黑背木耳無水蒸雞@staub 鑄鐵鍋20cm

再試下無水蒸底部加了二湯匙水

蒸起雞好嫩滑

昨晚已經加了調味料醃過夜好入味，還有加了黑背木耳爽脆可口。今次再試下無水蒸, 效果唔錯都幾方便, 將醃好的材料放入煲內就可以, 蒸完利用餘溫再焗 15 分鐘, 因為鍋子厚身又存熱, 跟平常用放在熱水上蒸一樣好味, 而且慳電水不需要先燒熱一鍋水再蒸, 一來一回的時間燃料費可以慳一點. 焗時的時間不會令食物 Overcook, 可以安心處理其他食物。 

材料 :

黑背木耳 兩朵

雞扒 1-2 塊

薑片 二片

醃料 : 豉油, 糖, 紹油, 生粉各小許

黑木耳浸軟去除中間硬的部份再切粗條備用。

雞扒洗乾淨切大件再去除肥膏, 加入醃料及木耳醃過夜。

將所有材料放入 Staub 後加二湯匙水加蓋, 開火中大火 3 分鐘, 再轉細火 8 分鐘, 焗 15 分鐘即可。