2009年5月30日星期六

全麥麵包方包- 食物處理器 + 焗爐



今次有小小失敗頂不到角......


睇一睇入面覺得點? 



有餘下的麵團就滾圓算...

今次又用番部有食物激鬼器之稱的食物處理器的舊玩具搓包, 大家都應該記得我之前有提它, 一宜都覺得放係櫃入面只會每年一度用作過年刨蘿白用, 雖然它是我用超抵的價錢抱回家但仍覺得真是有點可惜, . 早兩天再在廚房重新找一個位置安放它, 雖然有點難, 但係仍可迫出一點點地方來.

好今次都幾成功, 跟網友之前提過先將材(牛油除) 混合好再放入食物激鬼器打, 沒有再將材料卷入軸心內, 而且打完麵團後容器也非常乾淨, 雖然做起來比較麻煩因為要拉膜睇一睇, 要停機打開蓋子才可以看到. 不過就真係超快. 總共用了 5 分鐘的時間已經有膜, 本來可以打耐一點不過怕麵團會發熱. 所以沒有再打落去, 今次無激鬼算它吧. 

做法除牛油外, 將所以材料預先混合再放入食物處理器打 30 秒, 再加入牛油打 1 分鐘查看一下情況, 打 30 秒停機睇一睇再多打一次 30 秒, 最後覺得麵團開始發熱所以無沒有再打落去, 番查說明書是可以打 180 秒, 我想下次大膽一點一直打落會比較好... 跟提子麥包做包底放了 290G 麵團入方包模, 焗爐 210 度 25 分鐘

2009年5月29日星期五

抹茶(綠茶)雪糕 - 雪糕機




一直喜歡日本的抹茶味道, 特別係用抹茶粉沖的茶特別香特別好飲. 早兩日去烘焙店買了一包綠茶粉用作做雪糕, 因為買回來的綠茶雪糕要到日式超市才能買到, 而且價錢不便宜. 今次買的綠茶粉真的不錯.
打開包裝時綠茶的香氣已經進入鼻孔裡, 真係好香哦. 做雪糕時我豪不客氣地放入三大湯匙. 做出來的味道有濃郁的綠色味 - 是我想要的.

如果大家怕茶味太濃可以先放入一大湯匙拌勻試味材決定是否要增加份量.

抹茶(綠茶)雪糕 - 雪糕機

淡忌簾 300g

鮮奶 100g (如不喜歡奶未可以, 用淡忌簾取代)

抹茶粉 三湯匙 (先放一匙調教自己喜愛的味道)

雞蛋 2 隻

糖 4 茶匙

將雞蛋打散, 先將奶,淡忌簾及糖加熱至出煙熄火, 將一匙奶類混合物慢慢加入蛋內與此同時快速攪拌蛋汁, 再慢慢加入加一匙重覆做法.... 至三至四匙後, 可以將蛋全部倒入之前的奶類混合物快速攪拌後. 將雪糕漿放涼後, 將雪糕機裝好開動後, 加入雪糕漿攪至傑身即可. 最後將雪糕放入膠盒內再放入冰格雪兩小時即可=享用.

2009年5月28日星期四

香草魚柳 - 光波萬能煮食鍋 (光波爐)



今日在網上重溫光波爐的用法

喚醒起重經睇過的記憶

原來放入光波爐的食凍肉可以不用解凍直接放入加熱即可

今次的做法是從冷格取出雪柳放入光波爐灑上香草

鹽及黑胡椒

高架 250 度焗至魚柳熟即可.

樣衰衰的粟子包 - 焗爐





早前見網友做的粟子包非常靚, 已經試做想了很久但未買到粟子蓉, 我很小做包餡的包包, 所以可以說是沒有技術可言, 絕對是新手一名. 不知道是否粟蓉的比較濕放了在麵團已經很難包, 包好後一剪在部份地方是見到餡可是已經漏了出來, 我見
過網友做的是見到餡但不會漏的, 可能是我買回來的餡不夠干身所以會有這情況出現, 本來剪完應該再要壓一下包包, 但見餡料已漏出所以沒有太大力壓.

