自家製蒜香雞肉腸

學做腸仔似模似樣

蒸至轉式定型可放凍格保存

煎腸仔試食

味道可以不過腸衣比較難咬開

上次見網友做腸仔時, 交流過後網友 Natalie 好好人幫手搵朋友看看可否讓部份腸衣給我。終於都係時候試做人次, 人手灌腸真係有點難, 要分幾次做而且又會怕腸衣爆開。最花時間是灌腸, 碎肉反而不是太難, 有食物處理器已經可以代勞, 預早一天碎肉加調味醃一晚可以灌腸。人手灌腸真係好難, 要有耐力同心機, 因為好容易會爆腸。

食譜只能粗略的講一下，因為沒有準確地算用了多小腸衣。

材料： 

急凍雞扒 2 大塊

蒜頭 3-4 粒

醃料 ： 醬油麴，糖，生粉

雞扒解凍後洗乾淨，隔去水份加入蒜頭用食物處理器攪碎（或啄碎）再加入醃料及攪至起膠醃過夜。

腸衣是豬腸衣要預先用水浸一日備用。

人手灌腸需要一個灌腸嘴，將腸衣套在灌腸嘴上，將雞肉放入兩個唧花袋內，將唧花袋塞進灌腸嘴再唧雞肉, 慢慢唧唔好急, 灌腸不能太滿, 感覺上這次灌得太多比較粗身, 加熱時腸仔會脹大的, 所以下次再做時灌腸時應該灌小一點, 讓其有空間脹大. 

灌好腸後再每隔一小段扭動腸仔作分隔或同繩打結作分隔, 完成後再用竹籤將每段腸仔刺穿腸仔 4-5 下, 以便蒸過程中排出氣不至於爆烈. 中大火蒸 4-5 分鐘作定型, 放涼後儲存在冰格, 食之前解凍再加熱才可進食.