生炒糯米飯

很久以前試過生炒糯米飯, 不懂得控制加水份量, 做出來糯米好粘不好吃, 最近天氣轉冷見 FB 好多朋友都在做, 再鼓起勇氣試做, 今次成功了雖然油了一點, 不過自我感覺良好十分滿意, 下次試再不加油看看效果如何。

今次用易潔平底鑊做, 慢慢做唔心急才會做得好, 今次準備了用小杯子裝水, 真的可以慢慢加, 不過炒的時候有點難, 因為鑊比較大做的份量比較小。這樣發現了一點技巧就是拋鑊, 因為加小量水份進去的時侯其實很快就會蒸發了, 所以用拋鑊的方式做小份量是非常好, 這樣就可以快速把糯米均勻地粘到水份比起炒的還要好。 加水後拋兩下鑊, 再用鑊鏟兜開始覺得糯米粘在一起時再加水份。加完最後一次水炒好後試食一下確定米粒已經熟透後, 加一點老抽令顏色漂亮一點, 最後加入蔥花拌勻即可。

材料 :

台灣長糯米一杯  (不是特意要用台灣糯米只是在街市忘記買, 所以行超市見到買了)
水一杯
臘腸潤腸各一條
蝦米一小撮
蔥花適量
老抽適量

糯米浸水 3 小時, 今次因為唔夠時間只浸了一個半小時後, 隔去水份。
雙腸切片備用, 網上教切片好所以試下, 不過感覺上還是切粒會更加好。
蝦米浸軟備用。
鑊加小許油 (其實不加油應該可以下次再試不加油) 加入雙腸及蝦米爆香後加入糯米, 炒一會讓其乾身後, 再加小許份大約 2 湯匙左右, 炒或拋鑊也可以, 當糯米吸收了水份後, 再加 2 湯匙水份, 如是者直至把 1 杯水份用完為止, 試一下糯米是可否已經熟透後再加入老抽增添糯米飯顏色, 最後加入蔥花拌勻即可