麵團仍舊是往想用開的直接法, 包上餡料再剪開包包壓一壓.

預熱焗爐 190 度 20 分鐘.

2009年5月27日星期三

藍莓麵包布甸



出爐啦....



未入爐樣衰衰咁....

家裡還有兩件方包好將它變成甜品, 講真我沒有確實的詳細份量, 因為我只係用我緊有的記億知道大約有什麼材料, 隨意加入雪櫃裡的物資. 雖然外觀麻麻地, 好在味道出來真得不錯....

藍莓麵包布甸

麵包兩片

藍莓果醬約 2 湯匙

糖 約 4 小匙

牛油 40g

奶大約一杯多一點

將奶糖混合加入已溶牛油, 將麵包切 1 cm x 1 cm 大小放入混合奶內, 讓麵包充分吸收奶汁後放入容器七分滿.

160 度 25-30 分鐘

2009年5月24日星期日

自家制粟米湯


今次做了另一個不同做法的粟米湯, 沒有再打爛粟米, 將新鮮粟米全部起粒粒, 至於怎樣起粒, 可以到何師奶的 blog 度睇一睇 http://hk.myblog.yahoo.com/KellyandRuby-mami/article?mid=21884. 在這裡要嗚謝 網友 dincat 教路, 將粟米起粒後放冰箱內保存, 煮麵時加一點食的時候好有日本麵的感覺, 還有做包包時也可以放一點.

今日落了大半日雨沒有到街市買餸, 想起冰箱內有粟米好來個自家制的粟米, 說真的新鮮粟米比起罐頭的清甜而沒有渣, 價錢大概差不多吧了.

自家制粟米湯

新鮮粟米二至三條起粒

淡忌簾適量 (不喜可以不加)

雞蛋 一個

稀生粉水

將粟米起粒放入滾水煮至部份粟米微爛加入淡忌簾再滾起, 熄火後加入已打爛的雞蛋及稀生粉水攪到小....小.....小...小傑.

肉鬆包 - 麵包機 + 焗爐



出爐啦....


未入爐前的玉照


成品焗起切開卷得麻麻地

想做肉鬆包已有一陣日子, 但是一直未買肉鬆, 前兩日在超市買了一盒肉鬆, 可以做包包用. 麵團食譜可以參考之前做的. 將麵團擀至長型放上肉鬆卷起將左右面邊收好口即可. 入爐前加上蛋汁即可. 190 度 20 分鐘.

2009年5月21日星期四

魚柳包 - 麵包機 + 焗爐



出爐啦.... 終於有我想要的型狀....


搓完包的薄....

好再有網友 tammy2008 同  dincat 的提點, 終於做到我想要的型狀, 幾滿意唔錯. 秘密就要剪開麵團要夠深. 麵團底係中種麵團. 跟以做的一樣. 190 度焗 20 分鐘

2009年5月19日星期二

再戰魚柳包 - 麵包機+焗爐




麵團無咩特別還是平時做開甜麵團底

今次改了方法做完終極發酵之後才放上魚柳再加沙律醬

出來效果完全不是自己想要的型狀

好下次又再試過.

預熱焗爐 180 度 15 分鐘

2009年5月18日星期一

又黎頂角方包 - kenwood 麵包機



還是頂到角


入面組織不錯.....

今次終於唔痴啦.... 

經網友教路洗乾淨搽油燒一燒放涼以後再用就唔伯痴

得左....食譜用直接法抽一個出來做

300 g 麵團預熱焗爐 210 度火 30 分鐘

2009年5月17日星期日

冧酒提子雪糕 - 雪糕機



出爐啦.... 呀...唔係.....係出機啦....




攪好用刮刀抹平的雪糕成桶


攪了 15 分鐘開始成糕狀


夏日炎炎食一杯雪糕真是一件快事, 這玩具被我打了落冷宮已經有一段很長的時間, 係時間要它重生. 今日天氣熱和家人飲完茶後, 因為感覺有點累而且天氣熱所以回家小睡片刻後又開始做我工程.

