芋頭炆油鴨腿 - 高速煲

做了一個過了火位的芋頭炆油鴨, 一時大意忘記了已預先將芋頭半煎炸煮熟, 一同連已爆香的油鴨腿放進高速煲, 到我醒覺的時候已經太遲了, 所以有部份的芧頭已溶化掉.
做了個很失敗的菜。

雖然賣相失敗了, 但係味道也不錯, 食到我唔停得口。 而囡囡一直以來對好像溶化的食物很反感, 可能因為自小交托外公外婆照顧已給外公外婆寵壞了, 所以每每遇上不合心意的事即會大吵大鬧, 現在由我照顧當然即時被我教訓, 食物外表就算不美但不代表是難吃, 凡事未試或未做已經覺得做不到或是不好, 永遠都唔會成功, 而且我只要求你嘗一口, 如果真係不能下嚥, 我也不會迫你進食的, 結果囡囡嘗完一口又一口了。

芋頭炆油鴨腰腿

油鴨腿一隻
芧頭半個
蔥、薑、蒜

先將油鴨腿出水去除肥膩, 切件備用。
芋頭切條用油炸或半煎炸。

起油鑊爆薑及油鴨, 再加蒜頭及蔥頭, 之後加水過面加小小老抽較色, 加糖炆至油鴨腿肉鬆身, 最後加入芧頭炆一下即成。
但我這次是用高速煲做, 一時忘記芧頭已熟不可以同時與油鴨一起煮, 所以大部份芧頭已溶化。