打最小 25 分鐘) 我只用 kenwood 麵包機程式 9 打了兩次, 發大一倍再打 10 分鐘. 用麵粉棍輾平麵團壓空氣 (原食譜是用輾麵機) 捲成長條狀, 用刀切成開放在焗爐紙上恆身 (點心術語醒) 大火蒸 5 分鐘即成.