飲茶前已經準備好醃雞浸好煲湯料, 回家後睡了一會兒, 被我家的一大一小嘈醒. 還是起床攪攪陣好過. 昨天已準做這個雪糕, 所以已經浸了提子待今天開工.  搓好了包包待發酵的同時又開始攪雪糕的材料, 看來今天好像做了很多食品.

冧酒提子雪糕 - 雪糕機

淡忌簾 400g

紙包奶 200g

糖 150g

提子適量 (預早一天浸在冧酒內)

冧酒 2 茶匙

先將提子榨乾水份, 將淡忌簾紙包奶及糖混合略打. 開動雪糕機將混合好的材料放入攪 30-45 至傑身熄機, 再放入雪櫃雪硬即可.

食後感, 囡囡話覺得好怪.... 提子酒味太重.... 唔浸都可以.

電飯煲焗雞




這款電飯煲焗雞是多年前睇肥媽的房菜時學的, 但是每做完都忘了影相所以一直都沒有放上網誌內, 對於懶人來說可說是方便到極, 因為不睇火仍可煮出好嫩滑又好味萬試萬靈, 不過需耍的時間比較長.

這雞是我家父的至愛, 每次他老人家到訪我時, 我必會煮這款雞. 每次家父食的時候總問我如何烹調, 我想因為用了電飯煲所以不可以煮飯, 相信家父是不會試做了.

電飯煲焗雞

雞一隻 (連雞腳)

醃料 : 鹽, 沙薑粉

玫瑰露酒適量

配料 : 蒜頭 7- 8 粒, 乾蔥頭 7-8 粒, 蔥四至六棵, 薑片 2 片.

電飯煲一個

雞洗乾淨用鹽及沙薑粉刷雞身及雞內籠, 醃一小時以上, 先將蔥一開二墊底再放上蒜頭及乾蔥頭 3-4 粒, 雞肚內放入蔥薑片蒜頭及乾蔥頭, 將雞腳塞回肚內, 將雞放入飯煲內(雞胸向上). 蓋好飯煲按制待有水蒸氣出現至直噴, 將電飯制推回向上, 打開煲蓋在雞面灑上玫瑰露酒蓋好蓋再按制一次待有水蒸氣出現至直噴後即推回制向上. 不可開蓋待飯煲冷卻或置一至二小時後才可開蓋. 煲的汁可以留起作薰點用.

2009年5月16日星期六

光酥餅 - 焗爐 + 麵包機



切開內部....

.終於焗完啦..... 無爆面的場面有小許失望.... 不過我估係我的方法問題




未入焗前......

今日又跟書 - 香港點心做光酥餅, 不過當我準備好材料的時間發現無糖漿, 只好蜜糖代替, 唔知出來效果如何心口只得個勇字的我只好博一博. 其實超市就在我家對面過馬路行兩步就到, 但是我是一個回家了就不想出街的人或者我是一人個懶人.

不睇中式包點的食譜真的不知道原來大部份的點心都是會用上豬油, 在超市買一件都要三四十貴得很, 所以用光波爐光了豬出來. 光完的肥油渣非常酥脆. 為免失敗浪費食材, 所以將原先的食譜份量減半做以下是原食譜份量:

光酥餅 - 焗爐

麵粉 380g

糖漿 (我改了用蜜糖) 181g

梳打粉 0.8g

臭粉 0.8g

泡打粉 3g

豬油 42g

蛋白 33g

將材料放入麵包機 (無用手搓也可) 將材料混合至幼滑, 放好發酵 4-6 小時, 分體整型, 再發了兩小時, 表面及盤底要灑上麵粉, 焗爐預熱 170 度焗 15 分鐘.

p.s. : 因為書上寫得有點不太清楚, 原書寫是發好入爐, 不講何時分體, 所以現在回想是否應要時搓好麵團分割整型才發, 發好即入爐.....

