自家制豆腐花

自家制豆腐花, 不比街外的差, 一樣可以做到香滑好味, 我是用家燕姐的豆漿機做。 買豆漿機千萬不要係屈人寺買, 因為前年我在那裡買了一部, 起初用都無問題都只是清洗瀘綱時因為有渣滓粘附在上面有點麻煩, 但因為有一段時間自己忙得很, 所以沒
有做豆漿, 事隔二至三個月再做一次, 一年不足的時間就要宣佈佢死亡。 其實當時都我買這部機時都想了很久, 在家燕姐個部同屈人寺之間作出選擇, 因為價錢問題同自己是否真的會常做考慮, 最後以便宜為主買了屈人寺個部結果係點大家都知啦...... 所以電器始終都要買有名氣的比較好。

自制豆腐花

豆漿 600ML (原食譜是 600-800ML, 但用800ML 做豆腐花凝固得不太好)
熟石膏 1/2 湯匙 (在藥材舖有得賣)
生粉 2 湯匙
凍滾水 2 湯匙

先將熟石膏粉及生粉用凍滾水開勻, 再將熱豆漿快手倒入, 及用湯匙畢走泡泡後蓋上乾淨的布或廚房紙再加蓋蓋好, 待豆漿凝固即成香滑豆腐花。
*** 留意倒入熱豆漿後不可攪拌豆漿及移動豆漿, 吾則影響凝固。