20cm 竟然可以放到細隻冰鮮雞
第一次做未能掌握到火力及時間
所以完成後發現雞肶
未熟透有血水
需要加時再煮
雖然加時再煮肉質仍然可以保持嫩滑
前幾日刻意想用 Staub 去焗雞, 其實好耐無咁焗過, 以前學會了電飯煲焗雞後, 一直用一個舊電飯煲焗雞覺方便容易做, 雞肉嫩而且一定會熟透。幾年前搬家後沒有把飯煲帶走, 本想再添置一個平價電飯煲做焗雞, 不過慢慢已經淡忘了這件事。買了這個鍋子想一想可以用這鍋子煮飯, 用電飯煲焗雞, 可惜我家的是智能電飯煲, 跟那款平價的不一樣, 因為要重復按下煮飯制, 不知道能否做到。再細心想一想覺得細隻冰鮮雞有可能塞進這個鍋子, 所以買一隻試下可不可以放進去。 如我所願放到。
今次又得出新既經驗, 焗雞要多小時間, 幻想 10 分鐘再焗 15 分鐘就可以原來大錯特錯, 可能一向無蒸雞慨念, 所以今次失敗了, 要再做多次才可以完成, 幸好雞仍然是嫩滑。
材料 :
冰鮮雞一隻
沙薑粉適量
粗鹽適量
蒜頭 5-6 粒
乾蔥頭 5-6 粒
蔥一大把
玫瑰露二湯匙
先將雞洗乾淨隔去水份, 用粗鹽刷雞全身及雞肚內, 表面及雞肚內灑上沙薑粉, 醃過夜。
醃好後將蒜頭及乾蔥頭各一粒及切蔥白部份 3-4 支一同放入雞肚內, 再將雞腳塞進肚內。
將蔥切成 3 段, 放進鍋子底部, 再放入餘下的蒜頭及乾蔥頭, 放入雞後灑上玫瑰露再加蓋。今次不提供時間了, 因為是失敗版本, 估計開中大火 3 分鐘轉小火 15 分鐘, 再焗 15 分鐘。
P.S. 完成後保留汁料伴食
沒有留言:
發佈留言