後記 : 試食後入面未夠街買的鬆可以是因為情序不對..... 不過食落都很好好食.

2009年5月15日星期五

疑似叉燒的烤肉 - 光波萬能煮食鍋 (光波爐)



個樣係咪好似叉燒呢? 肉是一樣的但係醃料不一樣, 但是出來的成品似叉燒多一點. 原先是做叉燒可是家裡的叉燒醬已用完了, 所以我只好將家裡的
醬料來一個大混醬好了, 簡簡單單又一餐其實係好我懶.

疑似叉燒的烤肉 - 光波萬能煮食鍋 (光波爐)

梅頭肉

醃料 : 生抽, 糖, 喼汁, OK 汁, 茄汁, 麥芽糖

醃最小一小時以上

光波爐低架 250 度 10 分鐘反面 5 分鐘即成.

魚柳包 - 麵包機+光波萬能煮食鍋 (光波爐)




新花款不過我的情序錯了所以包包出來不是我想像, 我真係笨蛋一個, 我應該做型後發好包包才加放上魚柳出來的樣子應該會靚得多.... 而在好像有點差勁......

不過囡囡就大讚好味呀.....

食譜還是用低溫發酵不同的是表面加上魚手指及唧上沙律醬

光波爐 200 度高架反轉放包包再放上烘碟.

2009年5月13日星期三

頂角中種提子包 - 焗爐


未入爐前......發到我覺得夠的差不到頂位置.......


出爐啦.....


切開入面....

想買方包模時已經在網上查找資料, 已經睇過好多 blog 同討論區, 發現有很多問題會影響到方包做出來的樣子.  無論是包面著色、 頂角、 麵團份量或是爐溫問題(焗完放涼後會出現下陷的情況) 都有著很多問題存在, 不斷在網上睇了很多資料.

今次記得影相比大家睇..... 角度問題, 其實麵團頂部已經差不多到頂的位置這樣就一定能做頂角方包, 常常想到要發至八九分滿, 我想現在這個模樣應該算是九分滿好了.

包包還是中種甜麵團卷入提子乾..... 230 度 27 分鐘

四季桔

話說最近常常食熱氣食物, 只因我老闆最近發現中午到茶樓食午餐非常抵, 埋單時跟平時叫飯盒價錢差不多三十多元(不過每次我老闆都只收我三十元, 我賺了), 他老人家喜歡食熱氣食物, 很多時都會叫炸物, 小不免令到我有點上火. 喉嚨痛來了 (不用怕我沒有豬流感無發燒無骨痛).

昨日食早餐時終於忍不住找出仍未夠火候的自家醃買季桔, 我真幸運被我夾著一粒比較黑的, 我怕不夠火候所以多夾一粒一齊沖水飲. 飲了不覺有異樣, 到了中午神奇的事終於發生..... 痛楚已經減輕一半, 晚上再多沖一杯, 可是已經找不到較黑的, 沒有辦法只好照樣沖一杯. 今早起床時已經好多七七八八. 難怪蘇絲黃講佢過身的親戚留給它的陳年四季桔是她的命根, 不到快要病死的時候是不會用宅的.



2009年5月12日星期二

苦瓜燜排骨



夏天到了上星期二已經立夏.....天氣熱又見會見到苦瓜出現. 大大個脤卜卜就帶佢回家孝敬一下老公, 這個是他的至愛. 煮苦瓜多數都會用蒜蓉豆豉煮味道是最夾最好味的.  印象中娘家好少煮苦瓜, 好像只有我爸爸食, 而我細時就怕苦, 是不過
挾苦瓜食. 這個餸如果沒有老公要求的話我都很小煮, 不過而家已經習慣了所以見到有的時候就會想起這個是老公的至愛所以會買回家煮

苦瓜煮排骨

苦瓜二個 (斜切,切條狀)

排骨 $20-$25

豆豉及蒜蓉適量

醃料 : 豉油,糖, 生粉, 油

先將排骨用醃料醃最小半小時, 起油鑊將排骨爆一爆離鑊, 再將豆豉及蒜蓉爆香加小許鹽再下苦瓜爆炒一會加入排骨兜勻再小許水燜至排骨及苦瓜淋即可.

2009年5月9日星期六

椰汁紅豆糕



今日做了這個囡囡指定的紅豆糕, 跟了 "香港點心" 的食譜做分量已經是原食譜 1/3 我想下次跟這本書的食譜做我想可能要 1/4 已經夠一家三口食. 今次除了這

一盤外還有另外一盤用圓型模裝很多哦. 剛才已經試食甜度剛好, 囡囡都大鑽好食.

其實這個甜點應該叫做椰汁紅豆糕才對, 因為用上了椰汁還有忌簾, 這個還算是中點嗎? 不過在茶樓可以食到的就當他是中點好了.

紅豆糕

魚膠粉 30g

水 200g

糖 200g

椰汁 300g

紙包奶 300g

鮮忌簾 333g

熟紅豆 200g

先將忌簾加糖打發備用, 用熱水加魚膠粉攪溶, 將紙包奶及椰汁混合後加快手加入魚膠水攪勻再撞入鮮忌簾攪勻加入熟紅豆攪勻放份模中蓋保解紙放雪櫃雪凍定型即可.

P.S. 下次還要再減分量, 對我來說太多了.

女兒對母親節的一份心意



正一傻妹.... 我在廚房處理我的紅豆糕時, 囡囡放補習社回家, 側側身打開雪櫃不知道在打什麼主意. 我只是眼尾偷望囡囡, 我問囡囡 "仲咩開雪櫃鬼鬼鼠鼠咁",
囡囡被我發現後回了一句明天母親節所以買比你食. 本來我想一手接過, 但是囡囡話明天才是母親節你明天先至可以食. 好啦... 咁我就乖乖等明天. 今晚便食我整的紅豆糕好了. 雖然只是一件平凡得很的蛋糕, 但係在心中已甜在心頭.

P.S. 食完晚飯食了這件蛋糕, 不要小看它樣子普通原來都是很美味, 不會太甜味道剛好.

頂角洋蔥包 - 麵包機


今日又再整方包食譜都係在我其中整過的食譜照做

 不過加了 2 匙洋蔥粉

 麵團放了 320g 焗時一室洋蔥香

 我用大火恨恨咁燒佢甩模時仍然有小小痴

 現在想一想可能麵團太多很迫所以痴模

好下次減小麵團再試

常見到做用方包模做不到頂角效果

忘記了影發好的包的樣子比大家做參考下次一定要記住. 

2009年5月5日星期二

再戰饅頭 - 麵包機搓粉



今次自己由頭做到尾


蒸完啦... 今次有部份好樣有部係唔係好得.... 濕了水

今次就整型後才煲水等水滾才放入蒸了 5 分鐘.....

2009年5月2日星期六

再戰椰汁饅頭 - 麵包機搓粉 (新登場老公的制作有片睇)



特意拍下短片參考


整型後準備入鑊蒸



蒸起時的模樣


大特寫.... 見到一卷卷


入面 ok 喎.

今早蒸好的饅頭出了事, 不論外觀及質地都非常差, 有點誤信了老公的做法. 所以今日用了威迫的方法要他出手. 好了, 原來做法上跟我之前大致相同, 整型後沒有放多久就入爐 只是在蒸的時候出了問題, 原來蒸的時候先蒸了三分鐘再熄火焗一分鐘, 再開火蒸三分鐘看一下包包是否 ok, 如果仍然熟再蒸, 最後我們還要多蒸四分鐘, 因為始終家庭式的爐火不及得上酒樓的蒸爐.

另外老公的意見是麵團壓得還未仍薄及因為灑了手粉所以蒸起有見到一卷一卷, 另外包包凍了有點硬, 可能打麵團時間未夠, 好有了這次經驗下次再做時應該會好一點...... 食譜還是跟今早的椰汁饅頭不過改用了中筋.